عرفت بلي تع السي هارون ....
دقدقت ...
هارون :تفضل
مسحت عينيا بزربة و عدلت روحي
و دخلت ...هو برك شافني تبسم
هارون : اوووه لينة عبقرية مدرستنا
تبسمت معاه بسيف
لينة : شكرا ..
هارون : تفضلي اقعدي
رحت قعدت
هارون : غير الخير بنتي
لينة : حبيت نطلب منك طلب
هارون : بيان سور تفضلي
لينة : عبالي مشي حاجة نطلبها ...سمحلي بزاااف ..بصح نتا وعداني كون نجيب معدل مليح فلباك تبعتني نكمل قرايتي فلخارج
برك هدرت حبطت راسي منيش مامنة انو راني نطلب طلب هكا ...
هارون : وييي و انا مدلت عند وعدي اصلل تستهلي
خزرت فيه و انا حشمانة كثر ملي راح نزيد نقلهولو
لينة : عبالي مشي من حقي نطلب هاد الشي ...بصح راني حابة نروح بلأسرع وقت ...هاد السمانة....
انا برك قلت هكاك هو خزر فيا بطريقة تع تساؤل
هارون : علاش كاش ما صرا؟؟ جا ليك باباك ؟؟؟؟
هو برك قال هكاك انا قلبي تزير و عينيا تعمرو بالدموع
لينة : بليز ...حابة نروح بأسرع وقت *صوت باكي*
هارون : لينة بنتي راكي خوفتيني عليك....وش صرا ؟؟؟ كاش ما دارلك وائل و جماعتو ؟؟؟
هو برك قال هكاك انا جاني شوك ياربي كيفاش عرف هدا؟؟
لينة : اه..لالا...انا برك حبيت..نروح بأسرع وقت
قلتها بزربة بتوتر...معباليش اصلا علاش راني نحامي عليه ...
هارون : راكي متأكدة
لينة : ايه ...نترجاك...ابعتني برك معليش نعيش برا...
هارون : خلاص لينة متخافيش ... نتي شرفتي مدرستي و اصلا ملدك بداو الجامعات تع الخارج يعيطولي علاجالك...و منقدرش نرفضلك هاد الطلب لانو تستهلي
هو برك قال هكاك...مفقتش كيفاش صبتو روحي نبكي
لينة : شكرا...شكزا عمري ما راح ننسا خيرك
هارون : تستاهلي بنتي ...غدوة ان شاء الله ني نعيطلك و نقلك التفاصيل
كنت حابة نروح نعنقو ديك الدقيقة
نضت وقفت و انحنيت شوية احتراما ليه
لينة : شكرا والله عمري ما راح ننسا الخير تاعك و راح نتأكد انو منخيبش ضنك
هارون : راني متاكد انو عمرك ما راح تخيبي ضني على هاد الشي لي راح نلبيلك هاد الطلب
تبسمت معاه مع انو كنت حزينة بزاف بصح صح خيرو مرحش ننساه ....
ودعتو و جيت رايحة
قاعدة نمشي فطريق و دمعة مطاحتلي خلاص ملازمش نبكي....انا قوية و رح ننتاقم
رحت لمركز التدريب صبت ميليسا مسكينة تستنا فيا و فرحانة ....لكن انا حخطمتها بالاخبار وزدت حطمتها كثر كي قتلها انو قررت نروح منا
برك كملت نحكيلها خزرت فيها صبتها تبكي لتم خلاص مقدرتش نشد و بديت نبكي معاها ....هادي اول مرة تشوفني نبكي
جات عنقتني
ميليسا : متخافيش لينة....رح تروحي و ترجعي افضل و اقوى منو و رح يندم بزاااف لي خلاك....كوني اقوى و خدي هاد الشي كدرس.... و كوني متأكدة انو يجي نهار لي راح يندم فيه
قعدنا مدة و حنا هكاك حتى رقدنا كيف كيف ...خلاص كرهت النوم هو مفري الوحيد باش نهرب مالواقع\
*في الصباح*
نضت مع الصباح ربي ...صبت ميليسا جابت الفطور من دارهم ...مكانتش عندي شهية باش ناكل خلاص المورال تاعي فسد و ولا اسوء ملي كان مقبل....
