يــوم الثـلاثــاء
5:00م
"قاعـدة في داري ونقرا ع طقة الباب"
انا بصوت مبحوح »» تفضـل
خشت ماما مبتسمة بألم وماسكة سفرة فيها قهـوة وكيكة »» شن اديري؟
انا بهـدوء »» نقـرا
"قمعزت ماما جنبي وحطت السفرة عالطاولة ومدتلي طرف من الكيكة اللي دارتها"
انا »» منبيييش ياماما منبيش
ماما بصوت حنون »» احكيلي يا أمنة...شن اللي صاير معاك؟...لك شهر لاتطلعي من دارك لاشي وديمه ساكتة وحتى حكي ماتبي تحكي معانا...شن اللي غيرك؟
انا »» مـافي شـي ياماما غيـر متضايقة شوي...
ماما »» احكيلي من شنـو متضايقة؟
انا »» من كـل شي...من حياتي ومن روتيني ومن كل النـاس...حاسة روحـي ميتـة ونا عايشـة
ماما »» بس ماكنتيش هكي...كنتي ديمة مبتسمة وتضحكي وتلعـبي وتهدرزي...شن المعنى توا؟
انا بضيق »» خلااااص ياماما ارجووك!
"ماما فهمـت عليا اني متضايقة ومنبيش نحكي فهالموضـوع ومسحت ع شعـري بحنان وصبت وقبل بتطلع"
ماما »» كـولي باه عشان خاطري
انا »» حاضر
"طلعت ماما وسكرت الباب وراها وانا كملت قراية....ماقدرتش نحفظ شئ....نقرا بس بدون وعي وتفكيـري في حاجـة اخرة"
.
.
.
~~~~~~~~~~~~~~~~
7:00ص
"نضت ع صـوت ماما وهيا تواعي فيـا...خشيت للحمام توضيت وصليت الصبـح وخشيـت للكوجينـه نفطر"
ماما »» عندك امتحـان اليوم؟
انا »» اها عندي
ماما »» قريتي؟
"هزيتلها براسي بمعنى اها"
ماما »» باه بالتوفيـق
"خـش بابا للكوجينـه وقمعـز وانا صبيت وقبل مانخـش جوا"
بابا قـارن حواجبه »» كنك صبيتي؟
انا »» نبي نبدل دبـشي
"خشيت جوا بدلت دبشي ولبست كبـوط بحكم انه الجو بـرا مطـر وصقع....خذيت شنطتي وقعـدت نرجا في خوي سليم عشان نمشوا للمدرسـة....طلع سليم من داره"
سليم »» هيااا
"طلعنا وركبـت للسيارة وركب سليم بعدي ومشينااا....كنت نتفرج عالمطـر ومع كل حبة مطـر تنزل دمعـة من عيوني...قربنا من المدرسة وزاااادت المطر اكثر واكثر ومافطنتش الا ع صوت سليم وهو يحكي معايا"
سليم »» امننننة امنـة!!!
مسحت دموعي والتفتت عليه بسرعه »»
نـ نعم
أنت تقرأ
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
