🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

💐بارت 10💐

قاعدة نمشي و نخمم فهاد العفسة حتى وصلت للكلاسة
بصح قبل ما ندخل سمعت هدرة عاودت دنيت ...وات زعما شكون ؟؟ ماشي موالفين يجو دكا 
بلاك انا راني روطار ..رفدت تلفوني صبت الساعة السبعة 
مزال لحال هما حتى الثمنية باش تنفحلهم يدخلو  بفف مدخلنيش... جيت راح ندخل حتى سمعت هدرة حبستني فبلاصتي 
هشام : ههههههه ممبعد واش صرا ؟؟ نضفتو ؟؟
وائل : وي خلاصت عليا نضف 
هشام : وشنووو منك بالصح ؟؟؟ علاش هبلت واقيل 
وائل : ننن كان لازم 
هشام : من وقتاش نتا تسمعلهم -_- 
وائل : بلع خليني نفهمك 
هشام : تفضل خونا لعزيز
وائل : بون مع الول بالتاكيد مكنتش حا نتوشي شي كنت حا نخليها هي دير كلش لانو مستواها ممبعد جاني ابال 
هشام : شكون عيط ؟؟؟
وائل : متقاطعنيش *بحدة* المهم عيطتلي ماما ... قاتلي بلي السي بابا راه داير كاميرات و كان يراقب فينا  
هشام : وااات ؟؟
وائل : شفت وين وصلت بيه 
هشام : بصح متقوليش هاد شي لي خلاك تنوض تخدم ههههه راني نعرفك 
وائل : هههه باينة بلي مشي هدا ...قاتلي بلي ليوم صباح عندو فواياج و يطول بزاف و دار لكاميرات باش يراقب سلوكي مع هديك القمامة لعاهرة و ادا صابني مش مليح معاها يلغي الفواياج و يقعد يعسني 
هشام : اااااه *مشوكي* و راح ولا نن 
وائل : هههههههه خسارة عليك ....قعدت نعامل فيها مليح و مسكينة هي امنت و زعما طلبت سماح منها سواسوة قدام الكامرة مسكين  امن و راح مع صباح ربي و راح يطول 
هشام : صافييييك ...
وائل : صافيك نلقاو راحتنا مع الانسة قمامة 
و طرطقو بالضحك لزوج 
واااه صار هكدا...ني نشوف علاش السي وائل تحول فجأة بعد هداك لابال
هكا ؟؟ حاسبني ضعيفة و طعم ساهل لهاد الدرجة 
هههههههه دك نوريلك :)
و فهاديك الدقيقة قررت لينة تتحول الى المجنونة لبسيكوبات وقفت قدام لباب بابتسامة تع عبد يخوف 
و الحمدالله شعري من عند ربي طالع فالسماء 
خبطت لباب و دخلت 
هشام : ااااااه 
مسكين هشام الرقيق النون قلبو قريب حبس و وائل رجع صفر مسكين 
ههههههه انا و تخلعت صراحة خبطت لباب تقوشي الارهاب رام زادمين 
قعدت واقفة قدام لباب تقوشي لي فيلم تع خوف 
و نخزر فيهم بخزة تخوف ...هام الرقيق مسكين وجهو تلون اما وائل قعد يخزر فيا بنفس الخزرة تاعي 
ممبعد بديت نمشي و رحت قعدت في بلاصتي 
بصحهاد المرة مشي بكل هدوء هاد المرة قعدت و خبطت كرطابي في الطابلة 