بصح كليت من اجلها منيش حابة نقلقها عليا و انا عبالي بلي راهي حزينة
و حنا ناكلو
لينة : ميليسا حبيت نطلب منك طلب
ميليسا : وي تفضلي
لينة : ميليسا كيما عبالك راح نسافر و حبيت نطلب منك انو برك نسافر تروحي عند وائل و ترديلو قاااع دراهم تع ليكوغ
ميليسا : وشنوووو ؟؟؟ لينة هبلتي *بصراخ* هادو دراهمك لينة حقكط ....تعبتي معاه
لينة : منسحقش دراهمو *بصراخ* منسحقش الزبل تاعو ....نروح و نقرا و نولي افضل منو و نولي نجيب هاد الدراهم في نهار مشي في شهر
ميليسا حبطت راسها و هدرت بصوت خافت
ميليسا : بصح لينة تعبك
لينة :معليش ...منيش رخيصة ميليسا...منسحق حتي شي يذكرني بيه ..
خزرت فيا و تبسمت معايا
ميليسا : لازم تكوني دايمن قوية هكا...و روخي اخدمي و ولي جيبي هاد دراهم في نهار كيما قلتي
تبسمت مع ميليسا و أومأت براسي
لينة : متخافيش عليا
و حنا ناكلو حتى بدا يصوني تلفوني ... رفدتو بزربة صبتو السي هارون
لينة : هاون راو يعيط
ميليسا : اجري ردي
رديت عليه ....
و المفاجأة انو قالي نقدر نسافر غدوة صباح و خير نروح ل لندن لانو الموسيقى فيها متطورة و كل التخصصات و بما انو انا مخيرتش تخصص
حاب يبعتني لتم باش يجيني كلش ساهل ...عمري ما حسيت روحي محظوظة لهاد الدرجة...صح ..ان بعد العسر يسرا ..
بصح فنفس الوقت راني ميتة بلحشمة
نورمالمون يبعتني بعدما نخير تخصص و نروح ديراكت للجامعة للاقامة
بصح انا راني رايحة مقبل و زيد دبرلي وين نسكن
راح نعكل باش نتأكد انو نردلو خيرو..مرات نحيرا كيفاش رجل طيب كما هدا يخرج وليدو رخص كيما وائل ...
هاد لمرة لازم نتنازل عن كرامتي شوية...لمهم نبعد منا خلاص خلاص كرهت كلشي هنا فكل بلاصة عندي ذكرى سيئة
فكل ممر كاين حزن و تعب ...
لازم نروح...و نبدا حياة جديدة...حياة افضل ..حياة لي تخلي حد ما يتجرأ يهيني
بعدما قالي هاد لخبرصح فرحت و رتحت لكن فنفس الوقت تألمت لانو رح نخلي الجماعة و ميليسا ...
حتى ميليسا حزنت ...
بصح انا رح نروح و نبذل جهدي من اجلي و من اجلهم
لوقت يجري ...وصلت لعشية و حاو قاع اصدقائي...خاوتي ...دارولي حفلة وداع..صح كانويضحكو بصح كنت نشوف فيهم كيفاش كانو حزان...
هاديك الليلة بتنا قاع كيف كيف و بسيف باه رقدنا
قتلكم هما كلشي عندي ..دايمن يخلوني نضحك دايمن ينسوني فهمي...
جبناها قصرة وضحك و غنا حتى متنا قاع هههه
*في الصباح*
نضت على صوت ميليسا تسيي تفيقني ...
