كنت قاعدة فالكوجينه وعالعصر سمعت صوت الباب طق....مشيت فتحت لقيتها ماما واماني
ماما باستغراب »» امنةةةة كنك....كنه شكلك هكي؟
"خشت ماما جوا هيا واماني.....شافن الشقة حايسة ع بعضها....مافيش حاجه مرتبة وكل حاجه هاملتها"
ماما شهقت بصدمة »» كنها الشقة هكي....وكنك انتي قاعدة هكي متغيرة عن الاول
انا ببكاء »» مش عارفه كني ياماما صارتلي حاله نفسية ديمة خايفة ونرعش وهاملة روحي والشقة
ماما بصدمة »» بالك سحر!!!
انا انصدمت »» سـ سحرررر!!!!!!
ماما بخوف »» اها سحر بالك واحد دايرلك حاجة.....توا نتفق مع شيخ قاعد في نفس شارعنا نمشوله نا وياك بعد تجينا
انا خفت »» بـ باه
"مرر الوقت وقعدن ماما واماني تعشن عندي وبابا روح بيهن....كسدت بروحي فالحوش ومازلت نشوف في حاجات غريبة وتخيلات....سميت بالله وقعدت نقرا في سور والمعوذات....كل مانقرا نحس في حاجه تقرب مني وتخوف فيا....قريت ومسكت فوني وقعدت مكسدة عالنت مع هناء....كملت ومشيت وقفت ع مرايا الممر....كان منظري يخوف....شعري مشتت ودبشي قديم ومش مهتمة بروحي ورايح شكلي يقهررر.....قعدت نبكي وخشيت لداري حاولت نرقد وكانت الساعه 11....ورقدت"
روح معتصم بدري وخش....خش لدار شاف امنة راقدة"
معتصم تأفف »» استغفر الله عليك منظر....منظرها كيف منظر الشحاته
"تنهدت وعزق جاكته ومشا للصالة قعد يحكي بالفون مع وداد"
قعد يحكي ويهدرزو ويضحكو وبعد ساعه سمع صوت امنة تصرخ
وداد »» حبيبي شنوو هذا
معتصم »» استغفرالله وخلاص....صوت المطرشقة قاعدة تعيط
وداد »» شوفها الخرا
"خش عليا معتصم ونا كنت نعيط حلمت بكوابيس يخووووفن....حلمت بأن حد قاعد يخنق فيا ويضحك ونا مقطوع نفسي وقريب نموت...."
معتصم بعصبية»» كنك تصرخي
انا ببكاء »» حـ حلمت حلم يخوف
"طلع معتصم ومدورنيش بكل.....اما نا تعوذت من الشيطان وحاولت اني نكمل نومي......تمددت نبي نرقد ونسمع في صوت ضحك في الصالة....تسللت بشويش للصاله وانطمرت"
معتصم بضحك »» ههههه لا هذي المطرشقة حلمت قالت.....نعليا منك وحتا نا نحبك.....اهاا تمام توا نتلاقو اكيد
"انصدمت والدم فعروقي جمدددد....معقولة وصلت بيه الوقاحه والحقارة لهدرجه.....رقيتلي وفقدت اعصابي وخشيت عليه فالصالة"
انا بعياط »» في منووووو تكلم!!!!!
معتصم انصدم »» ا انتي شن جيبك هنا
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
