تعزف علي البيانو 🎹
كأنها ترسم أجمل اللوحات 🎨
تتناغم الأحلام مع الكلمات بين أطراف أناملها التي تمررها برقي غير معهود👑
علي أصابع البيانو🎹
وكأنها تكتب أول سطور لحكاية الزمان كما تريدها هي وحدها 🎬
بحثت العالم عن امثالك 🔭
لم أجد...
فأنتي مميزة...
راني نخمم هكا حتي وصلت للاقامة رحت ديراكت رقدت لانو خمت بزاف راسي وجعني .... *بعد مرور3 اشهر* ((بون متتشوكاوش هههه عبالي سرعت الاحداث بصح لازم منقعدوش ندورو فنفس الشيء)) ااااااه ربي اااااه ويكاند و ميخلوش عبد راقد نا نموت ولا شاه😭😭 رفدت التلفون هداك و رديت لينة : ياربييي راي السبعة تع صباح😭😭😭😭 وائل : هايا هايا وقت الدراسة لينة : عالسبعة تع الصباح😭😭😭 وائل : هايا بليز والله عندنا بزاف قرايا لينة : هههه خلاص اوك دك نوض نلبس و نجي وائل : اوك راني السائق تصيبيه قدام الليسي كوبيت عليه و نضت ...قابلوني سلمى و حنان سلمى : اممم عبالك كون تعرف نهاد بلي راكي كل يوم تتلاقاي مع خطيبها وش يصرا حنان : ااااه مجرد التفكير يخوف سلمى : ههههه عبالك اخر مرة وحدة بمستواك لعبت مع نهاد وش صرالها حنان : ياربييي متفكرينيييش بففففف وش نوضهم هدو دك موالفين يرقدو ...واقيلا توحشو نخبطهم خزرت فيهم و درت هديك النظرة تع لمهابل لينة : كلامكم وفروه ليكم اوك انا برك قلت هكاك شنفو و راحو فهمو روحهم ...رحت بديت نوجد روحي ... كي لعادة روتين يومي لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لميت شعري و جيت رايحة .... ههههه واو جازو 3 اشهر.... جازو يجرو .... و مبقاش بزاف للباك ... ههههه عبالي 3اشهر بزاف بصح متخافوش دك نحكيلكم قاع وش صرا المهم مالنهار هداك لي حكاتلي فيه الخادمة حكاية وائل تفهمت قاع تصرفاتو صافيك قررت منزيدش ندير على تصرفاتو الطفولية و كلش... لكن الشيء لي خلعني انو وائل مع لوقت بدا يتحسن ...خاصة كي كنا تقريبا كل يوووم نتلاقاو باش نقراو تقرب مني و رجعنا اصدقاء ...بعدما تقربت منو كتاشفت وائل الحقيقي لي كان مخبي مور هداك الشر و التكبر ...وائل كأنو طفل صغير بريء و على حساب ما قاتلي ميليسا بلي وائل جاي من النوع لي يحب يلعب روحو شرير و متكبر و شخص سيء بصح اي عبد يكون مليح معاه و يشوف شخصيتو مش دراهمو يكون مليح معاه ...اي تماما كيما انا ...انا لي يشوف شخصيتي يحتارمني لكن معظم ناس تهمهم المظاهر برك و الدراهم عمرهم ما يشوفو لعقل الشخص و هاد الشي لي خلانا انا و وائل نفهمو بعضنا لانو رانا فنفس الحالة برك بقصص مختلفة ... منكدبش مع الاول كانت صعيبة بزاف باه نتفاهمو ...بصح مع لوقت محسيتش غلي روحي كيفاش وليت نهدر معاه نورمال و هو تان عمري ما كنت نتخيل انو شخص كيما وائل يكون صديقي ... لكن انا من تحربتي تعلمت انو نحكم عالشخص من شخصيتو ... المهم كي رجعنا لليسي نفس الشي التلاميذ مزالو حيوانات ناطقة انا برك ندخل من هما يبداو يخرجو الزبل من فمهم حشاكم مع لول مكانوش عبالهم بلي راني نقري وائل لانو كنت نروحلو للدار نقريه من ويكاند لويكاند حتى وصلنا مع دروس الليسي ولا هو