"كنت قاعدة مقمعزة في حجر ماما ونبكي....حسيت روحي نوعا ما تريحت وسمعنا صوت الباب فتح"
ماما بخوف »» بوك جاء
انا »» بـ بابا!!!
"صبت ماما وطلعتله في الصاله وكان جايب معاه اماني وسامر"
ماما »» اا روحتو
بابا »» اها روحنا
.
.
.
.
"كنت قاعدة فالدار خشت اماني حاطه شنطتها ع كتفها"
اماني »» ا " وشافتني" امنةةة!!!!!!!
انا »».....
اماني بصدمة »» شن جيبك هنا!!!
.
.
.
.
.
.
.
بابا »» اها روحنا
ماما بإرتباك »» بـ باه
بابا عاقد حواجبه »» كنك فيه حاجه
ماما بخوف »» امنة
بابا »» كنها؟
ماما »» ااا قاعدة عندنا
بابا تحولت نبرة صوته لعصبية »» عندددنا شن تبي عندنا مش اول امس جت؟؟
ماما بخوف »» قمعز نحكيلك
بابا قمعز بعصبية »» احكي
ماما تنهدت وحكتله »»...........
بابا صبا بعصبية »» والله نوريها بنت الكلب
"كنت قاعدة في الدار نبكي ونحكي لـ اماني وخش بابا دف الباب بكل عصبية "
بابا بعياط »» شنووووو تبي تسوووودي وجهي انتي ياخررررا توا نوريك "وفك السير وقعد يضرب فيا"
انا بعياط وبكاء »» لااااا يااااابابا اطلقني حرررررام عليك والله مادرت حاجه والله
بابا بعصبية »» شن يقولوا الناس ماقعدتش شهر واطلقت شنووووووو "وقعد يضرب فيا وماما تحز وتبكي"
"قعدن اماني وماما يحزن ويبكن معاهن سامر بس ماقدروش عليه.....قعد يضرب فيا ونا قاعدة تحت رحمته.....ووقف"
بابا يتنفس بعصبية وتعب »» اسمعي تروحي معاه اليوم "وبعياط" فااااااااااهمةةةةةة
انا ببكاء »» فااااهمة فاااهمة
"طلع بابا ورن ع معتصم قاله يجي يروح بيا......اما نا قعدت نبكي ونندب في حظي.....ليش هكي من دون الناس حياتي تعيسة ماشفتش يوم راحه في حياتي ليييش.....بعد ساعه طق الباب طلع معتصم....وتيت روحي ونا نبكي وركبت مع معتصم"
معتصم باستهزاء »» شفتي كيف روحتي بعد تسكيرة راسك
انا ببكاء »» معاش نبيك بعد شهرين نبيك اطلقني
معتصم »» هههههه فوق مانك غلطانة طالبة الطلاق....عليك صحة وجه فيك
انا تحولت نبرتي لعصبية وعياط »» ظلمتوووووووني ظلمتووووني كله منككككككك صدقت خواتك وكذبتني والله العظيم يكذبن والله "وانهرت بكاء"
"قعدنا ساكتين طول الطريق ووصلنا للشقة.....خشيت للحمام قعدت نبكي ونعيط......بكيييييييت بكيييييييت لين طاب خاطري وطلعت من الحمام خشيت لدار الجلوس ضميت المخدة وقعدن ينزلن دموعي ونبكي بدون صوت......لين غفيت ورقدت"
.
.
.
.
.
~~~~~~~~~~~~
عند معتصم...
"مشا لحوش هله لقا خواته متعشيات عندهم.....خش سلم عليهم وهدرز معاهم شوي وصبا بيخش لداره القديمة سمع صوت اخته ايمان تحكي"
ايمان »» ماتخافيش والله توا يطلقها وتشوفي.......لالا تقريبا حرجانه عند هلها.....اها توا تشوفي عطيني شوية وقت بس......تمام مع السلامة "وسكرت"
"التفتت ايمان لقت وراها معتصم.....جمددد الدم في عروقها"
معتصم بعصبية »» في من تكلمي؟
ايمان بخوف وربكة »» ااا صاحبتي
معتصم زاد تعصب »» وعلي من تحكوا؟
ايمان بخوف »» ااااا وحدة صاحبتي
"مسكها معتصم من يدها بكل قوه ولواها"
ايمان بعياط »» اااااااااااااه اطلقنيييييي
معتصم بعصبية »» هاااااااتي نقالك
ايمان تعيط بألم »» اطلقنيييييييي
معتصم بعياط »» قتلك هاتي نقااااالك
"ايمان مداته له....اما معتصم خش عالسجلات لقا اخر مكالمة من امل"
معتصم بعياط »» اللي درتيه بدرررري كله عشان خاطر نطلق امنة ياحقيييييرة "وضربها كف بكل قوته"
ايمان بعياط »» وووووووه عليا ياماااااااماااااا يابسمةةةة ياهدى وووووووه
"مسكها معتصم مع شعرها وقعد يضرب فيها.....خشت امه وخواته يجارن"
امه بعياط »» اطلللللقها اطللللقها ياحيووووان "وقعدت تعيط"
"معتصم طلقها اما امه دفاته"
امه بعياط »» اطللللع اطللللع برررررررا
"طلع معتصم بعصبية وركب سيارته.....تنهد بألم وبكل قوة عاللي داره في امنة ونااااادم اشد الندم"
.
.
.
.
.
~~~~~~~~
عندي....
"نضت وجسمي متكسر....شفت الساعه لقيتها 7....انصدمت معقووولة رقدت المدة هذي كلها....شفت روحي في المراية عيوني متورمات ووجهي شاحب من كثر البكاء......خشيت للكوجينه قعدت ندير في عشاء سمعت صوت الباب انفتح عرفته جاء.....قعدت نحوس في المطبخ وحسيت بحد حضني من لورا"
معتصم »» اسف يا امنة اسف سامحيني عاللي درته فيك والله طلعت غلطان وشكيت فيك
"نزلوا دموعي ع خدي بحرقة ودفيته بكل قوتي"
انا »» حوووووول حوووووول معاش تلمسني فاااااهم نكررررررهك نكررررررهك "وانهرت بكاء"
ضمني بقوة اما نا دفيته بكل قوتي ونا نبكي »» معاش تلمسني....بعد شهر نبي ورقة طلاقي تجيني لعند هنا
معتصم بندم »» اسف سامحيني والله العظيم نادم والله
"خشيت للدار وقعدت نبكي فالدار....مسحت دموعي وطلعت تجاهلته.....حطيت عشاء لروحي وخشيت بيه للدار وسيبتله في الكوجينه.....اما هوا سمعته طلع......مررر الوقت قعدت عالتلفزيون لعند 12 وخشيت لداري رقدت"
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
