🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

🚦بارت 12 🚦

حتى تتفتح الباب القوة ....ههههه كنت نستنا فيهم .....خزرت و تبسمت ابتسامة تع نصر
هما بداو يخزرو في بعضهم ما فهمو والو
وائل : روح شوف شكون
راح واحد من لبغولة هادوك يشوف شكون و انا خزرت في وائل و تبسمت
هو شاف معايا و جا عندي حكمني مالتريكو تاعي
وائل : وش دارتي يا*****
خزرت فيه و تبسمت بكل حب و لطف
لينة : درت وش ''الطعم الساهل'' يدير
و انا برك قلت هكاك حتى نشوف هداك البغل لي بعتو يتخبط فلحيط و يجيبها فالارض
درنا قاع و برك شفتو جاني الضحك منكدبش
و حنا هكاك حتى نشوف ميليسا و امين داخلين
لينة : اوووه جيتو بايبيز
ميليسا : ياااس *بلطافة*
امين : و مال نخلي لينوشتي وحدها
خزرت في وجوه وائل و نهاد لي كانو ميتفسروش هههه و مساكن هدوك لبغولة لي كانو يترجلو هربو يجرو
و بقينا غير حنا و هما
جا عندي وائل خنقني و انا قاعدة نخزر فيه بتحدي
وائل : ليوم تموتي على يدي
و حنا هكاك حتى يجي امين يعطيه بدبزة طيحو فالارض نيفو رعف
نهاد الكلبة بدات تتمسكن و دمع كي الحيوان ...
نهاد : ياربببيي وائل ...معبالكش شكون هدا واقيل ؟؟؟؟ ليوم رح تولي حياتك ...
قبل ما تكمل هدرتها راحت عندها ميليسا شدتها من شعرها
ميليسا : تزيدي كلمة يسموني نسلخك و نديرك عشاء ليوم
انا طرطقت بالضحك
حتى نشوف امين راح و جبد تلفونو لي كان مخبي
, دار الفيديو لي صورها و كان باين فيها كلش
امين : تزيد تصرا حاجة برك ل لينة ولا نسمع بلي تقربتو منها باي طريقة هاد الفيديو ينتاشر فقاع العالم
ميليسا : هههههههههه تيماجينيو... وريث مجموعة tfit متنمر ههههه ولا لالا ....كل اسهم مجموعة tfit في انخفاض بسبب فيديو تنمر الوريث
و طرطقت بالضحك
امين : نتمنى تكونو فهمتو ...هايا لينة
جينا رايحين حتى يدور امين ..يرمي على وائل دراهم
امين : هاك روحي داوي روحك بيهم
وائل خزر فيهم مليح...رفدهم و قطعهم ..و بدا يخزر فيا بطريقة تخوف بزاف....واو لينة وش درتي قاع مزال متغلبتيش عليه ...امين كان رايح يقتلو بصح شديتو خلاص مكفاش دخلتهم فمشاكلي ..شديتو و شديت ميليسا و جينا رايحين
بصح عمري ما ننسى النظرة لي كان يشوف فيا بيها وائل ...حسيتو قتلني بعينيه
المهم خلينا منو...خرجنا مالليسي الملعون هداك و خليناهم
ميليسا : اوووووووه لينة ني حاسة روحي كنت في فيلم اكسيون و حنا الابطال
لينة : هههههههههه عجبتيني كيفاش نساجمتي مع الدور مليح
ميليسا : هههههه قتلكم نورمالمون نكون ممثلة
امين : ياخي كهابل يخي على كبري 35 سنة ني نتبع فيكم و نضرب فعباد قد ولادي
لينة : هههههه امين مكانش عبالي بلي نا قوي هكا
امين : خسارة عليك انا كنت البطل كي كنت نقرا فالليسي و لبنات قاع كانو يحبوني و انا كي كنت ندخل ايييييه.....