يحب يقرا معايا فالمكتبة ني شافية اول مرة شافونا رايحين كيف كيف للمكتبة ديك الخزرة في وجوهم تقتل بالضحك ههههههه كلمة ما قالوها مساكن الخوافين يترجلو غير عليا بصح معبالهمش بلي راني ساكتتلهم على وجه السي هارون لانو كون نوضلهم يموتو على يدي نوريلهم الحيوان الداخلي بصح معليش اصلا اي دونت كار كي شافونا انا و وائل كلي شافو جن ولا منعرف واش قاع تخلعو ههههههههههههه ولا اصبرو نحكيلكم على نهاد وش دارت تموتو بالضحك جات و كي شافتنا مأمنتش عقلها مسكينة ...قعدت مدة و هي تخزر فينا وصحاباتها ملور مساكن بداو يديرو فالدراما ...ناضت عيطت حتى شبعت و المشكل بخصتني انا مشي وائل و حنا كنا ساكتين...لكن برك كملت هدرة و سكتت انا طرطقت بالضحك مسكينة ولات تغلي و تترتق وحدها لكن لتماك روماركيت عفسة بيزاغ بزاف وائل مهدرش قاع و خزر في صاحبو هشام كأنو شرلو ......هشام راح بزربة عند نهاد و خرجها و لعفسة لي بيزاغ كثر انو ملتم نهاد مخلطتش فينا قاع سور هددها ولا كاش حاجة .... الفصل الثاني تع الدراسة جبت 19.70 و المفاجئة الكبيرة انو وائل جاب 14 المعدل ....عمري ما ننسا فرحتو هداك نهار كان يبان طفل صغير تع الصح و على حساب ما قالي انو امو دارت عرس فالدار هههه و عيطت لباباه كي قالتلو مأمنش لتم لي تأكدت كثر انو هو بريئ لداخل و عرف فرحة انو تخدم و تتحصل على نتائج افضل ...هداك النهار دار حالة هدا وش صرا من جهة وائل و الدراسة من جهة الموسيقى...علاقتي مع الاستاد وسيم تطورت بزاف و رجع من اعز الاشخاص لقلبي مدرب رائع و تعلمت منو بزاف عفايس و مام هو قدرني و قدر موهبتي بزااااف دايمن يشجعني ... و اي مشكل يصرالي فالليسي ولا نحكيلو غير ليه و هو يعاوني دايمن و يعطيني نصائحو...تع الصج نحبو هداك الشخص بزااااااف محترم ♥ مزالني كيما العادة مع الجماعة الجميلة تاعي كل ويكاند نتلاقاو و نجوزو ايام هايلة تقدرو تقولو بلي حياتي ولات افضل بلبزاف ♥ و وليت نتبسم كثر ههههه بصح مزالني نقتل بلبارد و الشخصية الغريبة كيما كنت و منتبدلش ههههههه لانو هادي هي لينة...هادي هي انا ... المهم هدو هما الاشياء المهمة لي صرات هاد الثلث اشهر الباقي كلو روتين و سماطة المهم ...وصلنا بلخف للقصر هداك لي للدك مزال منعرفش ندور فيه تالمون كبير دخلت و قاعدة نمشي فالحديقة هاديك دخلت للقصر بعد عداب طويل من المشي و جيت طالعة لبيت وائل حتى نسمع ***** : ااي نتي درت...شايفتها هاد المرا ..يا ربي وين وييين ااااااااااااااااه هاد يمات وائل ...انا برك شفتها توترت خزرت فيها و انحنيت احتراما لها لينة : مرحبا سيدتي و عاودت وقفت نورمال..كانت تخزر فيا بخزرة متعجبش ...مردتش ميمبا التحية فريال : اممم ..نتي هي معلمة وائل ؟؟؟ لينة : نعم فريال : امممم قالولي بلي تقراي فنفس الليسي و نتي الاولى صح لينة : ايه صح فريال : امممم ...والله معبالي علاش خيرك نتي ....اي بوغتون انا جبتلو افضل و احسن الأساتذة المتخرجن من اكبر جامعات العالم هي برك قالت هكاك....