الحلقة 13...14
بعنـوان (ذكريات الماضي)
(ربي اني احببته ووحدك انت من حببني به ❤
اللهم اني اعوذ بك من قهرا يؤلمه
ومن هم يحزنه
ومن فكر يقلقه
ومن شخصا يحمل خبثآ له )
"ابتسمت وبحتت للساعه لقيتها 11....طق الباب بقوة دسيت النقال بسرعه وخش عليا"
:- امنةةةةةةةةة
"فتح الباب بقوة وخش ونا مصدووومة"
سليم »» ديريلي حاجه ناكلها
"بحتت فيه بحقـارة وقتله بـه....طلع وبحتت للنقال لقيت معتصم مازال ع الخط"
انا »» اا الو
معتصم »» مـن خش عليك؟
انا »» سليم خوي
معتصم »» كـنه يهزب
انا »» فوته حمااار طبعه هكي من يومه
معتصم »» غير را يقعد يضرب فيك ولا يجي شورك
انا »» اا لالا
"قعدنا نهدرزو شوي وسكرت....درت فطور ورديت لداري قعدت نقرا شوي في شيتاتي.....خطرت عليا هناء لما قالتلي عرس ماهر بعد شهر....تنهدت وحاولت معاش نفكر فيـه.....خلاص من يوم وغادي معاش نفكر ف حد غير معتصم...راجل شاريني ويحبني حرام نخسره ونفكر بغيره"
.
.
.
.
.
.
~~~~~~~~~~~~~~
معتصـم...
حكيـت مع امنة وسكرت.....مش عارف ليش حبيتها الحب هذا كله من اول ماشفتها..، حبيت شكلها وروحها واسلوبها وكل حاجه....عارف مازال ماحبتني ومن حقها اصلا خطبتنا جت بسرعه....بس صدقيني يا امنة مع الوقت توا تحبيني
خشيت للحمام "حشاكم" درت دوش ولبست عربي وتعطرت
"خشيت للكوجينه لقيت امي"
انا »» امي ماتبيش حاجه
امي »» سلامتك ياوليدي....شخبار خطيبتك
انا ضحكت وحطيت يدي عـ شعـري »»
تمام الحمدلله
امي »» سلملي عليها
انا »» يوصل....هي بالسلامة "وطلع"
امي »» مربوحه "تأففت بنرفزة وخشت جوا"
"طلعت رن نقالي رقم غريب....ركبت السماعات ورديت"
انا »» ايوه؟
الرقم »» هلا معتصم
انا »» اهلين من معاي؟
الرقم »» معقولة ماعرفتنيش....نسيت حتى صوتي 💔؟
انا عرفتها وتنهدت »» فوتيني يابنت الناس
الرقم »» بس نا نحبك وعـارفة حتى انت تحبني بس تكابر
انا بعصبية »» فوتينيييي بعد كل اللي درتيه تبيني نردلك.....توا خاطب ونحبها ونموت فيها ومافيش وحدة تملا عيني غيرها فاهمة!!....، توا هيا وجك
أنت تقرأ
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
