مرن ايام واجد لانحكي مع معتصم ولايحكي معايا.....كل مايحاول يقرب مني نصده....بعد ما مل من المحاولات معاي فاتني بكل.....بديت الامتحانات وقعدت نسكر ع روحي ونقرا في الدار ولعند توا نحل تمام.......خواته ماشفتهنش بكل ولا هنا شافني......وهذين اهم الاحداث"
4:30 العشية....
"كنت قاعدة في داري ونقرا رن فوني ولقيتها انتصار رديت عليها"
انا »» الو نصو شن جوك
انتصار »» خيرات شن جوك وجو معتصم
انا تنهدت »» تمام
انتصار »» مازلتو نفس ما انتو
انا »» اها
انتصار »» عطيه فرصة يا موني حرام مخليته هكي
انا تنهدت »» مستحيل يا انتصار....مادام من اولها هكي شن حيدير بعدين....ليش يكذبني ويصدق خواته ونحنا ماسكرناش شهر مع بعضنا....مش واثق فيا من بدايتها
انتصار »» باهي حاولي
انا تعصبت »» كله منككككم اصلا اي حد يجيني تعطوني له زي الكلبة....مش قلتيلي من قبل وافقي وياما درتي فيا وقلتيلي انسيه ماهر ووافقي ع معتصم....شوفي شن صار فيا توا
انتصار بزعل »» حطيتي اللوم عليا توا؟
انا سكتت »»........
انتصار »» براحتك بس نا ننصح فيك....بابا وسليم مارحموك وانتي بنت يابال تروحيلهم مطلقة......خوذي وقتك وفكري "وسكرت"
"تنهدت بتعب وكملت قرايا.....خشيت للكوجينه درت بسبوسة وفنجان قهوة وقعمزت عالبلكوني وقعدت نقرا....استغربت من معتصم من الصبح ماجاش بس مدورتش......تعبت من حياتي خاطري نعيش حياة مستقرة وراحة 💔....حسيت براسي دايخ صبيت وقبل طحت انسندت ع الساس....حسيت بروحي بنرجع.....خشيت للحمام نجري ورجعت "حشاكم"...ورديت كملت قرايا في الدار"
.
.
.
.
.
عند معتصم.....رن فونه ورد
معتصم »» الو حبيبي
....»» الو ياروحي وين قاعد
معتصم »» برا ليش؟
....»» اممم متقدرش تجيني اليوم نهدرزو
معتصم ضحك »» قصدك زي امس
....»» هههه اها
معتصم »» هلك قاعدين اليوم
....»» لالا ماشيين لخالتو قلتلهم مريضة مش ماشية
معتصم »» تمام فليل توا نجيك
....»» نحبك انا
معتصم »» نمووت فيك "وسكرو"
~
زعما من هذي؟ 🤔.....
.
.
.
.
"قعدت نقرا لعند المغرب....اذن المغرب توضيت وصليت وقعدت ندعي ان ربي يوفقني ويسرلي الطريق الصحيح....بعد اذان المغرب سمعت صوت ضحك بنت برا باب الشقة....مشيت للباب شفت مع الفجوة وداد بنت جيرانا تضحك مع واحد وخششاته للشقة وكان معاطي بظهره....استغربت بس قلت اكيد خوها او اي حد يقربلها.......مررر الوقت واذن العشاء ومعتصم ماجاش....درت عشاء قبل بنتعشا حطيت اول لقمة في فمي بعدين حسيت روحي بنرجع.....طلعت نجري للحمام رجعت "حشاكم" "
أنت تقرأ
سجينـة المـاضي
Ficção Adolescenteرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
