سجينـة المـاضي

الحــلـــقـــة 27

"سكر معتصم وحط يده ع راسه بصدمة....ماتوقعش يصير معاه هكي"
.
.
.
.
.
حكت وداد لأمها كل حاجة.....مشن هيا وامها للنيابة العامة وبلغوا في معتصم ع انها قضية اغتصاب وهذا كان بتخطيط ام وداد......وروحن سيارات الشرطة وقفن ع العمارة اللي ساكنين فيها"

جت الشرطة طقوا ع باب شقة معتصم وفتح...

معتصم بخوف »» اا تفضوا؟

الشرطي »» تعال معانا

معتصم »» وييين؟

الشرطي »» جيبوه!!!

"مسكوه الشرطة وخذوه ومعتصم يعيط ع طـووول حسه....اما وداد وامها يبحتن فيه بضحك وتشمت....."
.
.
.
.
.
نضت لقيت روحي فالسرير وعيوني متورمات من البكاء وحاطة يدي ع بطني....تنهدت وعرفت انه مافيش جنين.....طوول عمري نتمنى نكون ام بس مش لمعتصم....لراجل يحبني ونحبه ويصوني ونصونه......خشت عليا ماما وكانت الساعه 4"

ماما »» امونة نضتي

"هزيت راسي بـ اها"

ماما »» البسي وشاحك بعد شوي يبي يجي الشيخ

انا تنهدت »» تمام
.
.
.
"بعد نص ساعه جا الشيخ....لبست وشاحي وخشيتله في المربوعه....بدا يقرا وانا هادية بعدها قعدت نتصرف في تصرفات غريبة....نرتعش وقريب نعيط وخااااايفة من شئ.....قعد الشيخ يقرا قريب ساعه ويدير في حاجات مش عارفه شنو"

بابا بخوف »» شنوو؟

الشيخ »» يابنتي مديورلك سحر تكرهي الحوش اللي كنتي عايشتي فيه وتكرهي زوجك عشان تنفصلوا....اما السحر قاعد في **** ودايرته وحدة قريبة زوجك منقدرش نذكر اسمها....اول ماتلقوا السحر جيبوه ليا نحرقه"

انصدددددددددمت وماما كانت قاعدة ع باب المربوعه انصدددمت.....معقوووولة دايرينلي سحررر.....قعدن دموعي ينزلن ومشوا بابا والشيخ للمكان اللي قال عليه الشيخ...."

مشوا بابا والشيخ للعمارة اللي كنت عايشة فيها....فيه وردة كانت قاعدة قدام باب شقتي الشيخ غرس يده في ترابها وطلع السحر اللي كان عبارة عن شعر واظافر وحاجات غريبة....سموا بالله وحرررقه الشيخ وهكي انفك السحر....."
.
.
.
.
ماما تبكي »» ياااانااااعلي يابنتي دارولك سحر الكلاب حسبي الله ونعم الوكيل فيهم حسبي الله ونعم الوكيييل

"كنت حزززينة وحالتي النفسية مدمرة....ماما تبكي طول الوقت وجاء بابا"

بابا بعصبية »» لقينا السحر وفكيناه....حسبي الله فيه يلي داره

ماما تبكي »» حسبي الله ونعم الوكيل

مر الوقت واب معتصم رن ع بـابا....قعد يحكي معاه ومستغربين..

بابا بصدمة »» معتصم في الحبس متهم في قضية شرف

ماما شهقت بصدمة »» شنوووووووو!!!!