معتصم ابتسم »» طالعه سمحه
انا بخجل »» تـ تسلم
معتصم »» امنة نبي نقولك حاجه!
انا باستغراب »» شنو؟
معتصم »» عارف انـك متبينيش نحكي معاك وهكي بس افهميني....عمرك شفتي خطيب ماحكاش مع خطيبته؟....عارفك مزلتي مش متقبلتيني بس مع الوقت توا نتعود عليك واتعودي عليا
انا »» تمام
"فتح معتصم الشكارة طلعلي منها دبدوب احمر صغير يهبلل ومعاه ايفون ذهبي يجنننننن وسلسلة فضة مكتوب عليها اسمي"
انا بخجل »» عليش تعبت روحك
معتصم ضحك »» هههه لاتعب لاشي مافيش حاجه تغلا علـيك
"قعدنا نهـدرزوا وبديـت نتقبله نوعا ما ...شرط عليا اني نلبس عباية في الجامعه ومانختلطش بحـد من اولاد عمي ، اساسا نا مانختلطش بيهم"
"مـر الوقت وروح معتصم وخشيت جوا وقابلتني اماني وانتصار"
انتصار بفضول »» شن صار؟
انا باستغراب »» شن يبي يصير
اماني »» كذا النقال "ومسكاته" هييييي يهببللل روعه
انتصار بصدمة »» فعلاااا يجنن
"خشيت للدار قعدت نبدل فـ دبشي خشت انتصار"
انتصار »» شن حكيتوا؟
انا بملل »» عادي ماحكينا شـي....حكالي شوي عن حياته وعن طبيعة شغله واهله وشرط عليا نلبس عباية ومانختلطش بحـد
انتصار »» باهي شن رايك فيه؟
انا نزلت راسي »» عادي يعنـي....هكي كويس ودمه خفيف ويخش للقلب طول
انتصار بفرحة »» لولولولولـ"وقطعت عليها"
انا »» اسسسس يسمعونا
انتصار »» خليهـم يسمعوا....المهم جيبيلب فونك نعلمك عليه قبل مانمشي
"قعدت انتصـار تعلم فيا عالفون الجديد ونا راسي مسكـررر نطووول مانستوعب...بعد نص ساعه واكثر شبه فهمته وعرفت نفتح عالنت ووصلتني رساله وانتصار جنبي"
(انشالله يكـون عجبك النقال الجديد....وقت ماتفضي رنـي عليا نهـدرزوا شوي)
انتصار »» ههههه حييي حييي عالجو
انا بغباء »» شن نرد عليه
انتصار بملل »» اوووف عالمسكرة ياربي....اكتبيله......
رديت عليه وكتبتله :
(اكيد عجبني يهبللللل...حاضر توا نرن عليك وقت مانفضا)
.
.
.
.
"مـرر الوقت وروحت انتصار ومشيت قعدت نهدرز مع ماما فالكوجينه وقعدت تنصح فيا"
ماما »» امونا نقالك ديمـه خليه معاك ولا في دارك وردي بالك تطلعيه قدام بوك ولا سمير عشان انتي عارفه انهم ماقبل وافقوا فمابالك تطلعيه قدامهم
أنت تقرأ
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
