انا تخبيت مور الحيط باش ميشوفونيش ...جيت دايرة نبدل طريق حتى نسمع
هارون : هادي اخر فرصة ليك ... هادا قاع مالفشوش الزايد تع يماك...بصح عمرك ما تنسا انا هو المالك تع كلش ... هادي اخر فرصة ليك ...يا تقرا و تحمرلي وجهي يا روح ماني باباك مراك وليدي ...
وائل : شحال من مرة قتلك مدخلش روحك في حياتي شحال *بصراخ* نقرا منقراش نتا وش دخلك ...حياتي و انا حر فيها و نتا اقعد مخلوع في املاكك
درت لا اراديا مشوكية..كيفاش راه يهدر مع السي هارون ...بطريقة قراف مش مليحة ...مغلطتش كي قلت مش مربي ...حتى نشوف السي هارون رفد يدو و عطاه بكف *تع هنودة* جابو فالارض
ياربي من اول يوم شوك و هدات يادرة باقي الايام ...
وائل كان يخزر فيه بزاحد الطريقة تع احتقار ... صفر احترام
حتى نشوف السي هارون حبط للمستوى تاعو شدو متريكوه و بدا يهدر بنبرة تتهديد
هارون : ماش ما نسمع صرا ل لينة غير ابدا تودع سيارتك و قاع وش عندك
وائل : ...
هارون : دبر راسك نسحقك دير صداقة معاها ...قادر تعاونك في قرايتك...و بلاك تتعلم التربية منها
انا نخزر و مشوكية كثر يا ربييي لازم لازم ندخل فلوسط ...
وش داني نجي هنا وش داني كنت مليحة فليسي تاعي
السي هارون ركب طونوبيلتو و راح و وليدو هداك كان مزالو فلرض بالخزرة لي تخوف
المهم انا درت بزربة و رجعت للكلاسة
كملنا قرينا ... و هداك السيد المشهور مجاش قاع
ايه باينة ليسي تاع باباه يجي وقت ما يحب
وصلت الثلاثة ..و راسي حا يترتق يا ناس ... عشية قاع و هما يهدرو عليا معياوش ...عييت في بلاصتهم والله
تالمون كنت مزروبة انا اول وحدة خرجت مليسي احم احم قصدي لانو غير انا لي نروح برجليا قاع بطونوبيلات راقية هههههههههههه
المهم الحمدالله جاز النهار الاول مالقري صراو شوية عفايس بصح معليش نحملو ...غدوة نشالله يبدا الصح
مليسي رحت ديراكت لقاعة التدريب
جوايه الربعة داو لجماعة
بداو يسقسو على حوال ليسي و كلش و انا حكيتلهم قاع وش صرا
لينة : بصح مفهمتش...وش حكاية القمامة
نطقت ميليسا بيان سوغ تعرف كلش
ميليسا : علاش ؟؟؟*بلخلعة*
لينة : ملي دخلت و هما يقولو عليا قمامة تع هاد العام هههههههههه
ميليسا : ياربييييي لينة بلاكي على روحك
لينة : علاش
ميليسا : سمعت بلي في المدرسة هاديك كل عام يجيبو واحد بمنحة خيرية و هاد لعام نتي ...و بما انو لي يقراو لتم ميحشموش و متكبرين يعطو لهاداك الشخص قمامة
لينة : وش دخل القمامة برك
ميليسا : يدخل بمنحة خيرية معنتها سور فقير و راكي تعرفي هما عقليتهم
لينة : علاش قلتيلي بلاكي على روحك
ميليسا : كانت عندي وحدة نعرفها قاتلي بلي لعام لي فات لي جابوه يقرا بمنحة ...انتاحر تالمون كان يتعرض للتنمر و واحد ما سمع مالاعلام و كلش لخطرش السي هارون عندو بزاف دراهم صافيك باينة بتلفون برك يغطي على كلش
ياربيييييييييي وش هادا....كنت دايرة في راسي السي هارون ناس ملاح...ظهر هو تان كيما هما...هههههه لينة عندو دراهم و مرفه وش كنتي تستناي منو ؟؟
خزرت في ميليسا
لينة : حمباباك مين جيبي قاع هدا ؟
ميليسا : مصادر خارجية هههههههه
بدينا قاع نضحكو والله هاد الطفلة مهبولة تعرف كلش ههه
ليوم مقعدتش بزاف معاهم ...رحت ديراكت للدار بعدما حكيتلهم كلش
دخلت للدار و كيما كنت متوقعة صبت نادية و جماعتها يستناو على احر من الجمر
جاو حا يبداو يهدرو دخلت للبيت و رميتهم فالثقيل
حكمت الفاليز تاعي لي شريتها بتعبي بيان سوغ
و بديت ندخل العفايس لي قادر نسحقهم
ديت حوايجي دوزاني كلش
خملتهم مليح و رقدت ... غدوة لازم نوض بكري باش ما نتلاقا بحد
.....
