نضت ثاني يوم وانا متحمسة نمشي للروضة.....مشيت خشيت لحجرة الابلات قعدت نهدرز معاهن ومرر الوقت قعدت نعطي في حصة طق الباب"
انا »» تفضل
خش الشاب معاه خوه الصغير »» اسف عالتأخير
انا ابتسمت »» عادي ولايهمك
الشاب حب يفتح موضوع »» اا قوليلي شن اخباره معاك
انا »» اا تمام كويس قعد يلعب مع العيال الصغار واختلط بيهم واجد
الشاب »» اها....لو ممكن في فرصة نتلاقا معاك؟
انا باستغراب »» نعمم؟
الشاب ارتبك »» قصدي نبي نحكي معاك بعد يكمل الدوام في موضوع
انا خفت »» اسفه منقدرش
الشاب »» والله دقيقة وحدة بس
انا »» توا نشوف
"طلع الشاب ونا كملت حصلتي ونفكر في كلامه....شن قصده وشن يبي بالزبط....قعدت محتارة وطلعت للفصل خشيت لحجرة الابلات ونا شاردة"
نور »» كنك امنة؟
انا انبتهت »» اااه كني؟
نوال ضحكت »» علي واخذ عقلك
انا ابتسمت »» صدقيني مفش ولا رح يكون
ميار »» امممم توا نشوفوا
"طلعت قعمزت في الساحه نشوف في العيال الصغار وهما يلعبوا....كانت فيه نسمة ريح بارده....قعدت نشوف ونفكر بيني وبين روحي....زعما نفكر في روحي ونتزوج....صح مازلت صغيرة والف واحد يتمناني بس كرهت الزواج.....اااااه وخلاص"
كمل دوامي وطلعت نبي نركب في السيارة حسيت بحد مسكني من الخلف....حط منديل ع فمي وخشمي حاولت نعيط بس مقدرتش ومعش فطنت لروحي...."
نضت لقيت روحي في دار ومكتفة علي سرير قعدت نعيط ونبكي"
انا بعياط وبكاء »» ياهووووو ياناااااااااس ساعدوووووووووووني
"خش واحد مع الباب والكاررررررثه شفت وجهه....معتصم طليقي 💔"
انا بخوف وبكاء »» شـ شن تبي مني!!
معتصم قرب ومسحلي ع شعري »» تحسابيني نسيبك ونسيتك كل هالسنين....امنة نا نحبك عطيني فرصة بس
قعدت نبكي »» اطلقنييي اطلقني حرااااام عليك خليني في حالي
معتصم »» ماااازززلت نحبك افهمي عطيني فرصة توا نصحح كل حاجه ونعوضك ع كل شئ درته
انا بعياط »» مانبييييكش نا مانبيييكش اطلقنييييي
معتصم ضربني كف بكل قوته »» مستحيييل تكوني لغيررري فااااااهمة
"حسيت مكان الكف حررررق فيا وقعدت نبكي....اما هوا طلع.....ماكنتش ناقصة غير معتصم بعد كل هالسنين"
أنت تقرأ
سجينـة المـاضي
Ficção Adolescenteرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
