مـرن ايام وقرب العرس....قعدنا نطلعوا نا وماما واماني يوميا وكل يوم ناخذوا حاجه عشان البتات.....انتصار جابتلي شوية حاجات ومرة مرات تمشي معايا هناء
نحكـي مع معتصم يوميا والحق تريحتله ونسيت ماهر.....نمشي للجامعه مرة مرة ومعتصم يجيني شبه يوميا...
.
.
.
.
يوم الخميس....
"تغدينا وعـ العشية مشينا نا وماما للسوق مع بابا.....نزلنا ع محـلات الملابس خذيت دبش حوش وطلعات وارواب وحاجات اخرة....عجبني فستان كان يهبللل....ذهبي طويل بكمام ومعاه كعب ع نـفس اللون....وريته لصاحب المحل
انا »» معليش بكم هذا؟
صاحب المحل »» بـ 1000
"انصدمت من السعر وسيبته بس الحق كان خاطري فيه....مشينا نا وماما لمجموعه محلات اخرة ومشينا لمحلات مواد منزلية وشريت اماعين والات مطبخ وحاجات......
روحنا للحوش رتبت الحاجات وقعدت نفكر فـ القراية وشن ببصير فيها....يعني سنتين ونا متجوزة واجد هكي وتقييد ومسؤلية كبيرة.......رن عليا معتصم
انا »» الو
معتصم »» ايوه عيوني مشيتي للسوق
انا »» اها مشيت
معتصم »» احكيلي شن شريـتي وشن درتي؟
انا »» "قعدت نحكيله شن شريت وقعد يسأل فيا ناقصاتني فلوس ولالا....مرررر الوقت وتعشينا وقعدت نقرا في امتحانات نصفية ورنت عليا هناء هدرزنا شوي ورقدت"
"مروا ايام ومشيت للجامعـه....قعدت نمشي وندور في هنـاء شفت ماهر قاعد يبحت فيا....نزلت راسي وقعدت نمشي بسرعه وهو يمشي وراي"
ماهر »» امنة امنة!!
"قعدت نمشي ومش مدورته وقلبي يدق من الخوف خايفة يشوفني معتصم....قعدت نمشي وهو يمشي وراي مسك يدي 😳"
انا طلقت يده »» حـ حـ حووول شن تبي؟!!!
ماهر يتنفس بقوة »» امنة نبي نقولك كلمتين اسمعيني!!
انا »» ماهررررر خطاني مخطوبة نا توا
ماهر »» امنة نا اسف....اسف علي كل شي درته لك ولله حتى الليل مانرقده ونا نفكر فيك.....ضميري يأنب فيا لاني سيبتك اسف يا امنة اسف سامحيني بالله عليك
انا عيوني تعبن دموع وتأثرت »» بعد شنو!!
"مشيت بسرعه ودموعي شلال....مشيت لقيت هناء وانصدمت بمنظري"
هناء بصدمة »» امنة كنك بسم الله!!!
انا ببكاء »» بعد شنووو يا هناء جاي يتعذر ويقول سامحيني بعد شنو....بعد الايام اللي تعذبت فيهن وبعد كل حاجه دارها فيا جاي يتأسف "وانهرت بكاء"
هناء تأثرت واضبطتني »» خلاص اششش ياعيوني معاش تبكي....فوتيه حقير والله مايستاهل كل اللي درتيه....عيشي حياتك وردي بالك تفرطي بمعتصم عشان حقير زي هذا ردي بالك يا امنة
أنت تقرأ
سجينـة المـاضي
Dla nastolatkówرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