*في الصباح*
نضت على صوت الرافاي المزعج ...كانت الخمسة تع الصباح ...نضت وجت روحي لبست اللباس الموحد تع الليسي بعد ما بعتهولي السي هارون لانو مستحيل نقدر نشريه
طلقت شعري كي لعادة لانو مخصنيش نضارب معاه و الله يبارك شعري شحال عاقل
...رفدت لفاليز تاعي ...و جيت رايحة حمدالله كانو راقدين مكنتش حابة نتلاقا بيهم ولا نسمع اي شي منهم ...
درت خزرت احر خزرة فالدار ...الدار لي عانيت فيها و عندي فيها غير الذكريات البشعة ...
نتي قوية لينة ...
عفست على اي شي مش مليح و انطلقت ...
نمشي فطريق و دايرة سماعاتي ...بالمختصر كنت في عالمي ...مفقتش حتى صبت روحي وصلت ...دخلت و صبت العساس لتم
ورالي وين جاية الاقامة و بسيف باش صبت وين بلاصتي انا و على حساب ما قريت بلي كاين زوج بنات معايا
يارب استر منسحقش نكون صديقتهم ...لمهم ميهدروش معايا و انا منهدرش معاهم و كل واحد فينا يعيض حياتو بسلام
حطيت لفاليز تاعي
و رفدت كرطابي و جيت رايحة للقسم
راهي الستة تع الصباح ههههههه
معليش المهم منتلاقاش مع هدوك الهموم
دخلت للقسم و قعدت فبلاصتي الله الله رفدت كراس الموسيقى تاعي و درت سماعاتي و بديت نكتب اي شي يجي في بالي كي لعادة
و الوقت يجوز و انا مش حاستلو قاع
حتى نشوف التلاميد بداو يجو بالشوية بصح مدخلوش للقسم كانو برا كل واحد شايد صديقو و يقصر
حتى وصلت الثمنية دق الجرس ... خبيت كراسي و جبدت دوزاني عندنا دك سيونس
بداو يجو التلاميد و كل واحد يقعد فبلاصتو
كانت الاستادة مزال مجاتش..و انا قاعدة حتى نحس عفسة ضربتني في راسي
راو بدا اللعب الخامج لي نكرهو
دورت وجهي بزربة لجهة الضربة صبت جماعة تع دراري بهالل شايدين لاستيك في يدهم و يضحكو
عندهم باك هاد العام و مزالهم يديرو هاد الجياحة...زعما مرفهين و راقيين ...
المهم ني عيانة باش نهدر صافيك خزرت فيهم خزرة تع موت .. مدة و انا نخزر فيهم ممبعد درت و نسمع ..
**** 01: اااي كيفاش وحدة بمستواك خزرت فيا
درت خزرت فيه باستهزاء
لينة : شكون نتا؟؟
انا برك قلت هكاك صحابو طرطقو بالضحك زعما يديرو النش درت خزرت فيهم
لينة : مكاش عفسة تضحك ...
