تعزف علي البيانو 🎹
كأنها ترسم أجمل اللوحات 🎨
تتناغم الأحلام مع الكلمات بين أطراف أناملها التي تمررها برقي غير معهود👑
علي أصابع البيانو🎹
وكأنها تكتب أول سطور لحكاية الزمان كما تريدها هي وحدها 🎬
بحثت العالم عن امثالك 🔭
لم أجد...
فأنتي مميزة...
كملت نسمع الموسيقى حتى انتقلت لعالم احلامي .... *في الصباح* نضت على الستة كي لعادة وجدت روحي بالزربة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وش جا قدامي لبستو كي لعادة ..طلقت شعري لخطرش كون ندخل فيه مشطة تحصل و جيت رايحة... خرجت من بيتي صبت الانسة اختي راقدة كيل عادة و الانسة مرت بابا مع بابا نهار كامل و هما قاعدين كي لعجايز ...معباليش ممبا منين رام يجوهم دراهم باش ياكلو بففف مدخلنيش لمهم انا ني ناكل ... مخزرتش فيهم ميمبا و جيت فاتحة لباب و رايحة و لكن كي لعادة لازم لازم تفتح فمها هديك نادية :شفت شفت.. لالة مولاتي صباح لخير متقولهاش و زيد كل يوم خرجات دك متقعدش فالدار هادي غلقت لباب و جيت رايحة...معباليش علاش تحل في فمها و هما مدابيهم كي منكونش فدار ...ههههه عليمن راهي تمثل .. المهم مدخلنيش.. درت ليزيكوتوغ و نمشي فطريق رايحة للخدمة وصلت ...و خدمتي الاولى هي نروح نوزع شكاير تع الحليب و جرانن للناس
كانت السبعة و لازم الثمنية نكون كملت جبت الفيلو و عمرت الصندوق تاعو بلحليب و الجرانن و بديت كي لعادة من دار لدار و غير لمرفهين بيان سوغ مشي ولاد الشعب هدوك لازم يروحو وحدهم يتمرمدو ...
بلخف وصلت الثمنية رجعت للخدمة رديت الفيلو و ديت دراهمي فهاد الخدمة نخلصو سوغ بلاس لخطرش مش عفسة كبيرة و برك كملت رحت للخدمة ثانية و هي في مطعم كنادلة كيلعادة برك ندخل لي يخدمو معايا قاع يخزرو فيا ملفوق للتحت حاسبيني مهبولة هكاك خير باش واحد ما يهدر معايا انا اصلا منحبش المهم بديت الخدمة و راكو تعرفو كيفاش رايحة جاية ندي الطلبات و كدا حمدالله المدير متفهم و مش حاسبني مهبولة بلعكس يحبني لخطرش غير انا لي نخدم بنشاط لوخرين غير تمهبيل
طلبات و توصيل و كدا حتى وصلت الزوج رحت نفطر لانو مستحيل يخلينا نروحو عالطناش لانو هداك هو الوقت لي يجو فيه الناس كثر المهم فطرت و جيت رايحة للخدمة الثالثة نروح عند واحد الولد من عائلة غنية نديرلو دروس البيانو ... المهم عائلة هاد الولد بزاف اغنياء يخلصوني مليح مع الاول يماه رفضت كي شافتني بصح وصا عليا المدرب تاعي ..و المدرب تاعي معروف شوية صافيك سمعتلو و مع الوقت كي شافت بلي وليدها رجع هايل فالبيانو ولات هي تعيطلي باش نروح المهم نقريه مالثلاثة حتى الخمسة