قعدو يخزرو فيا 
انا  خزرت فيهم و تبسمت كي البسيكوبات و حكمت كرطابي و جبدت منو كراسي العزيز و قلمي و قاعدة نكتب 
ممبعد شفت بلي مزالهم يخزرو فيا 
حكمت هداك القلم 
كرازيتو مع الطابلة 
و خزرت فيهم بنفس الابتسامة 
لينة : راح يصرا لكاش عبد نفس الشي لي صرا للقلم هدا ...و انا نردو هكا :)
 هشام مسكين مزالو خايف اما وائل طرطق بضحكة كلها استهزاء 
حبطت راسي و جبدت قلم وحدوخر و بديت نكتب  حتى نسمع 
هشام : وائل ما ديرلها والو ؟؟
وائل : خليها عليا :)
يادرة واش راه يخطط 
و العفسة لي خلعتني كثر ليوم انو مدار حتى رياكشن ليا موالف برك يشوفني ينوض يدير اي عفسة باش يهيني و موالف بلا ما نهدر ليوم هدرت مدار والو 
راني متأكدة راه يخطط لكاش عفسة 
لازم نكون حذرة 
المهم  دار هو و صاحبو كملو جياحتهم و و انا كملت نكتب حتى بداو يجو التلاميد اي بيان سوغ لازم يقعدو يديروني سوجي حتى
 جات الاستادة 
قرينا ساعتين فيزياء وش نقللكم راسي قريب طرطق 
المهم كملنا زوج سوايع هدوك الحمدالله و كان عندنا موراهم موسيقى ♥ التفكير فيا الامر ردني بزاف فرحانة اخيرا
.....كنا خارجين للراحة حتى يجي عندنا واحد السيد باين عليه صغير 
برك دخل لبنات قاع  بداو يلقو عليه التحية و يسيو يتقربو منو 
باين يعرفوه مقبل
طلعت راسي خزرت مليح في وجهو ..واو 
بزاف شباب 
كلشي فيه بيرفكت قاعدة نخزر فيه و عينيا يلمعو 
وااااو حتى ستيل تاعو شباب 
اومايقاد يكفاش راه يتبسم مع التلاميد و يعاملهم بلطف 
و انا في عالمي الاخر حتى 
وسيم : هااااي وش راكم نشالله تكونو جوزتو عطلة شابة ...و نشالله هاد العام تكونو اقوى لانو هاد العام اهم عام في حياتكم ♥ بون عبالي بلي تعرفوني قاع بصح نزيد نعرف على روحي...انا الاستاد وسيم ...استادكم فالموسيقى 
هدرتو فيقتني من عالم احلامي اااااااه لينة وشبي جدك ؟؟؟ من وقتااااش نتي يعجبك راجل ...بوووه وين عجبني قلت شباب برك 
ااااه خلاص خلاص بركاينات بفففف معباليش من نهار دخلت لهاد ليسي بديت نهبل فوق ما كنت اصلا هابلة
صفقو قاع التلاميد و كانو فرحانين باين بلي يحبهم اي بيان سوغ اباغ عهداك وائل قعد نورمال ما تحرك ما والو و قعد مشنف بيان سوغ 
المهم حتى نسمع 
وسيم : اااه على حساب الشوفة عندنا طالبة جديدة 
خزرت فيه و رجعت حمرة يا ربي لينة شبي جدك 
وسيم : معليش تعرفينا بروحك *بابتسام*
انا نضت و بكل توتر 
لينة : لينة **** انتقلت من مدرسة ****..
