تعزف علي البيانو 🎹
كأنها ترسم أجمل اللوحات 🎨
تتناغم الأحلام مع الكلمات بين أطراف أناملها التي تمررها برقي غير معهود👑
علي أصابع البيانو🎹
وكأنها تكتب أول سطور لحكاية الزمان كما تريدها هي وحدها 🎬
بحثت العالم عن امثالك 🔭
لم أجد...
فأنتي مميزة...
عدنا نقراو نقراو حتى جا وقت لفطور فطرت مع الاخير قاع باش ما نتلاقا بحد مخصنيش مشاكل و برك كملت رجعت للقسم كملنا نقراو حتى وصلت ربعة و نص و اخييييرا جيت حا نفرح ممبعد تفكرت بلي راح نتلاقا مع مسود السعد و راح نضفو الاقسام قاع الابتسامة طارت تجري بففف معليش لينة اصبري نتي اصلا موالفة تخدمي خلي هو لي موالف ينوض يصيب كلشي واجد يعاني هيهيهيهيهي هادي يسموها الدفاع الغير مباشر المهم رحت بزربة للاقامة باش نبدل حوايجي ...دخلت الغرفة ما صبتش هدوك المندوبات و الحمدالله رحت رفدت ايعفسة صبتها قدامي و لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رفدت تلفوني و جيت رايحة ... خرجت مصال دو بان صبت هدوك الزمرات قاعدين يماكييو ...وات ...وقتاش وصلو لهنا قاعدة نخزر فيهم بكل غرابة و هما مزال مشافونيش سلمى : في رايك يخلونا نخرجو ؟؟ حنان : متخافيش بابا راه جاي كاش ما يهدرو معاه يقاضيهم سلمى : ههههه كيما موالف...حقا وين بيها حنان : ليوم عيد ميلاد وريث شركة ****** لازم نروحو هههه سلمى : ههههه عرفت الخطة لي راي دور في راسك هما يهدرو بكل غباء و انا نخزر فيهم بكل قرف ياربي يعيفو همهم غير المال بفف خليني منهم مدخلنيش يتهردو بحياتهم كملت طريقي و برك جزت عليهم شافوني تالمون كانو مركزين مع المايكب بصح برك شافوني بيان سوغ لازم يكومونتيو حنان : اعععع يا ربي خوفتنييي سلمى : ااااه قلبي قريب حبس جيت راح نحل الباب حتى حنان : اعععق شوفي وش راي لابسة يخي قمامة بمعنى الكلمة انا وقفت و رديت لباب و ضحكت باستهزاء درت بكل روعة و جيت رايحة نمشي لجهتهم مساكن رجعو صفورة وقفت قدامهم بكل شموخ و خبطت الطابلة بيديا ...كانت من جهتي حنان ...درت يدي على راسها بكل حنان كيما اسمها هههه و قاعدة نلعب بشعرها بشوية برك قوة شوية والله ما بزاف هههه و نخزر في سلمى لينة : احم قتلكم اعطوني رايكم ؟؟ قتلكم كومونتيو قاعدة نهدر و نبتاسم كي البسيكوبات هههههه ني حاسة روحي الجوكر حنان مسكينة رجعت ترعش رحت لجهة سلمى كانت شايدة في يدها ليبس تيك نحيتهولها لينة : نزيد نسمع حسكم برك حكمت هداك الليبس تيك و كرازيت جدو مع الطابلة لينة : يصرالكم هكا *ابتسامة* مساكن وجهم تلون و رجعو يرعشو للزوج و عينيهم تعمرو بالدموع ممبعد عاودت وقفت نورمال و ابتسمت مجددا لينة : استمتعو :) و جيت رايحة للباب و هما مساكن حس ما خرجوه هههههههههه كانو ميتين بالخوف و بيان سوغ لازم نزيد اللمسة الاضافية تاعي خرجت و خبطت لباب هما مساكن عيطو بكل انوثة قاعدة نمشي و نضحك عليهم هههه والله مساكن مش قادرين على شقاهم و جايين يلعبو معايا و انا نمشي حتى نسمع الحارس : لينة ***** طلعت راسي لينة : ويي راني هنا رحت عندو الحارس : على حساب ما قالولي نتي و السيد وائل راكم معاقبين واو السيد وائل تان لالا خص غير يركعلو -_- خزرت بكل برود باغسك عياني هنا لينة : وي عبالي الحارس : اوك اروايح معايا نروحو نجيبو وائل و نوصلكم :) خزرت فيه باستغراب ...شبي جده هدا ...علاش شايفنا دراري صغار مثلا أومأتلو و جيت رايحة معاه ...