نضت الصبح لقيت معتصم راقد وحاضني....ضحكت وفكيت روحي منه ومشيت توضيت وصليت الصبح وقريت قرآن شوي......خشيت للكوجينه حطيت الشاهي عالغـاز وقعدت نضم في الحوش....ضميته وشربت حليب ومعاه فنجان قهـوة وناض معتصم بعيونه الناعسات وابتسامته "
معتصم »» صباح الخيرات
انا ابتسمت »» صباح النور
"توضى معتصم وصلى الصبح وجاء قمعز جنبي"
معتصم »» ماقلتيليش شن جو جارتنا
انا »» كويسة وجوها سمح بس بنتها ماحبيتهش تدلع واجد ومغرورة
معتصم »» ههههه كيف؟
انا »» مامي مامي ويااااي انا نحبش البسبوسة عندكش بريوش بالنوتيلا وووو
معتصم »» هههههههه....بس سمحه 😉
انا فنصت فيه »» سمحه عينك 😑
معتصم قرب مني »» تغاري؟
انا »» ااا نغار هههه عنجد نغار من هذي
"زاد قرب مني ولصق وجهه في وجهي"
معتصم بهمس »» تغاري صح؟
انا وجهي انحمر »» ااا حول منغارش نا
"طيحني معتصم وقعد يدغدغ فيا"
معتصم »» تغااررري صح
انا قريب نموت من الضحك »» ههههههههههه حـ هههههههه معتصم بطل ههههههههه
معتصم زاد يدغدغ فيا »» قولي
انا »» هههههههه نغاااااار اهاااا نغا.. هههههه
"حول معتصم وقعدنا نضحكوا ع عباطتنا وهبالنا.....فطرنا ولبسنا وطلعنا ندهوروا شوي"
"مشينا ادهورنا في المحلات وخشينا لمحل الملابس...."
انا »» ياااي شوف هذين يهبلن
معتصم »» عدي للقسم هذك وتوا نلحقك
انا »» شن بتدير؟
معتصم غمزلي »» عدي بس
"مشيت وشفت معتصم عدا من جهة اخرة....قعدت نقلب في الملابس بعد دقايق جاء معتصم في يده كيس"
انا باستغراب »» شن شريت؟
معتصم ضحك »» اسس حاجات سخيفة توا نوريهن لك في الحوش
"طول خطر في بالي انه جايبلي ارواب نوم"
انا »» هههههه سخيف
معتصم »» ههههه
"شريت كم توته وحاجات بسيطه ومشينا لمطعم فطرنا فيه....ادهورنا شوي في البلاد وروحنا"
.
.
.
.
"خشيت للحوش مدقدقة....بدلت دبشي وطلعت لمعتصم اللي كان ماسك الكيس في يده"
انا ضحكت »» شن شريت ياسخيف
معتصم »» غمضي عيونك
"غمضت عيوني"
أنت تقرأ
سجينـة المـاضي
Ficção Adolescenteرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