و قعدت في بلاصتي 
وسيم : اوووه متشرفين لينة نشالله يكون هاد العام عام نجاح 
لينة : الشرف ليا *بخجل*
ينعل......لينة علاش راكي ديري هكا في روحك يا ربي تبهدلييي 
بداو قاع التلاميد يخزرو فيا باستغراب و خزرات يعيفو 
لكن الحمدالله وسيم انقد الوضع 
وسيم : هايا وجدو روحكم باش نحبطو للقاعة 
ناضو قاع رفدو كراطبهم و انا تان و قاعدة نتبع فيهم باغسك منعرفش البلاصة
حتى وصلنا لواحد القاعة فتح الباب الاستاذ وسيم سبحان الله اسم علي مسمى
المهم و دخلنا كانت كلاصة نورمال برك في كل طابلة كان كراس تع موسيقى و كانت معمرة بالالات الموسيقية
تقريبا قاع الالات رام هنا
وسيم : تفضلو 
رحنا كل واحد شد بلاصة و بيان سوغ شديت بلاصة لولة متلعبوليش بالموسيقى هههههه 
المهم قعدنا و بدا وسيم يقلنا على البروقرام تع هاد العام و انا متبعة بكل حب فالمواد الاساسية منتبعش هكا ههههه 
وسيم : ودك لي يقدرو يعزفو على اي الة يجو لهنا 
ووواااه جا وقتك باش تبينيلهم موهبتك لينة 
نضت انا و مجموعة مالبهالل لي يقراو معايا 
واو كنت متوقعة ينوض وائل بما انو من عائلة غنية بزاف و كدا ....بصح على حساب شوفة كي اقل السي هارون بلي ما يصلح لوالو كان يعنيها تع الصح 
المهم قعدو قاع يخزرو فيا عبالي مكانوش يستناو بلي نعرف نعزف على كاش حاجة 
وسيم : اووه لاتلميدة الجديدة تان *ابتسامة*
المهم راح قعد الاستاد فالبيرو تاعو و بدا 
وسيم : اتقدمو ليا بالواحد 
بدينا نروحو ليا بلواحد و هو يعطيلنا واحد لوراقي 
و برك كمل 
وسيم : رجعو لبلايصكم و عمرو هاد الورق بزربة باش نديرو احصائيات ...كيما علابالكم كيما كل عام لازم نديرو فريق موسيقى للمدرسة يشاركو فالحفلات ... 
الجميع : حاضر 
حكمت الورقة و بديت نعمر فيها 
نكتب اسمي و الالة لي نزعف عليها و ادا نغني و من وقتاش بديت نعزف و وين .....
......
بعد مرور مدة كملنا قاع و ردينالو الورق هو قعد كاش ربع ساعة شافهم قاع و برك كمل بدا يعيط بالاسماوات و لي يعيطلو يروح يرفد الالة لي يعزف عليها حتى ...
وسيم : اممم عندنا زوج يعزفو عالبيانو ...ممم مشكل 
طلعت راسي و قريب طلعت لاطونسيون معاه 
ااااه حتى فالعفسة لي نحبها لازم مشاكل لازم 
وسيم : المهم كاين لينة ... و نهاد يعزفو عالبيانو 
انا و هديك الخنز تخازرنا في بعضنا ...و كانت مشوكية مسكينة و تخزر فيا بنظرة قرف 
هيهيهيهي ني جيت باش نديلك بلاصتك حبقلبي  
وسيم : ممم معليش اتقدمو 
نضت مع هديك الخنز وقفنا قدام البيانو 
وسيم : هايا نعيطلكم بالاسماوات و لي نعيطلو يتقدم يعزفلنا اي مقطوعة يعرفها 
الجميع : حاضر 
المهم بدا يعيط بالاسماوات و كل واحد يروح يعزف 
واو صح اغبياء و معندهومش عقول بصح يعرفو يعزفو ...
حتى كملو قاع بقينا غير انا و الخنز نهاد 
وسيم : بون خليتكم نتو الاخيرين باش نركز مليح معاكم 
خزرت في نهاد
لينة : تفضلي *ابتسامة تحدي*
خزرت فيا ملفرق للتحت بتكبر و راحت قعدت فلبيانو و بدا تعزف
المهم بما انو نهاد تقريبا كيما وائل
هي رئيسة تع لبنات و كذا و الدراري قاع يعشقو فيها صافيك كانو قاع يصفقولها و منعرف واش مع انو ادائها كان عادي جدا 😑
كملت
وسيم : روعة نهاد كملي تدربي باش تتحسني كثر
نهاد : حاضر
وسيم : تفضلي لينة
لينة : اوكيي
ناضت المقلوعة هاديك و قعدت انا
و بسم الله بديت نعزفلهم مقطوعة الخظ تاعي ...افضل مقطوعة الفتها
غمضت عيتيا و بديت ننتاقل مالاسود للابيض
هادي فرصتك لينة باش تبينيلهم بلي نتي افضل منهم
هادي فرصتك باش تبيني للاستاذ قدراتك مفقتش قاع كيفاش جاز لوقت و خلاصت المقطوعة
كملت و خزرت في وجوهم اول شيء....