ميليسا : يا حيوان نوضي لوقت
لينة : خرا عليك بلعقل
كي لعادة و لعوايد نضت بسيييييف
رحت وجدت روحي و لبست كي لعادة نامبوغت كوا...شديت شعري ...ضربت طلة عالساعة صبتها
التسعة و انا العشرة ديماري الطيارة تاعي
كانو حايبين يوصلوني للمطار بصح مخليتهومش بالسيف...عبالي كون نشوفهم والله ما نقدر نطلع و نروح ....
لكن خليت امين يوصلني بالطونوبيل
كي ودعتهم رجعت نبكي كي المهبولة عمري ما ضنيت انو يجي نهار و نتفارق معاهم ....
راني متألمة لدرجة بزاف كبيرة عمري ما تحطمت هكا....و هدا قاع علاجال وائل ....والله غير ندمو على كل شي...
بيان سوغ قبل ما نروح وصيت ميليسا على دراهم
....ركبت مع امين و طريق اع و انا ساكتة مقدرتش نهدر....حتى صبت روحي قدام المطار
لينة : وقت الوداع ههه
قاعدة نتبسم بالسيف خلاص حا نموت
خزر فيا امين و تبسم معايا..شدلي يدي
امين : لينة كوني قوية...عمرك ما تفقدي ثقتك بروحك ..مهما يصرالك لتم كوني متأكدة انو نتي راح تبقاي دايمن الاولى و الافضل ...كوني دايمن كيما عودتينا و اقوى ...شوفي نسحق كي ترجعي لهاد البلاد...الناس يفرشولك تابي غوج...نسحق كي ترجعي يكونو قاع متمنيين تخزري فيهم خزرة ...
هو يهدر و انا نتقوى كثر و كثر ...
خزرت فيه و تبسمت
لينة : متخافش عليا
امين : هايا اجري روحي دك نبكي هههه
تبسمت و خرجت مطونوبيل ...روشتلو بيدي ...و رحت....
دخلت للمطار و مع الدخلة قابلني السي هارون ..روشلي رحت عندو
هارون : صباح الخير لينة😄
لينة : صباح النور ههه
هدرت بسيف حنموت بلحشمة خلاااص...
هارون : واش واجدة ؟؟
لينة : ياس هههه
هارون : بصح علاش راكي وحدك...كون جا معاك وائلعلي حساب ما شفت رجعتو مقربين
هو برك جبدو انا حكمتني القنطة
و لتم تفكرت حاجة
لينة : سيد هارون الله يخليك متقول لحتى واحد على بلاصتي ولا ...
هارون : اوه..علاش ؟؟؟
لينة : اسباب شخصية ...
هارون : لينة قولي الصح ياخ مدارلك وائل والو...قلي متخافيش وليدي و نعرفو
لينة : لالا مثرا والو مي انا حبيت هكا باش نفرغ كل وقتي للقراية
هارون : صراحة متقنعتش مي هدا قرارك و انا رح نحتارمو...اه راه جا الوقت ههه
قبل ما نروح ....خزرت فالسي هارون و انحنيت شوية
لينة : نوعدك انو مرحش نخيب ضنك...شكرا شكرا
دار يدو على كتفي
هارون : انا متأكد من هاد الشي
وقفت باعتدال و جيت رايحة...
ركبت فالطيارة ......
لينة راي مسافرة....
و رح ترجع لينة وحدوخرة...
اعدك يا بلادي انو مرحش نرجع نفس الطفلة...رح نرجع افضل ..رح نرجع اقوى ....
ايييه ديجا ..الوقت يجري ...
لبارح برك دخلت لليسي هداك و ليوم راني مسافرة...
صوت الموظفة تقولنا اغلقو الحزام ...اعلانها على اقلاع الطائرة...
رح نكون اقوى......
...
_______وائل يحكي_______
هشام : ههههههه يااااي نخبكم
نهاد : نخبكم جميعا ههه مبروك نجحنا و حطمنا الفقيرة الكلبة😂😂
هشام : وائل علاش راك مشنف هههه مزالك زعفان ...قلنالك نزيدو نكملو لعبتنا و نمثلو انو غتاصبناها باش تخرج زعافك كثر نتا محبيتش
وائل : راني رايح !
