بابا بحت فيا وبعياط »» صااااااح الكلااااام هذااااا ولالا؟؟
انا ببكاء »» و والله نحـسابه يـ يرجا فيا بالسيارة برا
"فك بابا سيره من السروال وجاني يبي يضربني وماما تعيط وتدافع عليا"
انا بعياط وبكاء »» لااااااا ياباااااابااااا لااااااا
"قدم مني بابا وقبل يبي يضربني بس جت ماما قدامه"
ماما ببكاء »» خلاص ياعلي خلااااص
"دف بابا ماما وقعد يضرب فيا ونا نعيط....ضربني ضرب اقسم بالله كسر جسمي تكسير وسيبني وخش للدار سكر ع روحه الباب....اما سليم طلع برا "
جيت لـ ماما واضبطتها وقعدت نبكي »»
حسبيييي الله ونعم الوكيل الله لايسامحكم
ماما ببكاء »» اسس راه يسمعك بوك يرد عليك
"خشيت للدار وارتيمت عالسرير وقعدت نبكي ونشهق بصوت عالي ومافطنتش لشئ الا ودخت رقدت"
.
.
.
.
~~~~~~~~~~~~~~~~~~~~~~~
فـي مكان آخــر...
"قاعد مرتمي عالسرير وحاط يديه ع عيونه ويدخن ويذكر في كل كلمـة قالها لها ع رنـة فونه"
هو بصوت تعبان »» الوو
:- حبيبي كيف حالك؟
هو بنفس نبرة الصوت »» اسمهـان والله مش وقتك!!
هي بزعل »» لييش شن درتلك؟
هو تنهد »» متضااايق وتعبااان فوتيني توا
"سكر وعزق نقاله وقعد يذكر في كلامها واتـرجا فيه انه مش لعبـة منه ويبصـر معاها....لما صارحها بالحقيقة قعدت تبكي وتتحسب عليه" :-
"هههه تبصرر صح؟....ورااااس امك قووولي نبصرر 💔"
"حسبي الله ونعم الوكيل فيك....3 سنيـن مع بعضنا وتوا قتلي الكلام هذا....حسبي الله ونعم الوكيل فيك الله لايسامحك 💔"
تردد فوذنـه الكلام هذا اكثـر من مرة...صوت بكاها وشهـقاتها مازال يسمع فيـه ويحلم بيه كأن كـل شي صار امس...
.
.
.
.
~~~~~~~~~~~~~~~~~
4 العـصر...
"نـضت ومشيت للحمام لقيت عيوني حمر ومتورمات من كثـر البكاء وشعري مشتت ومش منظم....تنهدت وتوضيت وسرحت شعري ورديت لداري....صليت العصر ورديت قعمزت عالسرير ع خشـة اختي اماني"
اماني بفرحة »» ياامنة انتصار قاعدة تحكي مع ماما عالنقال وقالت تبي تحكي معاك!
انا بهدوء »» باه
"مشيت للصاله لقيت ماما واماني يحكوا مع اختي انتصار،....اول ماشافتني ماما مدلتي الفون"
انتصار »» الو موووني راايفتلك شن اخبارك وشن دايرة؟
انا بهدوء وبصوت مبحوح »» تمام الحمدلله وانتي؟
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