ميليسا : ياي يما راه ديمارا ليوم منسلكوش
لينة : الهربة تسلك
شديت ميليسا و هربنا نجرو باش منسمعوش حكايات امين فالليسي مسكين بدا يجري مورانا و يعيط
امين : ارواحوووو تسمعو مال مكملتش ارواحوووو
حنا طرطنا بالضحك و كملنا نجرو
المهم عبالي عبالي ماكو فاهمين فيها حبط ..متخافوش دك نفهمكم
FLASH BACK
*يوم الخميس في مركز التدريب*
الجماعة كانو لاتيين بلماكلة يرهجو و انا و امين و ميليسا كنا قاعدين في كوانة وحدنا
لينة : جماعة والله عندي احساس بزاف قوي
ميليسا : علا واش
لينة : وائل و جماعتو رام يخططو لعفسة...راني متأكدة من هاد الشي
امين : بلاك ستعقلو
لينة : نن محال محال ...
ميليسا : لينة عندها حق هدوك مشي تع يستعقلو ...سمعت بلي بزاف طلاب حاولو حتى الانتحار على جالو بصح دايمن والديه يخبو عليه بالدراهم
امين : شكون قالك
ميليسا : مصادر موثوق منها
لينة : منكدبش ني خايفة شوية
ميليسا : لازم نديرو حاجة
لينة : نهار السبت هو اليوم الوحيد لي نكونو غير كلاستنا وحدنا فالليسي مع شيخ تع سبور
ميليسا : شوفي عندي خطة بصح لازم امين يوافق
امين : لبنات متخلطوش بزاف ديرو لمشاكل لروحكم
ميليسا : و نخلوها ؟؟؟
امين : امم...باينة لالا
ميليسا : الوغ اسكت و اسمع
لينة : اهدري
ميليسا : شوفو وش رايكم نهار السبت انا و امين ندخلو نراقبو لينة
لينة : وييي صح ...نننن ننن جاتني فكرة افضل
ميليسا واش
لينة : شوفو باش تحميوني و فنفس الوقت نديرولهم الحد...انا نروح ندير سبور عادي و نتو شوفو كيفاش تدخلو لليسي .... نتلاقاو قبل ما يبدا سبورو و نوريلكم وين جاية الفيستيار روحو لتم ابلاصيو تلفون فكاش بلاصة و ديروه يصور....المهم اقعدو راقبو قدام الفيستيار ...برك نكمل سبور استناو عشر دقايق ادا جيت جيت...ادا مجيتش نلعتاكم ميساج بلي كاش ما صرا ...بصح ني متأكدة بلي نقدر نجي...برك نكمل سبور نستدرجهم لتماك و نقعد فالفيستيار ادا جاو و دارو كاش عفسة ...رانا صورنا كلش ادا مجاوش نروحو لديورنا نوغمال
ميليسا : اووووووووووه لينة لازم تخدمي في هوليوود نتي
لينة : ههههههههههههه عبالي عبالي
امين : منك بالصح؟؟؟ هبلتو نتو حبيتو تباصيونا
ميليسا : امين بليييز باش نديروهم عند حدهم و يحبسو ما يقلقو لينة
امين : بففف منيش مامن على كبري حا ندير هكا
لينة ميليسا : اميييين *بلطافة*
امين : اتوووووه خلاص روحو روحو عليا
END FLASH BACK
و هكا تفاهمنا و نفدنا كلش باحترافية و دك نقدر نقللكم بلي حكمت شي على وائل يقدر يدمرو و يدمر مستقبلو ....صافيك رح نعيش حياة جميلة منا للفوق :)
اااااه تهنيت خلاص....