بيان سوغ السيد وائل ما يباتش فالاقامة قاعدة نتبع فالحارس و رحنا لواحد البلاصة جامي شفتها ههههه يعني معنديش بزاف وانا فالليسي هدا قاعدة غير نتبع كي البهلولة طلعنا الدروج و حتى وصلنا لواحد الباب مكتوب عليه '' خاص'' دقدق الحارس **** : تفضل فتح لباب و دخل و انا قعدت برا محبيتش ندخل ...بصح كانت باينة لحالة كيفاش ...كانت كأنو غرفة الرئيس ولا كاش شخص مهم بزااااااف كان كلشي مختلف فيها على الغرف تاعنا ... قاعدة متأملة فالغرفة حتى نسمع **** : وشنووو انا وائل وريث هاد المجموعة قاع و وريث هاد الليسي لي راك تخدم فيه نروح ننظف هبلت نتا ولا واش انا برك سمعت هكا جاني القيا حشاكم باغسك عرفت بلي انها غرفت السيد وائل و اصدقائه :) يعني كنت متوقعة ردة الفعل هادي ....بففف مزالو يفتاخر باعمال باباه -_- بصح في لحظة عم الصمت و سكتو قاع حتى نشوف الحارس خارج مالغرفة و معاه وائل و هداك صاحبو هشام برك شافوني مساكن تشوكاو وائل : اااي كيفاش جات هادي لهنا الحارس : حات معايا راهي معاقبة معاك وائل : و شكون قالك جيبها لهنا *بصراخ* عبالك بلي هاد المكان خاص أنا قاعدة نخزر فيه و رغب التتقيؤ تزيد كثر و كثر هشام : اااه لازم نبدلو غرفة وائل وائل : خلي ممبعد نفريها الحارس : سيد وائل مام هي مراحش تزعجك خزر فيه بحقد و راح سبقنا و انا و الحارس رحنا موراه مهدرت والو لانو ميستهلش نفتح فمي على حيوان مش متربي كيفه وصلنا لمبنى اقسام التارمينال كانو فارغينت بيان سوغ الحارس : احبسو هنا درنا انا و وائل و وقفنا تقوشي العسكر و لزوج مشنفين وجه واحد يعيي كثر من لوخر بففف الحارس : حسب اوامر السيد هارون لازم عليكم تنضفو كلشي التواقي الطوابل الارض و تمسحو الصبورات ...رانا حطينالكم قاع لي برودوي لي تسحقوهم و على حساب ما قال السيد هارون لازم الثمنية تكملو راي الخمسة و ادا مكملتوش راح تزيد العقوبة تاعكم تتطوال وائل حسيت بلي طلعتلو لاطونسيون و انا قاعدة نضحك لينة : حاااضر *بحماس* اومأ الحارس براسو و جا رايح و قبل ما يغلق الباب دار و خزر في وائل الحارس : سيد وائل السي هارون مرحش يعجبو الحاحل كون تخلي لينة دير كلش و نتا تعرف السي هارون كي يزعف وائل ضحك بسخرية ...الحارس راح و غلق الباب بلمفتاح قريب دخت يا ربي واقيل هبل هادا بدون اي تفكير درت ليه لينة : انا نمسح الارض و الصبورات و نتا التواقي و الطوابل *بحدة* و خزرت فيه خزرة تخوف .... انا هو طرطق بالضحك انا مدرتلوش قيمة و رحت حكمت طلاسة و برودوي تع الصبورات باش نبدا نمحي على سعدي لمسود دخلت لاول قسم و هو تبعني و راح جبد كرسي وقعد فيه ياربي راح حايب يطلعلي الغاز واقيل قعد يدرو بتلفونو بكل برود و انا نمسح مسحت مسحت حتى خلاص وصل الموس للعظم محبش يتحرك مبلاصتو لينة : مراكش ناوي تبدا ؟؟ وائل : كيفاش تتجرأ وحدة بمستواك تهدر معايا لينة : مام انا منيش ميتة باش نهدر مع غبي كيما نتا وائل : وشنو ؟؟؟*بصراخ* ناض و كان جاي ليا بكل غضب و انا واقفة بكل شموخ تقوشي شجرة و بدون اي خوف و حنا هكاك حتى يصوني تلفونو حبس و دار راح رفدو خزر مدة ...ممبعد رد عادي باش ما نبانش بلي ني حابة نسمع الخزعبلات لي راه يقول فيهم درت و كملت نمسح مابيد يكمل نوض ليه ........ برك كمل الهدرة فالتلفون انا عاودت درت ليه مستعدة كل الاستعداد نتيري عليه بطلاسة حتى نشوفو راح يجري جاب لعفايس تع تنظيف لي يسحقهم و بدو يمسح فالتواقي انا نخزر و مشوكية ...حتى وائل : واش مكيش ناوية تكملي ؟؟ معندناش نهار كامل اجري مزلت مشوكية ما الذي يحدث هنا ؟؟ تشوكيت شوية ممبعد درت نكمل نمسح و برك كملت قاعدة ننتقل من قسم لاخر و كل دقيقة هداك الجغل يتبعني و المشكل كان كااااااااااالم بزززاف موالفتوش هكا ....