نضت الصبح وحاسةة روحي متريحه نوعا ما.....توضيت وصليت الصبح لقيت ماما وبابا فالكوجينه يفطروا
انا »» صباح الخير
بابا، ماما »» صباح النور
"نوعا ما حسيت بابا متغير....او بالأحرى تغير بعد خطبتي لانه عرف روحه افتك مني...."
ماما »» تعـالي ياموني اشربي حليب
"جيت قعمزت جنبها قعدت نفطر وبابا وماما بهـدرزوا....نـاضت اماني وسامر فطروا وقعدوا يلبسوا"
بابا »» امنـة سجلناكن فـي حافلة انتي وهناء ومن بكرا تبدوا
انا فرحت »» تمام
"مشيت لداري ووتيت روحي لبست عباية سودة ووشاح اسود وكاويش احمر وشنطه بنفس اللون.....بحتت لفوني لقيت رساله من معتصم"
(صبـاح الورد ياعيوني....ماشي توا للعمل....ديري بالك ع روحك كويس في الجامعه وممكن نجي غادي)
"رديت عليه"
(صباح النور....حاضر وحتى انت)
"وتيت روحي ومشيت مع بابا واماني وسامر......اما سليم معاش يروح الا اخر الليل واقل شئ يمشي مرة فالاسبوع للمدرسة"
"وصلت للجامعه ورنيت ع هنـاء ومشيتلهـا.....قعدنا نهـدرزوا ونقروا مرة مرات وجن بنتين مش غريبات علينا"
البنتين »» اهلا
نا وهناء ركزنا فيهن وعرفناهن....اسمهان ومروه 😳
انا »» اهلين
هناء »» اهلين وهلين
اسمهان »» هههه عرفتونا؟
انا »» اسمهـان ومروه صح؟
مروه »» ههههه صح
هناء »» وااااو بعد كل هالمـدة وين مغيبات وشن صار فيكن
اسمهان قمعزت »» هذا ياحنه نجحنا جيد جدا انا ومروه....كنت مخطوبة لولد عمي وسيبني وتوا مقرية فاتحتي ع ولد خالتي
مروة »» وانـا كان ولد عمتي عاطي فيا كلمه بس ماتريحناش فسخنا
انا »» اها ماشالله
اسمهان »» وانتن شنو جديدكن؟
هناء تكلمت »» امنة توا مخطـوبة وعرسها قريب ، اما نا مازلت سنقل ههههه
مروه »» نفسي هههههه
اسمهان »» ماشالله
"قعدنا نهدرزوا وحسيت اسمهااااان متغييييييرة واااااااااجد....يعني قبل كانت متكبرة وحقيـرة ومش شايفة حد قدامها....اما توا متواضعـة وبشوشة وتضحك....خذينا ارقام بعضنا ومشينا نا وهناء حضـرنا المحـاضرات....
.
.
.
.
~~~~~~~~~~~~~~~~
بعد مـرور اشهـر...
أنت تقرأ
سجينـة المـاضي
Fiksi Remajaرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