المهم رحنا انا و ميليسا لمركز التدريب ميتين بالفرحة بنجاح خطتنا و امين بعدما هبلناه قرر يرجع لدارو المسكين
المهم العشية هاديك قاع جازت ضحك كي نتفكرو وش درنا و كيفاش اهناهم بصح صراحة وجه وائل مكانش يروح من راسي ...الخزرة هاديك...متبشرش قاع بالخير....ياربي عاوني...والله مكنتش قاع حابة ندير هكا لانو كنت حابة نعيش حياة سليمة هادئة كيما مظاهرات الشعب الجزائري بصح هما خلطو فيا...
زعما وائل رح يسكت على هاد العفسة ...زعما راح يجوزها....للحظة نسيت بلي هو وريث اكبر مجموعةقادر في دقيقة يدمرني و يدرم قاع مجموعتي..
اااااااااااااه
واش لينة ...من خزرة برك خفتي منو؟؟؟ واش بديتي تندمي على وش درتي...
ااااه نن ملازمش نندم ملامش...لوكان مدرتش هكا لوكان دك راني مرمية فكاش بلاصة ميتة ولا ي غيبوبة لوكان راه ضاع شرفي..خليه يدير وش يحب انا دك عندي دليل ضدو
المهم قاعدة نخمم هكا قبل مانرقد...حتى رحت لعالم احلامي
*في الصباح*
نضت مع الصباح.. بكري كي لعادة باش منتلاقاش مع حد كي ندخل لليسي...اااه اليوم نرجع للجحيم ..
معليش لينة اصبري...
رحت درت الروتين اليومي و لبست لباس الموحد تع الليسي و جيت رايحة ..كنت حزينة بزاف لانو خلاص والفت مركز التدريب
و دك ني رايحة لمركز الجحيم بالذات
المهم درت سماعاتي و قاعدة نسمع فغنا يعبر عن حالتي دك حتى صبت روحي قدام الليسي
ضضربت طلعة عالساعة صبتها السبعة...جيت بكري بزاف
معليش جاية جاية انا
رحت دخلت طلعت للاقامة
حطيت الحوياج لي ديتهم معايا ...رتبت كرطابي و حطيت الدوزان لي نسحقهم اليوم
و جيت رايحة للقسم ...خزرت فالساعة صبتها مزال لحال شوية ....اووه خليني منروحش دك للقسم ..جزت على صالة تع البيانو دخلت ليها ...واااو كل ما نشوفها كانو اول مرة نزيد نتخلع كثر و كثر ....
رحت قعدت و جبدت كراسي و قاعدة نسيي فالمقطوعات تاعي ....
كنت حاسة روحي كيما العادة في عالم اخر تماما
و انا نعزف و منساجمة كليا حتى
وسيم : ااااه شحال حطا كون كل يوم نصبح على عزف مثالي و مريح للاعصاب كيما هدا
درت صبتو وسيم جاي
توترت كليا و وقفت و حبطت راسي
لينة : صباح الخير استاد
جا عندي و و تبسم معايا
وسيم : صباح النور
و راح قعد قدامي بكل لطافة
انا قعدت
وسيم : واو لينة تع صح جامي انبهرت بعزف شخص كيما تاعك
لينة : ميرسي *ابتسام*
وسيم : هههه هادي الحقيقة ...قليلي لينة ...راكي منضمة لكاش فريق ولا ؟؟
لينة : اااه وويي *بحماس* اسمنا unique butterflies
وسيم : اووه سامع بهاد الاسم مقبل
لينة : مشي مشهورين بزاف بصح موالفين نديرو فالمسابقات و نربحو بزاف...صح مشي متدربين فمقر كبير بزاف و امكانيات مليحة بصح كل واحد فينا افضل من الاخر
كنت نهدر و نتبسم ههههه باينة جبدلي على اعز اشخاص في حياتي
وسيم : ااوه صح
لينة : وي ...ادا راك متفرغ ددكا عمدي عرض صغير تاعنا ادا حبيت تشوفو
وسيم : ااووه وي بالتاكيد...
