معتصم مسك يدي وباسها »» نحبك
انا ابتسمت »» وحتى انا
معتصم فررح »» نعليا وخلاص اقسمم بالله عسلللل ياناس
انا ضحكت »» هههههه بطل عياط
معتصم ضحك »» نجك ليا
"روحنا للحوش قعدنا مقمعزين عالكنبة فالصاله ونتفرجوا عالتلفزيون.....وخذااانا النوووم ورقدنا"
"نضـت الصبح لقيت معتصم راقد جنبي....قعدت نتأمل فيه وفي ملامحه....كان شكله جذاب وشخصية....ابتسمت وقعدت نلمس في لحيته وشعره الناعم وحاسة بشعور غريب.....ناض مسك يدي وباسها"
معتصم ابتسم »» صبـاح الخير
انا ابتسمت »» صباح النور
معتصم تنهد براحه »» تصدقي نا اسعد انسان فالدنيا
انا ضحكت »» ليش؟!
معتصم »» عشان متجوز اجمل واحلى بنت فالدنيا كلها
انا ابتسمتله »» نجك ليا....توا نمشي ندير فطور علي ما انت ادوشت
معتصم »» باهي تعالي قربي نقولك حاجه
"قربت منه وخطف مني بوسة سريعة....ضحكت وصبيت للحمام حشاكم غسلت وتوضيت وصليت الصبح ومشيت ندير في فطور....لقيت الثلاجة معبيةة كل مالذ وطاب.....خذيت بريوش ونوتيلا ومربى وقشطة وتن وجبنة وزيتون ووتيتهن في سفرة وسخنت الشاهي.....صلى معتصم الصبح وقعمزنا في الصالة نفطروا"
معتصم »» احكيلي كيف كانت حياتك قبل؟
انا »» اممم زي شنو
معتصم»»صحباتك....حياتك....روتينك....قرايتك واي حاجه
انا »» امممم عندي صاحبة وحدة من ايام الاعدادي اسمها هناء.....اما حياتي عاديةةةة بكل ديمة عرايك ومشاكل نا وسليم ولا نقال لاتلفزيون لاشئ....مكملة حياتي نقرا وخلاص
معتصم بحت فيا »» معقولة؟
انا »» والله نحكي جد
معتصم »» وعليش مادارولك نقال وعشتي حياتك زيك زي اي بنت
انا »» تبي الحق بابا واعر شوي وسليم كذلك.....بنات عمي عندهن نقالات ونت ومتوفرتلهن كل وسائل الراحه اما نا لا
معتصم »» اهاا....باهي والقرايه
انا »» هههه كنت شاطرة ايام الاعدادي ديمة الترتيب الاول عـ الفصل كله بس لما خشيت للثانوي قل مستوايا قعد جيد جدا
معتصم »» ههههه عكسي نا
انا »» هههه انت شنو
معتصم »» ديمة عرايك وشيطان من انا وصغير وديمة نسقط
انا انصدمت »» معقولة وكيف خشيت هندسة
معتصم »» لما خشيت للجامعة عقلت وقلت ماليا الا قرايتي....انتسبت وقعدت قبل الامتحانات بشهر نجمع المنهج كله ونبدا نقرا بقلب ورب.....لين قعدت ننجح
أنت تقرأ
سجينـة المـاضي
Fiksi Remajaرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