قلتها بكل برود سكتو ديراكت ...
نشوف البغل لول نايض و جاي لعندي انا متحركتش قاع ...خليه يوصل عندي ندمو ...
و حنا هكاك حتى نشوف هداك مستر مشهور داخل
هو برك دخل قاع حبسو فبلايصهم و سكتو و لبنات ولاو يشطحو بلا محارم وحدهم
خي بهالل
حبطت راسي بكل برود و رفدت ستيلو كاش ما نخربش
حتى نشوف هداك وائل جا ليا ...قاعدة نخزر فيه بكل برود ..حتى نشوفو وقف قدام الطابلة تع لي قاعد قدامي و قعد يخزر فيه خزرة تخوف هداك برك شافو ولا يرعش حكم دوزانو و راح بدل بلاصة
وائل البهلول حط كرطابو لي حرام تقول عليه كرطاب لخطرش عبالي يسوا لملاين
المهم و حنا هكاك و قاع يخزرو فيه اونديغي فيلم
بصح هو قعد بكل هدوء و مدار حتى جاست
هاد شي معباليش علاش خلاني نستغرب ...المهم مدخلنيش..
االاستادة و بدات ديراكت تقري لا سلام لا كلام
أنا قاعدة نتبع معاها و نكتب ملاحظات و خطرة على خطرة يدورو بعض من التلاميد يقطعو شوية في وجهي و يعاودو يدورو و انا لا اهتم هههههههههههه
المهم ساعة جيب ساعة حتى جا وقت الفطور
رفدت دوزاني حطيتهم فالخزنة تاعي و رحت للمطعم
دخلت و انا برك دخلت بداو قاع يخزرو فيا باستحقار
رحت رفدت سنيوة تاعي و بديت نعمر وش ناكل
كي كملت رحت حكمت طابلة وحدي
بديت ناكل و مزالهم يخزرو فيا بفففف
و حنا هكاك حتى نشوف وائل و هدوك زوج صحابو يدخلو للمطعم
هو برك دخل مع صحابو الجماعة لي كانو فالمطعم قاع تشوكاو
و بداو يتهامسو
****01: اومايقاد هادي اول مرة نشوفو هنا
****02 : وش راه صاري
****03 : ياربي بزاف شباب....بصح وش جابو هنا
*****04 : وش صرا ؟؟ موالف ياكل فالحجرة الخاصة بيه مع صحابو
بداو قاع يقولو تقريبا نفس الكلام تع وش جابو لهنا
أه يا سي هارون نتا داير لولدك حجرة خاصة مكيفة ليه الله الله كانو مش واحد مالتلاميد و حابو يرجع يقرا و مربي كي ناس... المهمحبطت راسي و كملت ناكل
حتلى فجأة عم الهدوء فالمطعم
طلعت راسي صبت وائل واقف قدام راسي و هدوك زوج صحابو ملور معاه تقوشي حراس تاعو
مدرتش قيمة ليهم و بديت ناكل
انا برك درت هكاك بداو قاع يتهامسو و يقولو كيفاش وحدة كيفي دارتلو هكا
وائل : نوضي *ببرود*
درت روحي مسمعتش و كملت ناكل
حتى نشوفو قعد قدامي و صحابو هدوك معاه
وائل : هههه هايا راني عطيتلك فرصة تطيري منا ...اجري قبل ما ندير شيء ميعجبكش
خزرت فيه و ضحكت باستهزاء
انا برك درت هداك الجاست وائل خزر في هداك صاحبو و اومالو براسو ...
ناض هداك صاحبو ... و جخل يدو داخل جيبو و جبد .................
STOOOOOOOOOOOOOOOP
هااااي لقد عدت
نتمني يعجبكم الباغت💗💗
المهم حبيت برك نقللكم بلي راني رايحة لدار ماني صافيك منقدرش نحط بصح محش نبطا متخافوشو كي نولي نشالله نولي نحط كما راني دك كل يوم بارت💗💗
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
