The Mask[Completed]

The Mask-24

{Unicode}

မနေ့ညကသောင်းကြမ်းမိတာကြောင့် ထယ်တစ်ယောက်နေ့လည်ခင်းထိမနိုးလာသေး။

ကုတင်ပေါ်မှာအိပ်မောကျနေတဲ့ထယ်ကိုမြင်ရတော့
"ထယ် ပင်ပန်းသွားလောက်ပြီပေါ့"

အချစ်တွေကိုပေးချင်ခဲ့မိပေမဲ့ အခုလို သူပင်ပန်းနေတဲ့ပုံလေးမြင်ရတာတော့ ရင်ထဲအောင့်သက်သက်ရယ်
ဆက်အိပ်ပါစေဆိုပြီး သူမသိအောင်ခြေသံတိုးတိုးနဲ့သာ ရေချိုးခန်းထဲထွက်လာလိုက်ရတယ်

ရေချိုးဇလုံမှာ ရေပူတွေအပြည့်ဖြည့်ထားပြီး ညောင်းညာမှုတွေကိုပြေပျောက်ဖို့ ဝင်စိမ်ကာ မျက်လုံးအစုံကိုမှိတ်ထားရင်းပင်ပန်းသမျှကိုဖြေဖျောက်နေမိတယ်

ရုတ်တရက် ရေချိုးခန်းတံခါးပွင့်လာတာကြောင့်ကြည့်မိလိုက်တော့ မနေ့ညက အကျီအဖြူအပွလေးကိုဝတ်လာပြီးရေချိုးခန်းထဲဝင်လာတဲ့ ထယ်

"ဟင် ဘယ်တုန်းကနိုးလာတာလဲ လမ်းလျှောက်လို့အဆင်ပြေရဲ့လား ဗိုက်ကောနာနေသေးလား"

စိုးရိမ်တကြီးနဲ့မေးလာတဲ့ဂျွန်

"ခ်ခ်"

အသံထွက်အောင်ရီမိလိုက်တော့

"ဘာရီတာလဲ"

"ဂျွန့်ပုံစံက်ိုသဘောကျလို့ ဖြေးဖြေးမေးလဲရပါတယ်"

ရေချိုးဇလုံထဲ ထယ်ပါဝင်လိုက်ပြီး ဂျွန့်ကိုကျောပေးထားတဲ့အနေအထားမှာမှ ထယ်က ဂျွန့်ရဲ့ရင်ဘတ်ပေါ်မှီချလိုက်ရင်းမျက်လုံးအစုံကိုမှိတ်လိုက်ပြီး ချစ်ရသူရဲ့ ရင်ခွင်နွေးနွေးထဲကို ကျောခင်းလိုက်တော့ အလိုက်တသိ ခါးကိုဖက်လာတဲ့လက်တစ်စုံ သိပ်ရင်ခုန်ဖို့ကောင်းသည် Tatooတွေအပြည့်နဲ့သူ့ရဲ့လက်ကိုမြင်ရတိုင်း ရင်တွေဟာတသိမ့်သိမ့်

နှစ်ဦးသားဘာစကားမှမပြောသေးဘဲ ပင်ပန်းမှုကိုဖြေဖျောက်နေရင်း ခဏကြာတော့

"ဂျွန်သိလား ဒီရေနွေးထက် ဂျွန့်ရင်ခွင်ကပိုနွေးတယ်"

"အွန်း"

"အနာဂတ်ကိုကြိုမြင်ရင်ကောင်းမယ်နော် ထယ်တို့ကိုဝေးကွာစေမဲ့ အရာတွေကိုကြိုမြင်ချင်တယ် ဒါမှကာကွယ်လို့ရမှာ"