*في الصباح*
كي لعادة نضت بكري
قبل ما ينوضو قاع ...لبست حوايجي ..
و جيت خارجة
كيلعادة من خدمة لخدمة
و من بلاصة لبلاصة و كل بلاصة نتعب فيها كثر ملوخرا
حتى وصلت الخمسة كملت مع تعليم البيانو ...عيطت للخدمة لجاية قتلهم بلي مراحش نقدر نجي تفهمني المدير لانو يعرف حالتي...
المهم رحت ديييراكت لليسي تاعي الجميل ..
راني متأكدة بلي نصيب المدير لتماك لخطرش هاد ليامات رام يبعتو فالنتائج و عندهم بزاف خدمات صافيك سور يكون هنا
المهم
دخلت و رحت سقسيه قالولي راه فلبيرو تاعه
رحت دقدقت
المدير : تفضل
دخلت و برك شافني ناض
المدير : اووه لينة ...فخر ثانويتنا ههه
انا تبسمت محبيتش نحرقو ملول
لينة : ههه..هه ميرسي..
المدير : تفضلي لينة
رحت قعدت
المدير : خير ما جابك عندنا بنتي ههه
لينة : عبالي رح نشوكيك شوية بصح ...مشي قتلكم متزيدوش تبعتو النتائج تاعي للدار...
المدير : اممم عبالي بصح هاد لمرة كان لازم ..
لينة : نو اي شي يصرا متزيدوش تبعتو لدارنا بليز ...عندي تلفون عيطولي فيه انا نجي نديهم
لتم المدير بدا يضحك
المدير : ههههه لا مرحش نزيدو قاع نبعتوهم حنا ..نظن قالولك بلي راح تنتاقلي لثانوية مجموعة TFIT
السيد كان ميت بلفرحة و الفخر في عينيه ...هاد الشي خلاني نتردد شوية خاصة انو نحتارمو بزاف لانو بزاف مليح معايا ..لكن وش ندير رح يعرف عاجلا ام اجلا
لينة : عبالي الشي لي راح نقولو رح يكون صعب تقبله بصح باش نكون صريحة معاك انا راح نرفض هاد الطلب ..راني مليحة هنا و زيد هاديك الثانوية مش مكاني المناسب ..هاديك خدموها للاثرياء مش لناس كيفي
المدير تبدل قاع وجهو و راحت قاع هاديك الفرحة
المدير : علاش !؟
لينة : راني قتلك علاش...
المدير : بصح لينة ...متقوليش هاك ..هديك الثانوية خدموها ل لي عندهم قدرات عالية فالدراسة و أذكياء مشي للاثرياء..
و حنا هكاك حتى يقاطعنا تدقديق تع الباب ..
المدير : سمحيلي دقيقة
لينة : وي بيان سور
المدير : تفضل ..
دخل لي كان يدقدق...كان راجل كبير شوية بصح اللبسة لي كان لابسها قادر يشري بيها دزاير قاع
المدير برك شافو توتر و ناض و انا بالتاكيد مش فاهمة شي...
المدير : ااه سيدي...تفضل تفضل ...
ممبعد خزر فيا
المدير : لينة هدا هو السيد هارون مدير مجموعة شركات TFIT
انا خزرت فيه ..ههه باين عليه من لبستو
لينة : مرحبا سيدي
خزر فيا و تبسملي
هارون : اووه اهلا لينة ...شرف كبير ليا نتلاقا بوحدة كيفك ..شباب كيما نتي هما املنا الوحيد في انقاذ مستقبل بلادنا
انا تبسمت بصدق لانو قليل لي يقلي كلام هكا...كل الناس يشوفو لمظهري..عمرهم لا شافو وش كاين مور مظهري..عمرهم ما شافو لقدراتي ولا لقرايتي ولا لشخصيتي ..دايمن يشوفو لمظهري
لينة : ميرسي الشرف ليا *بخجل*
أنت تقرأ
🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)
Romanceتعزف علي البيانو 🎹 كأنها ترسم أجمل اللوحات 🎨 تتناغم الأحلام مع الكلمات بين أطراف أناملها التي تمررها برقي غير معهود👑 علي أصابع البيانو🎹 وكأنها تكتب أول سطور لحكاية الزمان كما تريدها هي وحدها 🎬 بحثت العالم عن امثالك 🔭 لم أجد... فأنتي مميزة...
