بعد نص ساعة.....
"خشت السيارة للحي اللي لطالما كرهته وكرهت كل حاجة فيه.....وصلنا للحوش ونزلنا طقينا الباب وفتحت ماما....اول ماشفتها ابتسمت واضبطتها بكللللل قووووووووة.....سلمت علينا وخشينا جوا ونا مبتسمة وعيوني تدور ع اماني وسامر.....من اول ماجت عيني عاللي قاعدين فالصاله تلاشت ابتسامتي تلقائياً!!"
"بحـتت في عيت عمي ابراهيم والصدمة واضحة ع وجهـي واللي استفزتني اكثر انه مالك قاعد مع سليم ومقمعزين وجت عيني في عينه....تقدمت وسلمت عليهم"
انا »» كيف حالك ياعمي
عمي ابراهيم »» ماشالله ماشالله تمام الحمدلله وانتي؟
انا ببرود »» الحمدلله
"سلمت ع مرت عمي ابتسام وخطمت من جنب مالك وفتته.....مالك هذا ولد عمي وعمره 19 سنة يعني اكبر مني بسنة....مالك يدحنس وداير روحه يبيني اما عمي ديما يقول مالك لـ امنة وامنة لـ مالك بس نا رافضه ونكرهه من ونحنا صغيرين
بدلت دبشي وطلعت قعمزت وهدرزت معاهم شوي وضيفناهم شاهي وشوية موالح....ومشيت للكوجينه"
مالك »» اا نا ماشي للحمام
سليم »» خوذ راحتك
"كنت قاعدة فالكوجينه نشرب في اميه وخش علي مالك"
انا ببرود »» نعم شن تبي؟
مالك »» نبيك انتي
انا »» خطااااااني فوووتني
مالك قرب مني »» افهمي نا نحبك انتي وبس....انتي وبس
انا ضربته بكف بكل قوتي »» ياحقير ياحيوان تحاول تقرب مني تفوووه
"طلعت وراقيتلي اما هو حط يده ع مكان الكف وابتسم بحقارة"
"طلعت قعمزنا معاهم والرجاله مشوا للمربوعه اما نحنا الصبايا قعدنا في الصالة ونهدرزوا ومشا الجو لعند تعشينا وروحوا عيا عمي وانتصار.....تنهدت براحة وتمنيت معاش يجونا لاني نكرههم بالدم....خشيت لداري ورقدت"
.
.
.
.
~~~~~~~~~~~~~~~~~
7:00ص
"رنت ساعه المنبة اللي حاطتها فوق راسي.....سكرتها ونضت بكسل خشيت للحمام توضيت وصليت الصبح وخشيت للكوجينه لقيت ماما ادير في شاهي"
انا ببتسامة »» صباح الخير
ماما بنفس الابتسامة »» صباح الانوار
"قعمـزت وجابتلي شاهي وحليب وقعدت نشرب وماما سمعتها قالتلي كلمة وقعدت نشرق في الحليب ونكح بقوة"
ماما بخوف »» بسمم الله بسم الله
انا وقفت وتنفست بقوة »» شن قلتي؟
ماما »» اليوم ماشيين لعيت جدك عشان حنك مريضة
انا »» فوتي ياماما مانبيش وانتي عارفه اني نكرههم عيت عمي وماصدقت جونا امس
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