و قالتها بطريقة استهزاء... شعلت الشيطان لي بداخلي .... خزرت فيها و تبسمت لينة : مممم بصح على حساب علمي انو وائل كان يجيب غير تحت المعدل مقبل...لكن برك قريتو انا وصل لل 14 فاسيلمون انا برك قلت هكاك هي فتحت عينيها و خزرت فيا زعما مخلوعة مالوجه تاعها عرفتها بلي دكا راح تنوض تبخصني لكن قاططعنا صوت وائل : لينة ؟؟؟ مزال تقعدي هنا عندنا بزاف قراية درت صبتو وائل ...جامي فرحت كي شفتو كيما دكا صراحة مكنتش حابة نكثر معاها هدر و باينة لوين راهي حابة توصل لينة : اه ..كنت جاية درت و جيت رايحة مع وائل ...رحنا ديراكت لبيتو حطيت دوزاني فوق البيرو و قعدت ....خزرت فيه صبتو مزالو واقف لينة : ههه واش مشي دك برك كنت مزروب وائل : كاش ما قاتلك .؟؟؟ لينة : اه...نو القيت التحية برك وائل : راكي سور ؟؟ لينة : اووه ايه هايا ههههه معنديش النهار كامل ليك جا قعد قدامي و بدا يتبسم وائل : هههههه واااو الانسة لينة مشغولة بزاف.. لينة : اااه وي بيان سوغ انا مشغولة دايمن وائل : هايا هايا نقراو ههههه بدينا نقراو و كي لعادة تمارين و دروس محبوش يخلاصو كل ما نقولو خلاص تزيد تخرجلنا عفسة من حيث لا تدري لكن الحمدالله كيما قتلكم وائل رجع اعقل و يتبع خير صافيك بلخف نكملو لعفايس مي كيما ليامات لولين زوج سوايع ندير عفسة وحدة برك المهم كيما قتلكم عفسة مور عفسة حتى صبنا الزوج سوايع خلاصو لينة : اوه اخيرا ههههه وائل : يايما مخي حا يترتق لينة : تشوف انا .... نروح للاقامة دك نرقد منوضش حتى نهار الاحد وائل : ياربييي من نهار عرفتك و نتي غير ترقدي ترقدي شكارة رقاد لينة : اوووه واش حتى رقاد و ممنوع وائل : لالااا مقلت والو هههه ارقدي بصحتك ..بصح بلاكي برك نهار الباك ترقديلهم لتم لينة : هههه منقدرش نوعدك نهدر معاه و نلم فدوزاني باش نرجع لفراشي العزيز توحشتو لينة : هايا باي انا نروح ههه وائل : اصبري نوصلك راني حاب نخرج هههه لينة : اوكي ناض و جا معايا خرجنا للحديقة و قعدنا نمشو بصمت حتى ... وائل : مابقاش للباك لينة : صح ...بقالو شهر ... وائل : صراحة راني خايف شوية لينة : بووه معندك ما تخاف...راك تحسنت بزاف فالدراسة والله وائل : نخاف اخر دقيقة نروح نهرد كلش لينة : نوو لازم تكون واثق من نفسك زيد نتا حتى لدك راك قاري و فاهم كلش و هما مراحش يجبدولك عفسة مالفضاء بلعكس حا يديرولك عفسة اسهل من واش رانا نحلو دك انا برك قلت هكاك وائل حبس انا حبست و خزرت فيه لينة : علاش حبست ههه حتى نشوفو شدلي يديا و خزر فيا و تبسم جاني الشوك مفهمت والو وائل : قد ما نشكرك ما راحش نقدر نوفي...كنت معاك وغد بصح نتي قابلتي شري البخير و دايمن تشجعيني و تعطيني نصائح ..و على جالك جبت معدل عمري مكنت نحلم بيه و لاول مرة شفت بابا فرحان بانجاز درتو ... كنتي دايمن فتاة جيدة معايا مع انو انا كنت لعكس ... ملي كنت صغير مقدرت نكون مرتاح و نوري شخصيتي الحقيقة مع اي حد ...لكن معاك نتي قدرت نكون مرتاح و نكون بشخصيتي الحقيقة بدون اي حرج .. لينة نتي افضل شخص قابلتو في حياتي....