الجميع كانو حالين فمهم و مشوكيين
درت للاستاذ خزرت فيه ...
بدا يصفق ..انا لتم لا اراديا تبسمت
وسيم : واااااو لينة واااااو ...باش نكون صريح كي قريت في ورقتك بلي مدخلتيش لكاش مدرسة تع بيانو و تعلمتيه مع مجموعة فالمتوسطة قلت راح تحتاجي بزاف تدريب بصح كي سمعت عزفك ....انا لي نحتاج تدريب مشي نتي
لينة : اااوه شكرا ....شكرا بزاف * ابتسام*
قاعدة نتبسم كي الدراري صغار يا ربييي الحمدالله لي عجبتو
و الاطراء لي قالهولي😭😭😭💖💖
ااه اخيرا عفسة فرحتني فليسي الهم هدا خزرت في وجه نهاد لي كانت حا تترتق
وسيم : بصح لينة قوليلي وش اسم المقطوعة هادي بزاف شابة
لينة :ممم صراحة انا الفتها و مزال مخيرتلهاش اسم
وسيم : ااااوه منك بالصح !!!؟؟ نتي الفتيها
لينة : وي *-*
وسيم : وااااو و تألفي تان !!! روعععة اااه يا لينة هاد لعام مراحش نطلقك ههه لازم نطورو قدراتك مثر و نيتغلوها فنفس الوقت😄😄😄
انا تبسمت معاه كان بزاف متحمس
لينة : بالتأكيد
رجعنا لبلايصنا
وسيم : بون كما كل عام... فالذكرى 30 لمجموعة tfit  لازم نخير انا افضل العازفين و المغنيين و نشكلو فريق موسيقى باش نعزفو ...علي هادي حبيت نقللكم لازم كل واحد يقدم افضل ما عندو للتأهل
الجميع : حاضر
وسيم : شكرا👏👏 ايا راه خلاص الوقت تقدرو تروحو هههه كولو مليح 💗
الجميع : شكرا😄
جينا قاع خارجين و كل واحدوين راح لكن الاغلبية رحنا للمطعم
دخلت مكانوش لتم وائل و نهاد و جماعتهم الاغبياء
راني متأكدة كاش ما راهم يخططو
رحت جبت الماكلة و قعدت
**** 01 : شفتو كيش عزفت !!
*****02: وييي تشوكيت مكنتش قاع متوقعة
*****03 : ههههه حتي انا بصح متنساوش القمامة يبقا قمامة
و طرطقو قاع بالضحك
يخي بهالل يخي المهم انا سي بون درت وش كنت حابة و هما خليهم ينقصولي ذنوب
قاعدة ناكل و ما عرفتش ادا نفرح و لا ننن
لانو مزالني متاكدة بلي جماعة الهير كاش ما رام يخططو ....
كملت ماكلتي بزربة
و رجعت للقسم...قرينا عادي و هادوك كانو كااالم
جازو سوايع ثقااال بصح خلاصو الحمدالله ...
جيت خارجة نروح للاقامة
مزال العقوبة تع زمر هاديك
بصح مع الدهلة قابلني الحارس
الحارس : لينة !
لينة : وي عبالي نروح نبدل حوايجي و نجي -_-
الحارس : نن خلاص السي هارون نحا العقوبة
لينة : صااااح !!؟؟
الحارس : وي بصح من المستحسن تبقاي بلا مشاكل
لينة : حاضر
واو ليوم يوم حظي ههههه
رحت للاقامةديييراكت لبست بيجامتي
هدوك المصيبات مهدروش قاع ولا قربو ليا خلاص خوفتهم البارح
رفدت دوزاني و قاعدة نقرا شويةباش
حليت الواجبات ....
حتى وصلت الثمنيةتع الليل
انتقلت لعالم احلامي كنت ميتة بلعيا
*بعد مرور.....*
.........
STOOOOOOP
هااالي كي لعادةنشالله بعجبكم البارت
هههههه بيت برك نقللكم بلي البارت لجاي فيه شوي اكشن و كده و ادا لقيت تفاعل نحطو ليوم فالليل😉😉😉