جبدت تلفوني و كنت متحمسة بزاااااف ...دخلت لافضل عرض لينا و درتو
بدينا نشوفو فيه و انا نتبسم كي المهبولة ....
خلاصت الفيديو و خزرت في وسيم نستنا فالرأي تاعو
وسيم : واااااااو *يصفق* روعة روعة معندي ما نقول
لينة : صااح *بفرحة *
وسيم : والله مبدعيين ..ههه راكو سور نتو مالعالم تاعنا ؟؟ ااااه لازم الويكاند الجاي تديني نشوفهم
لينة : اكيد راح يكونو بزاف فرحانين
تبسم معايا
وسيم : انا راح نكون اسعد لانو رح نتلاقا بمواهب كيما نتوما ♥
ااااااه قلبي يذوب من هاد السيد قاعدة غير نتبسم بلا ما نفيق لروحي و هاد العفسة مشي موالفة نديرها
يايمااااا لينة وشبيك بديتي تروحي فيها
لازم نروح لازم سينون نموت هنا ...وقفت
لينة : سمحلي لازم نروح دك يبداو الدروس
وسيم : بالتوفيق...حقا لينة حبيت نطلب منك طلب و نمنى منزعجكش
لينة : نن اكيد تفضل
وسيم : ممم المقطوعة لي الفتيها بزاف شابة....بزاف عجبتني.... و راني حاب نشوف المؤلفات تاعك كي المقطوعات الموسيقية كي الغنا ....و عنيد سبب وراء هاد الشي ننخليهولك سوربرايز
وااااااااااااااااااااوووووو استاد تع مووسيقى يخدم فاكبر مجموعة فالبلاد حايب يشوف المؤلفات تاعي ....هل انا احلم ؟؟؟؟؟؟
جاتني الدوخة و بدون اي تفكير حكمت كراسي حمدالله جبتو معايا و مديتهولو
لينة : تفضل
وسيم : اووه ميرسي بلبزاف لينة...راح نسيي نردهولك في اسرع وقت
لينة : خد راحتك
تبسم معايا و انا جيت رايحة نجري لانو صاح راح الحال ههههههههه
ياربييي ليوم اسعد ايام حياتي قاعدة نمشي ونتبسم كي البهلولة
وصلت للمبنى تع التارمينال
برك دخلت بالتأكيد السوجي لي كانو يحكو فيه الناس قاع تبدل و ولا عليا بيان سوغ لي كومونتاغ بلا فايدة
و انا قاعدة نمشي و نتبسم كي البهلولة معباليش قاع بيهم...
دخلت للقسم مع الاستاد حمدالله مدرتش روطرا جيت سواسوة ...بدينا نقراو لكن شي ء غريب...مجاش وائل يقرا
مع انو جماعتو قاع جات كي نهاد كي هداك هشام .....
كانو كلهم هنا غير هو كان غايب ...يادرة وش كاين
بلاك خوفتو بزاف مسكينة ههههه
اوووه علاش راكي تخمي فيه دك ...خلين منو نشالله ميزيدش يبان هنا ....
بدينا نقراو و انا نركز مع الاستاد ..........
اليوم كان يوم عادي كيما موالف ...برك فهاد اليوم كي هشام كي نهاد كي جماعة وائل قاع بالمتخصر واحد مهدر معايا و حسيتهم كانو يتجنبوني
و وائل غاب نهار كامل و واحد مهدر عليه كي الاساتدة كي جماعتو كي التلاميد
كيما قتلكم جاو نهار عادي جدا و مع لعشية كي دخلت للاقامة قريت ساعة و رحت رقدت ديراكت .......
*بعد مرور....*
STOOOOOOOOOOOP
هااااي عدت

نشالله تعجبكم الخالوطايشن ♥ هههه و سمحولي ادا شربكتها بزاف
مزال لخير للقدام و الخالوطايشن للقدام
نشالله يعجبكم البارت

حقا كاين لاقراف غدوة ؟؟