الصبح.....
"لبست ووتيت روحي ومشيت للمدرسة مع سليم.....خشيت للفصل سلمت ع هناء وانصدددددمت باللي شفته!!!!!!!!
اسمهـان وجهـا متغييير....منسوود وعيونها متورمات وحمر ووجهـا كئيب ودبشها مبهدل....قعدت متنحه ونبحت فيها لين بحتت في بكل برود!....خفت وقعمزت مع هناء"
انا »» هناء كنهااااا اسمهاااان؟
هناء تنهدت »» اسمهان.....سيبها ماهر فسخ الخطبة
انا بصدمة »» كـيف؟!!
هناء »» سيبها ماهر امس...حكتلي رويدة قالتلي ياما دارت وبكـت وقصت حتى شعرها
"سكتت"
هناء كملت »» امنة....هذا جزاتهم اللي داروه فيك....شوفي كيف ربي يمهل ولا يهمل.....نسيتي الايام اللي ماكليتي ولا شربتي فيهن ونسيتي البكاء اللي بكيتيه والمرض والتعب اللي تعبتيه....نسيتي كيف ماهر قالك بدون سبب انه يبي يسيبك ويخطب بنت عمه....نسيتي اسمهان لما تكبرت علينا وحرجاتك قدام البنت....وتوا شوفي شن صار فيهم
"قعدت ساكتة ودموعي بدن ينزلن....معاش عرفت نبكي ولانضحك....نبكي ع حـظي وحياتي ومستقبلي ولا نضحك ع اسمهـان وشن صار فيها ونشمت فيها"
.
.
.
.
~~~~~~~~~~~~~
عنـد ماهر...
"كان قـاعد في داره مقعمز ع سريره وماسك النقال في يده بملل وطق الباب"
ماهر »» تفضـل
بوه خش »» عادي نحكي معاك كلمتين
ماهر باستغراب »» تفضل
"قمعز بوه جنبه عالسرير وعم الصمت لدقائق واخيرا تكلم"
بوه »» سامحني ياوليدي عاللي درته فيك...غصبتك لبنت عمك عشان مصلحتي وتقسيم الارض وانت متبيهش....كنت ديمة حاس روحي ظلمتك ومانرقدش الليل ونا نفكر فيكم بس نقول توا بعد الزواج يتعودوا علي بعضـهم....حسيت روحي ظلمتك واجد وبعد مافسخت اسمهان عرفت بقيمة الشي اللي درته "ونزل راسه بحزن"
ماهر تنهد »» خلاص ياباتي اللي صار صار ونا مش شايل عليك ولا زعلان منك....الله يسامحك
بوه »» وكان عالبنت اللي كنت تبيها والله من اليوم نمشوا نطلبوها لك
ماهر ضحك بحزن »» لا خلاص اللي بيننا انتهى!
بوه يلوم في نفسه »» بسببي نا صح؟
ماهر »» لا اصلا ماكناش متريحين من الاول ومكنتش نبيها
بوه تنهد »» براحتك "وطلع"
ماهر ضحك »» ههه خسـارة يا امنة ضيعتك من يدي 💔..صدقيني لاعمري نسيتك ولافيوم حننساك الله يسامحك ياباتي وخلاص
.
.
.
.
.
.
~~~~~~~~~~~~~~~~~~
بعد مرور اشهـر
انخطبت لـ معتصم رسمي لاكن لانحكي معاه ولا يحكي معاي الا فالزيارات بشرط مني طبعا وحتى بابا وسليم شرطوا عليه تلفون لأ الا بعد الفاتحه......قاعدة نحاول نقبله ونتعود عليه لكن مقدرتش اااااه وخلاص....اساسا ماحولتش نتقبله....صح نسيت ماهر بس مزال فيه ذكريات في بالي مستحيل ننساهن......نسيت نقوللكم اني نجحت وبتقدير ممتاز نا وهناء....اسمهان سمعت عليها انها انخطبت لولد خالتها.....ماهر اخباره انقطعن عني وماسمعتش عليه اي حاجه....انتصار توا حامل فالشهر السادس بولد وهيا وسليمان الفرحة مش سايعتهم.....العرس اجله معتصم بعد سنه....اي بعد ننجح لسنة ثانية
.
.
.
.
"اليوم اول يوم فالجـامعه وطبعا يوم تنزيل المواد.....لبست عباية واسعة وطويلة ووشاح ليكرا اسود ولبست دبلتي والغصة فرقبتي....فطرت مع هلي وشالني بابا للجامعه.....بابا نقدر نقول تغير نسبيا بعد ما انخطبت ممكن لانه كان شايفني علة علي قلبه بس توا تخلص منها"
أنت تقرأ
سجينـة المـاضي
Roman pour Adolescentsرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
