مروا سنـتـيـن وكانوا اصعععععب سنتين مروا عليا فحياتي....
توفااااا بابا قبل سنه بجلطة......ياما بكينا وياما عيطنا وياما درررنا....فقدنا الاب اللي ربانا ونحنا صغيرات.....فقدنا الاب اللي كان مش منقص علينا ولا حاجه....فقدنا الاب اللي كان يشتغل ليل ونهار بيش يعيشنا......اكثرررر وحدة بكيت وعطيت نا.....طول السنه ونا مهتمة بيه وبصحته وتغيرت وااااجد معاه.....بابا اللي كان قاسي معايا قعددد حنوووون ومايحملش فيا شئ ومايصبرش دقيقة في غيابي
مهما كان بوك ولا امك قاسي مستحيل تكرهه.....الاب والام نعمة لاتعوض 💔💔
امس بابا سكر سنتين ع وفاته....ياما بكينا وعيطنا بس الحمدلله هذا مقدر ومكتوب.....
تخرجت من الجامعه بتقدير ممتاز وكان خاطري بابا يكون عايش ويفرح بيا ونرفع الناس بـ بابا اللي رباني بس فقدددته وااااجد
هناء ومروه تجوزن اما اسمهان مخطوبة.....اما نا حالتي ماتغيرتش
اماني تجوزت هيا وسليم قبل شهرين....درنا عرس عادي
اماني نجحت لثالثه ثانوي وتجوزت اخ صاحبتها اسمه منير وكان معجب بيها وهيا نفس الشئ....اما سليم تجوز هداية وبنى شقة فوقنا
انتصار حاليا عندها ولدين وبنت....زياد وزيد و زينب
ماما تغيـرت نفسيتهـا للاسوأ بعد وفاة بابا......انطفت الابتسامة من وجها وديمة كئيبة وحزينة....من حقها تزعل....فقدت زوجها وحبيبها واللي عاشت معاه العمر كله وسندها وقت الضيق.....
بعد تخرجي تغيرت....قررت اني نسكر ع موضوع الزواج بالكامل ونرفض اي حد يجيني.....تعلمت السواقة ودرت سيارة....في البداية ياما دار سليم بس سكرت راسي وفالاخير درت.....طبعا مانحكيلكم ع كلام الناس 💔....مطلقة وعندها سيارة وتسوق وتخدم ووووو.....مادورتش حد وحبيت نركز في حياتي وننسا كلام الناس.....قعدت نخدم ابلة في روضة وكان عاجبني شغلي واجددد
وهذا اللي صار في خلال السنتين هذين..
.
.
.
.
~~~~~~~~~~~~~~
الصبح....
ماما »» امنة امنةة نوضي
انا بكسل »»» همممم
ماما »» نوضي هيا بيش تمشي لشغلك
انا نضت »» حاضر
"نضت وبوستها وخشيت للحمام توضيت وصليت الصبح....فطرت نا وماما وقعدنا نهدرزوا.....صبيت ووتيت روحي.....لبست بالطو شتوي لان كان شتااااء ومطررر....خذيت كتاباتي وولعت السيارة ومشيت"
وصلت للروضة نزلت وخشيت لحجرة الابلات....سلمت عليهن وقعدنا نهدرزوا ونضحكوا وتعرفت ع بنات جدد....نور...ميار....نوال....جابتلنا نور كاكاو ساخن"
نور »» ووووه الجو مصقعع
انا »» بكل خلاص شتاء عالابواب
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
