.
.
.
.
مــادام نـاوي تـرحـل............لا لا مامجبـــور 💔
معـاك اكمل عمر وادري.......الحـــب ضايع بيك.......يارييييت الله لايهــديني لك واشتــــاق
ومــن عســى ربي علـى احضانـــي
ولايهــــــديك
الحـــب ماهــــو سلعـة!!
فيــه تشــتـري وتبيعــه....
الحـــــب فرصــــة حلـــوة.....وتعـــودت تضيعهــا
"طفيت النقال ونا نبكي بالعبرة علي كل شـي.....علي السنين اللي ضيعتـهن فحبي له.....عالعذاب اللي تعذبته عشانه لما بابا مسكني نحكـي معاه وضربني وكسرني تكسير وخلاني نبـات فالمخـزن في عز الشتـاء والمكان ظلمـة.....تصدقوا في هذيك الساعه مابكيتش وكنـت صابرة ومتحملة لان كـل حاجه تهـون عشان ماهر....كنت نرجا فيه بالساعه وبالدقيقـة وبالثانية بيش يرن عليا ونسمع صوته......كنت حـاطة امل انه يخطبني ونتجوزوا ونعيشوا احلا حيـاة.....في حياتي مازعلته ولا درت حاجه هو مايبيهش ولا عـاندته وكل حاجه عشان حبي ليه.....تذكرت زمـان كيف بابا يضرب فيا وكنت حاطة امل انـي نتجوز ماهر ونفتك من كل هالعذاب......بس!!!!......كل شي تحطم.....كل احلامي تلاشن في كلمة وحـدة قالها......"نصــــــــــيب"......ااااااه وخلاص......موعـرها من كلمة.....ياما فـرقت بين وحدين وااااااااااجد ووااااااجد بكل وكنت نا ضحيـة الكلمة هذي لسبب غير مجهول......ياما ترجيته عشان يقولي لييش يبي ينهي كل حاجة بهالسرعه وبدون سبب.....ياما تعذبت وياما بكيت وياما سهرت الليل ونا نبـكي بالعبرة علي حد مش نصيبي.......قعدت فالدار نبكـي ونبكي ونشهق بصوت عالي ع طقة الباب....مسحت دموعي في اقل من ثواني وخشت انتصار"
انتصار »» مووني تعالي تعشي
"كنت دايرة وجهي للجهة الاخرة وعاساس قاعدة ع نقالهـا وملتهية فيه....مكنتش نبيها تشوف اثار البكـاء وهو نفس السبب....النصيــــب
انا بهدوء »» اا تمام اسبقيني ولاحقتك
انتصار »» تمام
"طلعت انتصار ونا مسحت دموعي وماحبيتش يبان اثار البكاء فيهن....حطيت وشاحي وطلعت وتعشينا نا وانتصار اما سليمان متعشي برا مايبيش يضايقني ولايقيدني"
انا »» نوني نسألك؟
انتصار »» شنو حبيبتي
انا »» مفيش حاجه "وغمزتلها"
انتصار »» هههه للاسف مازال....مازال ماراد ربي
انا »» الله بعدها خاطـري نجرب شعور الخالة
انتصار »» ههههه نبيك تربيهن انتي راه بناتي
انا باستغراب »» لييش
انتصار مسكتني مع خدودي »» نبيهن يطلعن نفس خيتي الصغيرة سمحات ودلوعات ومن ابسط حاجه يبكن
انا تحشمت »» ههههه نجك ليا
"تعشينا وكملنا.....رفعنا السفرة وغسلناها ودارت انتصار شاهي وكاكاوية....قعمزنا فالصاله وقعدنا نهدرزوا"
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
