*بعد مرور اسبوع*
وسيم : وش صرا ؟؟؟؟علاش عيطتولي ؟
منسقة الازياء : سيدي الانسة لينة محبتش تلبس وش مدينالها
وسيم : وشنووو؟؟
هما يهدرو و انا نخزر فيهم مشنفة ياربيييي وش هدا بسيف نلبس زبلهم
حتى نشوف وسيم جا ليا
خزر في عينيا و تبسم معايا
وسيم : بون لينة عبالي...عبالي بلي مشي ستيل تاعك بصح بليز هاد المرة برك
لينة : بصح...شوف الغوب لي مدوهالي ياربي تقوشي راني رايحة لعالم باربي
وسيم : لينة راكي رايحة لعفسة كثر من عالم باربي...دك لتم تصيبي ناس كثر منك بالف مرة ...
لينة : صحا و الماكياج و شعري علاش ياخ راني رايحة نعزف مشي ندير عرض أزياء
وسيم : مشي حنا لينة هاد الشي لازم...لازم كلكم تلبسو كيف كيف باش تبانو فرقة موسيقية
ياربيييي مصيبة و طاحت على راسي ...منيش حاااابة
و انا هكاك حتى نشوف وسيم خزر فيا كي لبيبي صغير ياربييي قبي علاش راه يخبط هكا
مفقتش على روحي
لينة : حاضر
انا برك قلت هكاك شدلي يدي
وسيم : ميرسي ميرسي ♥
و راح يفري شغالاتو و جات ليا المنسقة الكلبة مدتلي وش نلبس
رحت نلبس بالسيف و مش حاملة روحي ياربي نكره هاد الستيل بصح وش ندير ....اصبري لينة اصبري متنسايش ليوم فرصة حياتك
لبست بزربة و رجعت للمنسقة بعتتني عند لي تدير لماكياج و منعرف واش
بدات تماكييلي هي تماكيي و انا
لينة : شوفي ديريه سامبل بزاااااااااف سينون نحيه
المصففة : ايه ايه متخافيش
و برك كملت ملماكياج سوطات لشعري معباليش قاع وش كانت تخلط فيه بصح انا قلبي حبس ياربييي شعري الجميل دك ميرجعش مبوكلي
البكية جاتني
بعد مرور ساعة و نصف
و انا قريب مت و حكمتني القنطة و قاع صراولي لانو اول مرة في حياتي نديرلا عفسة هكا
المصففة : وااااااااو واو شكون قال بلي نتي شابة هكا
خزرت فيها بطريقة مش مليحة لانو عياتني
المصففة : واو ...شعرك كي كان مبوكلي كان مخبي قاع جمالك و ستيلا تاعك معندي منهدر عليك مكانش قاع مبين جسمك الانثوي...اااه ليوم تقتليهم بجمالك
خزرت فيها و تبسمت
لينة : ميرسي :) ...ممم معليش تجيبيلي مراية نشوف روحي
المصففة : بالتأكيد
جابتلي مراية نشوف روحي و ...واو ...هادي انا ؟
واو منيش مامنة ...راني نبان شخص اخر كليا..راني نشوف علاش لبنات يديرو هاذ الاشياء...
ههههههه راني نبان طفلة
اول مرة تليسي شعري ....واو
قاعدة نشوف فروحي و نتبسم هههههه هبلت خلاص
المصففة : ههههه شفتي شحال راكي شابة و نتي مغطية على جمالك
خزرت فيها و تبسمت معاها
لينة : مشي لمهم الجمال لخارجي ههه لمهم جمال القلب و الروح
المصففة : صح عندك لحق هههه بصح مرات على مرات ...لازم نتلتهاو بروحنا ♥
لينة : ههههه ميرسي بزاف تعبتك معايا
تبسمت معايا و انا جيت رايحة
كنت لابسة هكا
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...