نضت و جيت رايح ...حتى
نهاد : واش وائل ..واقيل صح حبيتها و غاضتك *بتصنع*
درت خزرت فيها ...و مفقتش على روحي كيفاش درت ليها شديتها متريكوها
نهاد : تزيدي تنطقي نقطعلك لسانك
طبعت جدها و جيت رايح
.....خرجت مالزمر تاعهم و نمشي فالطريق ...
علاش راني حاس هكا ؟؟؟؟؟ لازم نكون فرحان
لالا راني فوحان ..تستاهل قاع وش درت فيها ...عي لعبت معايا ...تتعلم تلعب معايا نوريلها انا ....
كنت نستنا فيها تنوض تدير حالة..لكن كيما كانت كيما مزالها ...متتبدلش
البرود هداك لي يقتلني و يخليني نحس انو انا والو قدامها ...
مدخلنيش انا لمهم حطمتها ...
بصح علاش راني منيرفي هكا !!
وائل متخخمش بعاطفتك...تستاهل ..تستاهل نديرلها هكاك هي لعبت معايا هي !!!!!!
انا وائل !! انا وائل وريث مجموعة tfit تهيني وحدة كيما هي !! غير هاد الشي لي منسمحش بيه
الخطة هادي درناها انا و نهاد و هشام...يامات غبت عالليسي فالفصل الاول ..كلشي كان مخدوم ...بحكاية ليكوغ ...بحكاية الخدامة لي قالتهالها ..كاشي كلشي انا درتو...ايييه انا ...انا برك لي نقدر نتحكم بحياة الناس انا!!! *بسيكوبات😀*
مفقتشحتى صبت روحي قدام الدار ....
لكن كان عبد واقف ملبعيد ....كانت طفلة ...مخصنيش بلاك جات لماما ...
كنت نمشي و منيرفي ...داخل للدار مخزرتش ميمبا شكون حتى نسمع
***** : وائل
حبست ...و درت ...شفت فيها ....وين شايفها هادي ...ااااااااا هادي صحبة لينة..
خزرت فيها بخزرة تخوف .
وائل : وش تسحقي
بدات تقرب مني ...ممبعد خزرت فيا بخزرة تغزل ...راي حابة تلحق صحبتها واقيل ...
حتى نشوفها رمات عليا واحد البرية
وائل : ااااااااي راكي حابة تموتي * بصراخ*
ميليسا : بالااااع *بصراخ* شد زبلك ...و كون متأكد انو الشي لي درتو...يجي نهارو تندم عليه ..لانو خدعت فتاة بريئة و مللك كيما لينة..رخيص ..نتا اول واحد صدقاتك و فتح قلبها ليه..ننا الوحيد لي وثقت فيك و فالاخير حطمتها ....كون متأكد انو بهاد الجاست مربحت والو ..ربحت غير لعيب لشخص حبك كصديق كشخص ...مشي على جال دراهمك كيما قاع الناس ههههههه دير بيان في راسك بلي مراحشتزيدتصيب طفلة كيما لينة ...و كون متأكد انو لينة راح ترجع اقوى ملي كانت و تندمك...
هي تهدر و انا ساكت...هي تهدر و قلبي يتزير مع مل كلمةتقلها
وشبي جدك وائل ؟؟؟ زيد اخبطها هي تان ..علاش مراكش قادر تعيط عليها و تغسلها ...علاش؟
قبل ما نرد اصلا ...دارت و راحت ....خزرت فهداك الظرف
فتحتو ..صبت دراهم....
قاعد مبلوكي فبلاصتي و نخزر فيهم...
حتى نسمع ...
**** : صار هكا ! *بغضب*
درت بزربة صبتو بابا ...
هارون : صار هكا يالسي وائل ..راني نشوف علاش الطفلة جاتني و حبت تروح للخارج باسرع وقت
هو برك قال هكاك ..شد انتباهي "تروح للخارج"
وائل : راحت للخارج ؟؟؟!
