"استغربت شنو اللي طاحت منه بس مدورتش قلت اكيدة حاجه تخص الشغل.......نضت توضيت وصليت الصبح وشفت معتصم ناسي نقاله ع الكنبة في الصالة....سمعت صوت رسالة وصلاته مشيت نشوفها كان طالع الاسم بس....اما محتوى الرسالة مش باين وكان الاسم رموز زي هكي *%&% استغربت منو اللي دزله رسالة وليش الاسم هكي ورن الجرس....فتحت لقيته معتصم قالي صباح الخير وخذا نقاله وقعد شوي ومشا"
"طلع معتصم من الباب شاف وداد قاعدة تكنس قدام الباب لابسة توتة ضيقه وتشيرت وطالقة شعرها"
وداد بدلع »» صباحووو
معتصم ارتبك »» صـ صباح النور "ومشا"
"ضحكت وداد بخبث وخشت جوا....اما معتصم ركب السيارة ويذكر في شكلها كيف كانت وتنهد.....رن فونه رقم غريب"
معتصم »» الو من معاي
امل »» انا امل
معتصم تأفف »» شن تبي؟
امل بتمثيل »» حرام عليك قتلك نحبك
معتصم »» يابنت الناس فوووتيني راني متجوووز
امل تبكي »» حرام عليك وين الوعود اللي بينا وكل كلمة قلتها ليا
معتصم »» اسمعي والله كنت نجامل فيك عشان هلي فقط لاغير الا حب ماعمريش حبيتك لكن هلي زروني نحكي ونتعرف عليك
امل »» بس نا نحبك ليش تعامل فيا هكي....نجي حتى ضرة يامعتصم نحبك نا رفضت وااجد عشانك
"سكر معتصم وتنهد بضيق ودارلها حظر....رقيتله ومشا للعمل"
.
.
.
.
عندي....
"كنت قاعدة فالحوش نضم في الحوسة....ضميت وحسيت روحي مرايفه ع هلي ملييييت من القعدة فالشقة بروحي....تنهدت وفتحت نت قعدت نحكي مع انتصار"
،
،
،
بعد ساعتين
عند وداد....
"كانت قاعدة فالدار ادير في مكياج خفيف وطلقت شعرها....شافت مع الروشن سيارة معتصم وقفت عالعمارة....طلعت برا دارت روحها تكنس"
"خش معتصم مع الباب شاف وداد تكنس وطالقه شعرها....قبل يبي يخش وداد طاحت"
معتصم جاها يجري
معتصم بخوف »» وداد كنك؟
وداد بتمثيل ودموع»» ااااااي كرررراعي توووجع فيا
معتصم »» هيا انسندي عليا توا نخششك لحوشكم
"وداد انسندت عليه ومعتصم داااخ من بنة عطرها القوية.....وصلها معتصم للباب مع انه كان قريب...."
وداد مسكت يد معتصم »» شكرا عصومي
معتصم »» العفو
"سكرت وداد بابهم ومعتصم صارله شعور ملخبط...."
.
.
.
.
عندي....
"كنت قاعدة عالنت سمعت الباب فتح....ابتسمت ومشيت نجري"
انا ابتسمت »» معتصم رااايفتلك "وجيت حضنته" كسددددت بروحي معاش عرفت شن ندير
معتصم »» ههه لهدرجه
أنت تقرأ
سجينـة المـاضي
Novela Juvenilرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