نتمنى تكوني معايا كل حياتي لانو مشكيتش حا نصيب عبد افضل منك هو يهدر و انا ميتة بلحشمة.....لكن برك كمل قربني ليه و عنقني هو برك دار هكاك انا جاتني الخلعة الشوك رجليا فشلو قلبي كان حا يخرج مبلاصو و تبلوكيت في بلاصتي كلي جماد .....ياربي وش راااه يصرا ....واش بيه هدا انا وليت طوماطيشة خلااااص ممبعد بعد عليا و خزر فيا و بدا يتبسم و انا راني في عالم وحدوخر خلاص ياربيي لينة كالمي جد روحك ...اااه و نتا علاش اك تخبط هكا ...حبس يا زمر ما صرا والو قلبي الكلب ستووووب وائل : شكرا بلبزااااف قاعدة مدة و انا نخزر فيه بكل خلعة ...مزال ماستوعبتش وش صرا دك و انا هكاك....حتى فقت لروحي لينة : ااااه .....هههههه ...نوو ههه نورمال...اه قصدي..بلا مزية و تبسمت كي الغبية لينة : ااه لازم نروح راي تستناني صحبتي وائل : ههه مشي قلتي تروحي للاقامة ترقدي ؟.؟؟ لينة : ااه صح صح ههه ايا باي قلت باي جيت رايحة بزربة باربييي بهدلت روحي خلاااص راحت الهيبة يا لينة راحت دك يقول تأثرت و منعرف واش...بفففف كان لازم منبينش التوتر تاعي اااااااه زمر زمر زمر نمشي بزربة و ميتة بلحشمة خلاااص ياربيي وش بيه هدا هبل ولا شاه لينة اتكالماي ... ما صرا والو ما صرا والو حاب يشكرك برك ...اايه عاونتو بزاف لازم يشكرني اااااااه شيت مي كان لازم يشكرني بهاد الطريقة كان قادر يقولي ميرسي برك بووه لينة السيد راو مع نهاد هههه نهاد وريثة اكبر المجموعات وين تباني قدامها اااه راني نمشي فطريق و نهدر وحدي كي المهبولة حتى صبت روحي قدام الاقامة طلعت نجري كي البقرة رميت روحي ديراكت فالفراش ألحمدلله ملقيتش هادوك الندبات قاعدة نتكور وحدي فالفراش و نتبسم ااااه ربي وشبيني علاش راني نتبسم اااي لينة بالاكي قم بالاكي تحبيه هدا ماهوش قاع من مستواك باش تحبيه نن نن منحبوش هدا صديق برك ااااه ربي تخلطولي قاع المشاعر شييت افضل شيء نديرو هو نرقد انا برك حطيت راسي و جيت حا نرقد حتى ...نسمع صوت تلفوني رحت بزربة رفدتو صبتو ميساج من عند وائل فتحتو بسرعة الضوء...كان مكتوب فيه ( نشالله تكوني وصلتي بخير للدار لينوش) ياربيييي لينوش وشبيه هدا هبل ليوم ولا جاتو الرومنسية المفاجئة ههههههه لالا راني غير نخلط بوووه عندو نهاد عندو ..ااييه حب برك يتطمن بلي رجعت للدار بخير اايه مكاين والو ااااه تخلطت تخلطت عليا يا ناااس رميت تلفوني و رقدت ديراكت باغسك كون نقعد نخمم اقسم بالله غير نهبل *بعد مرور...* STOOOOOOOOOOOOOOOOOOOP
سلااام عدت بعد غياب مشي طويل بزاف هههه و هدا بسبب غياب حب قلبي البيسي عبالي متوقعتوش لينة و وائل يولو اصدقاء و بالاك جاتكم شوية بيزاغ بصح متخافوش مع البارتات الجايين كلش يولي يبانلكم نورمال و حبيت نقللكم برك بلي من هاد البارت و طلع نولي نسرع الاحداث شوية مشي باش نليكيدي ولا حاشااا ههههه انا كي نبدا عفسة بنظام نحب نكملها هكاك لكن باش نروحو للاشياء المهمة ديراكت بلا منقعدو ندورو فنفس الشي نشالله ميقلقكمش هاد الامر و ادا يقلقكم قلولي فالكومنتس ♥ شكرا و نلتقي في بارت جديد غدا ان شاء الله ♥
