"قعدنا نهدرزوا شوي ومعتصم طلع اما نا فتحت نت قعدت نحكي مع هناء"
هناء »» موني معتصم قاعد
انا »» لالا عليش
هناء »» استني شوي
"ودزتلي صور شفتهن وانصدمت!!"
"صور عرس ماهر ماسك يدها وصورة اخرة يقصوا في التورتة والصورة الثالثه يبوس فيها.....مش عارفه شن صارلي حسيت بشعور غريب تنهدت بحـزن ومسحتهن"
انا دزيتلها »» ربي يهنيهم ويسعدهم
هناء »» ان شالله ربي مايهنيهم....بعد كل اللي داره فيك مازلتي تدعي عليه بالخير
انا رديت عليها »» الحمدلله ربي عوضني بواحد خير منه اما هوا منه لربي
هناء »» بجد انتي طيبة
انا »» 💔💔
هناء »» مستغربة في حاجه....كيف اسمهان اللي كانت تحبه وخطيبته توا معتبرته زي خوها وفرحانه وتضحك في العرس ولا كأنه كان خطيبها ولا كأنها كانت تحكي عليه
انا »» اسمهان زمان ماحبتش ماهر ولا عمرها حباته غير انخطبت وهي صغيرة ركب فيها الغرور وقعدت هكي بس لما كبرت وعقلت عرفت معنى الحب ولقت اللي يحبها وتحبه واما ماهر قعد زيه زي اي ولد عم
هناء »» فعلا
"قعدت نحكي مع هناء وسكرت....كسدت بروحي مشيت للكوجينة درت كيكة وحطيتها في الكوشة....طلعت للبلكوني قعدت نتفرج عالشارع ورن الجرس مشيت فتحت الباب..
وداد بدلع »» اهلا
انا باستغراب »» اهلين
وداد »» مفيش تفضلي
انا »» اا تفضلي تفضلي
"خششتها للصاله وقمعزت"
وداد »» ماشالله شقتك حلوة
انا بمجاملة »» تسلمي
وداد »» ممكن تفرجيني عليها
انا »» باه هي
"صبيت فرجتها عالشقة وخشينا لدار النوم"
وداد »» واااااو تهبللل
انا »» هذا من ذوقك
وداد »» ريحة حاجه محروقة؟
انا انصدمت »» هيييي نسيت عالكيكة "ومشيت نجري نشوف فيها"
"اما وداد رفعت مخدة معتصم وحطت تحتها صورتها في عرس وهيا لابسة قفطان سهرررة قصير وضيق....طلعت للصالة وقمعزت.....بعد شوي ضيفتها كيكة وعصير وروحت....استغربت من جيتها بس مدورتهاش"
"روح معتصم وقعدنا نهدرزوا وكلينا شوي من الكيكة ودسيتها.....رن نقال معتصم"
معتصم »» ايوا عبدالله.....تمام الحمدلله....لالا ماتعبش روحك ياراجل.....حاضر توا نجو "وسكر"
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