و كان يخدم من قلبو .... المهم مدخلنيش لمهم راو يخدم كملنا التواقي و الصبورات و مانيش حاسة بيديا معليش لينة اصبري راح الزمر هداك بدا مع الطوابل و انا بديت نمسح الكولوار الله يبارك شحال طويل صحتي تضيع معاه .......... بعد مرور نصف حياتي و شعري بدا يشيب اخييييرا و ليس اخرا كملت الكولوار و مزال الكلايس جيت رايحة حتى نسمع وائل : راني كملت انا لينوش نعاونك ؟؟؟ درت خزرت فيه بكل خلعة ياربي وش صرالو في دقيقة تحول ...و كان يهدر بكل لطف و ابتسامة كبيرة في وجهه ما يحدث في العالم يا ناس خزرت فيه ...و راسي يقولي ...قولي ايه قولي ايه قولي ايه يا ربيي راني عيانة بزاف خزرت فيه و تشجعت لينة : دير وش تحب *برود* اااااه لينة هدا وش قدرتي تقولي بقرة دك تكملي كلش وحدك تبسم معايا وائل : بيان سووغ دك نبدا راح رفد بيدون و دخل لكلاصة و انا مزلت مخلوعة المهم مشي وقت الخلعة لينة رحت رفدت لبيدون و بديت قسم و هو قسم وحداخر حتى وصلت الثمنية كملنا كلش فديك الدقيقة كان يقولي راسي لينة اتخلاي على كل مبادئك و نوضي حزمي و ضربيها بشطحة ...بصح هاد الشي كان يصرا في راسي برك لانو مالخارج و وجهي كنت نبان عبد ميت جيت رايحة حتى نشوف وائل حكمني من يدي وائل : اصبري دقيقة لينة : واش ؟؟ درت خزرت فيه وائل : لينة حبيت نطلب منك السماح على كلشي...
لينة : ..... وااات ؟؟؟ وائل : احم حبيت نطلب منك السماح لانو عبالي غلطت بزاف معاك و نشالله نكونو اصدقائ ملاح منا للفوق خزرت فيه بكل استغراب و مزلت ساكتة وائل : نشالله متكونيش عييتي بزاف و نسيي نهدر مع بابا باش ينحي هاد العقوبة ...متنسايش تاكلي مليح و ارقدي بكري باش تنحي التعب و زيد فورصيتي بزاف على رجلك و تبسم معايا ....كان يهدر بكل لطف و انا مزلت مشوكية مالشي لي راه صاري ....بعدما كمل هدرتو كيما قتلكم تبسم روشلي و راح بزربة وشبيه واقيل هبل..يادرة شكون عيطلو لخطرش ملي ريبوندا عالابال هداك و هو يعاملني بلطف سور كاين كاش عفسة ميحشيهاليش -_- بصح روماركيت عفسة ...كي كان يهدر معايا كان يخزر للفوق كل دقيقة بففف مدخلنيش فيه منيش حابة نخمم بزاف لخطرش رجلي راي توجع فيا مزالت مفعوصة و انا فورصيت عليها ...بفف نروح نرقد خير ليا -_- رحت رفدت كرطابي و قاعدة نمشي بسيف على سعدي كون جيت كي ناس ليوم نجوزو قاع مكسلة باش نبرا بلخف لكن نن رحت نخدم :) حسيت طريق للغرفة طوييييييييل بصح الحمدالله بعد المعاناة وصلت...مكان كاين حد فالغرفة سور راحو للحفلة ولا منعرف واش هدوك المندوبات...الحمدالله هكاك خير اصلا رحت لبست بيجامتي و تكسلت ديراكت طحت كااااو لخطرش منيش قادر نزيد لا نتخرك لا نفكر لا والو و انتقلت الى عالم احلامي الجميل *في الصباح* بعد ليلة رائعة رقدت مليح نضت على صوت الرافا المزعج صبت هدوك البقرات فبلايصهم راقدين في سابع نوم و كلشي الماكياج لحوياج الصبابط مرميين فالارض تقوشي كوري...بففف تقول نضربهم بزوج كفوف نسيهم فحياتهم بصح مدخلنيش لمهم حوايجي رام مرتبين :) المهم نضت درت روتيني اليومي و لبست لباس المدرسة خملت كرطابي و جيت رايحة قاعدة نمشي و فجأة تفكرت وش صرا لبارح ....زعما صح ندم ...نووو مستحيل لوكان طيح السماء هداك ميتبدلش بصح علاه هدر هكاك علاش فجأة ولا يعاملني بلطافة قاعدة نمشي و نخمم فاد العفسة حتى وصلت للكلاسة بصح قبل ما ندخل سمعت .......................... STOOOOOOOOOOOOP هاااااااااااااااي نشالله تكونو ملاح نشالله يعجبكم البارت و متنساوش تخلولي رايكم و وش تتوقعو شافت لينة ؟؟؟
