كيما قتلكم جاو نهار عادي جدا و مع لعشية كي دخلت للاقامة قريت ساعة و رحت رقدت ديراكت .......
*بعد مرورشهرين*
*في الصباح*
نضت مع الصباح...خزرت فالساعة صبتها الثمنية
تبسمت ♥
ياس نضت فالوقت ... نضت نجري
درت روتيني اليومي بعقلي و لبست لباس المدرسة ..
اول مرة نوض متحمسة ملي دخلت لهاد الليسي
قاعدة نجري في انحاء الغرفة مابيد هادوك الزوج مزالهم راقدات بيان سوغ ...اليوم مشي مهم عندهم كيما انا
حتى وصلت 8:45
رفدت كرطابي و جيت رخارجة ..
نمشي احم احم قصدي نجري لخطرش راني متحمسة بزاف ...
اليوم كاين زوج عفايس ..النتائج ..و اهم شي عندي ليوم الاستاد وسيم يعلن تشكيلة الفرقة الموسيقية لي تأدي في حفلة الذكري 30 للمجموعة
المهم خرجت رحت ديراكت بسرعة لقسم الموسيقى تااعنا لانو النتائج يعلقوهم عالعشرة
رحت و كيما لعادة صبت روحي انا الاولى هههه رحت شديت بلاصتي و هما مطولوش بزاف
التسعة كانو كلهم هنا
وسيم : صباح الخير نشالله تكونو رقدتو مليح ♥
الجميع : نعم..شكرا
تبسم وسيم و راح جاب الورقة لي باين كان كاتب فيها اسماء المشاركين
انا برك شفتها قلبي بدا يخبط... راح قعد فالبيرو تاعو و بدا يهدر
وسيم : بون كيما عبالكم ..حفلة الذكرى30 هاد الاسبوع و راح يحضرو فيها ناس مهمة بزاف و راح يحبط السي هارون أمريكا علاجالها و كيما كل عام انا لي نخير تشكيلة الفرقة لي راح تأدي
الجميع : نعم
وسيم : حبيت برك نقللكم بلي لي خيرتهم فهاد التشكيلة خيرتهم بعد تفكير طويل ...و كلكم الله يابرك عازفين رائعين و كلكم راح تنجحو نشالله كون تكملو فهاد المجال ...بصح كان لازم نخير لي يكون مناسب ينساجم مع لباقي
قاع كنا نسمعو فيه و التوتر كالينا ....
حتى بدا يقول فالاسموات
و كل ما يكمل اسم ...انا نستنا لي مقبل و ندعي يكون انا بصح كل مرةمنكونش انا ...
ياربي بديت نفقد الامل
وسيم :و أخيرا...لينة ...على البيانو
انا برك سمعت هكاك قلبي بدا يخبط بسرعة الضوء ♥♥
ياربيي راني نحلم ولا هادي حقيقة ؟؟؟؟؟
هو برك قال هكاك نهاد خزرت فيا بواحد الخزرة حسيتها راح تقتلني
وسيم لاحظ الشي هدا
وسيم : ممم كيما عبالكم كان عندنا عازفتين بيانو ...و لزوج الله يبارك ..بصح كان لازم عليا نخير لينة لانو كيما عبالكم اول مرة تشارك هنا ...و نتي نهاد شاركتي كل عام بهاد الذكرى ...على هادي نتمنى متزعفييش
و تبسم معاها
هي خزرت فيه بالسم مليح ممبعد زعما تبسمت هديك الابتسامة تع الافعى
نهاد : نن مزعفتش ...اصلا انا عزفت في عروض اكبر من هادي و بلدان مختلفة ....على هدا عادي اصلا كيما قلت نعطو فرصة للقم....احم ل لينة
و خزرت فيا نظرة تغزل ...بصح نن بب دونت تراااي
متسييش قاع لخطرش ليوم يصرا وش يصرا ميحبطش المورال
تبسمت معاها
لينة : اوووه يعمريي ...تأثرت
هي حسيتها مسكينة حا تترتق هههههههههه و انا نضحك ملتحت للتحت
وسيم : ايه و نسيت مقتلكمش شي
نسينا كلش و ركزنا معاه
وسيم : المهم بالنسبة للاغنية لي راح نعزفوها ..
و خزر فيا انا مفهمت شي و لباقي تان
وسيم : لينة ..تشفاي نهار قتلك مديلي كراسك ...
لينة : ايه
وسيم : طولت شوية باش رديتهولك ..خليتو عندي زوج سمانات ياخ
لينة : ايه ههههه
وسيم : امم طولت لانو حبيت نشوف قاع وش ألفتي و نخير افضل وحدة و نأدوها فالحفلة
هو برك قال هكاك
انا : شوك
التلاميد : شوك
الكراس : الشوك
الحيوط : شوك
القسم : الشوك
و كلنا كنا مشوكيين...نن ننن ني نحلم...دك نوض و تقابلني بيتي فدار لي سموه بابا ...و نروح نخدم نهار كامل كي عادتي و نتمرمد نن نن مستحيل يصرالي شيء مليح ليا انا
ياربييييييييييي ♥
خزرت فيه و عينيا يلمعو مالفرحة
وسيم : ايه لينة مقطوعاتك ...ياخدو العقل الله يبارك ♥
لينة : صاااح ؟؟؟؟ *بحماس*
وسيم : بالتاكيد
لتم عينيا تعمرو بالدموع متقدروش تتخيلو شحال فرحت ....حسيت روحي فعالم وحداخر كليا ♥
بدا قاع يخزرو فيا نظرة متعجبش ..نظرة تع حقد و حسد
كلي قتلتلهم عالتهم ولا منعرف واش...لا اهتم لمهم ديت وش حبيت الحمدالله ...
وسيم : *خزر فالساعة* ااه نظن راه لوقت باه تروحو تشوفو نتائجكم راهي العشرة
الجميع : حااضر
نضنا قاع و جينا رايحين ..فطريقي و انا خارجة تقابلت مع نهاد و صحاباتها
كانو يخزرو فيا ملفوق للتحت
****01: منيش مامنة بلي الاستاذ وسيم دار هكا...
****02: انا كثر...كيفاش يقدر يخيرها عليك نتي لي متعلمة فأكبر مدارس البيانو
نهاد : ههههه بالتأكيد شفق عليها مسكينة تعرفيه وسيم بزاف طيب ههههه
*****01: سور ههههههه
انا خزرت فيهم و تبسمتلهم باش نغزلهم و جيت رايحة بكل هدوء لانو كلامهم يدخل موذن يخرج ملوخرة
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