هارون : مرات نحشم انك وليدي والله ..بهدلتني ! نكار الخير ..الطفلة ةانت قادرة جيب 19 بلا قرايا بصح علي جالك تعبت و طلعاتك ...بصح نتا في عوض ما تكون شاكر ليها ...رحت لعبت بيها ...حتى دراهم تعبها و مداتهمش المسكينة...بصح انا متأكد من شي واحد برك انو السبب في كل هذا هو فشوشي ليك ...دلالي الزايد لي خلاك متقدرش قيمة الناس لي يحبوك ..لكن كون متأكد يا وائل انو لينة راح تخليلك اثر في حياتك...اثر كبير...و بعد وقت مشي بعيد بزاف راح تجي عندي تحللني باش نقلك وين راهي ..بصح عمري مراح نخليك تشوفها ولا تتلاقاها لانو هي افضل منك ...
هو يهدر و انا خلاص مقدرتش نرد ...مبلوكي فبلاصتي ..حتي هو راح ...عبالو محاش نقدر ..هلاص وش نزيد نقول كثر ..وش نزيد نهدر ؟؟؟
عملت شي هذا باش نكون انا الافضل ..رجعت انا الاسوء ...رجعت انا بلا قيمة
واو لينة واو
دايمن كنتي افضل مني ...
كما جربت بقيتي افضل مني ....
مفقتش كيفاش صبت روحي نجري و رايح للمطار
رايح للمطار و انا عبالي انو مرحش نصيبها ...رحت لمركز تديرب مجموعتها ..مصبت حد ..رحت للحديقة هاديك ..مصبت حد...
علاش راني نحوس عليها علاش !!!!!!
علاااااش !!!!!
نوو نووو انا منحبهاش ..نكرهااا !!
بصح علاش راني ندير هكا....رجعت لوين كانو هشام و نهاد ...
هشام : اوووه راه رحع ممثلنا الكبير
مكملش ممبا هدرتو رحت حكمتو و ضربتو جبتو فالارض
وائل : هدا قاع علاجالكم....علاجالكم *بصراخ* نتو لي عميتلو عينيا و حرشتوني ...كلشي بسبتكم ..رخاص
نهاد : اااااي وائل وشبيك وش راك دير
جات شدتني من يدي انا بدون اي تفكير طبعتها جبتها فالارض ...
وقفت و خزرت فيهم
وائل : نزيد نصيب واخد منكم قدامي ..ندمرو...فهمتو *بصراخ * و نتيا !!! غدوة تفسخي الخطوبة غير ما تصرالك عفسة متعجبش
و جيت خارج ..رخاص ...هما السبة هما !
كنت راح نتسقم كنت راح نرجع افضل ...هما عماولي عينيا عالحقيقية ...مصلحجيين ....
مفقتش حتي صبت روحي قدام مكتب بابا...دخلت بلا ما ندقدق
وائل : وين راحت لينة...اهدر ...اهدر *بصراخ*
خزر فيا بهداك الهدوء لي يخليني نموت
هارون : نهار ترجع كي ناس و تسقم روحك و تولي تتحمل مسؤوليتك نقلك وين راهي ...و دير مليح انوخلاص زمن التمتع باملاكي !!!
وائل : وين راهي لينة !
هارون : منعاودش هدرتي تقدر تروح !!!
خزرت فين بخزرة تقتل ...
و جيت خارج ...خبطت هاديك الباب...
هلاص منيش قادر نتحرك كثر...خلاص فقدتها ...
غلطة وحدة خلاتني نخسرها ...
خلاص ...........
*بعد مرور...*
S
TOOOOOOP
هاي قيرلز صحا فطوركم
نشالله تكونو بخير 💗 ههههههههه مبقاش و تخلاص لحكاية
غدوة البارت ما قبل الاخير
هههههه بلعقل برك على وائل لخاوة😂😂
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
