RAGRANOK SERIES : BEAUTIFUL SCANDAL ✅

Chapter 15

HE LIKES YOU...

Pabalik-balik ang sinabing iyon ni Joul sa utak niya habang nakaantabay sa practice ng team sa hapon na iyon. She can't help watching Gwendel moving hyper-actively in the court. Ito ang sentro ng koponan. Gusto siya nito? Those mix signals he's giving her was a display of affection for her? Pero di niya nakuha agad. She should be more sensible.

Pumito ang referee na isa sa mga reserved players at ibinigay sa team ni Joul ang bola. Kalaban ng binata sina Gwendel at ang iba pa sa first five. Kakampi naman nito ang mga banko na manlalaro nila. Ipinasa ng kasama ang bola kay Joul. Umabante ang binata para umatake.

Tumayo siya. "Pigilan nyo siya! Tatlong beses na kayong nalusutan ni Joul! At iwas sa foul! Neil, Roven, double team, faster!" Sigaw niya. Tumingin sa kanya si Gwendel at ngumiti. Si Joul naman ay dumilim ang mukha.

Ipinasa nito ang bola sa kasama matapos masukol sa mahigpit na depensa nina Neil at Roven. Itinira ang bola pero nasupalpal iyon ni Gwendel bago pa umabot ng ring. Nakuha ni Jevee ang rebound.

"Fuck!" Malutong na mura ni Joul na mabilis na bumalik para sa depensa. "Baba na baba! Damn it!" Nakita nito ang pasa ni Jevee kay Neil. He shifted like a feather to intercept the ball. Tinamaan nito ang bola at mabilis na hinabol. Muli nitong nabawi ang laro.

"Gwendel, harangin mo! Ano ba kayo! Dapat nababasa nyo na ang mga galaw niya!" Sigaw niya. "Depensa!"

"Ano bang problema mo sa akin?" Tumigil sa tapat niya si Joul. Hindi maipinta ang mukha.

Napakurap-kurap siya. "Ha? Wala naman."

"Wala? Kanina ka pa, ah!" Asik nito.

Lumapit sa kanila ang iba at natigil ang laro.

"Captain, wag mong awayin si coach." Saway ni Neil rito na nakabungisngis.

Pinukol ito ni Joul ng nakamamatay na tingin pati sina Gwendel at Roven na tawa ng tawa.

"Shut the hell up, Fernandez! At kayong dalawa, tigilan nyo ang kakatawa kung ayaw ninyong magpulot ng ngipin sa sahig! Suckers!" Nagmartsa ito pabalik ng court. Kinuha ang bola at hinambalos sa ring.

Hindi matigil sa kakahalakhak sina Gwendel at ang iba habang bumabalik na rin sa korte. Pati siya ay napapangiting pinagmamasdan ang nakabusangot na mukha ni Joul. Ang gwapo talaga nito kahit galit. The game resumed. Bandang huli ay nanalo pa rin ang team ng binata sa abanteng isa't kalahing puntos.

Iniklian nila ang oras ng ensayo sa araw na iyon dahil may open-forum pa sila. Pinagpahinga muna niya ang mga manlalaro bago nila sinimulan ang forum. Si Gwendel ang unang nagsalita.

"Alam nating lahat na madalas tayong abutin ng gabi sa practice. Hindi ligtas para kay coach na umuwing mag-isa sa staff house kapag gabi na. Naisip ko, para matiyak ang kaligtasan niya gagawa tayo ng schedule kung sinong maghahatid sa kanya araw-araw. Mas maganda din kung pati sa umaga may susundo sa kanya kasi balita ko kursunada siya ng anak ni mayor. At may tupak iyon. Baka kung anong maisip gawin." Paliwanag nitong saglit na sumulyap sa kanya. Ngumiti siya.

"Di ba hatid-sundo siya ni captain?" Si Neil.

"Hindi natin pwedeng i-asa kay Joul ang paghahatid at sundo kay coach. May trabaho siya pagkatapos ng practice."

"Pwede ba na exempted na lang ako diyan?" Si Neil ulit na napaka-seryoso.

"Bakit?" Tanong ni Gwendel na nakaangat ang isang kilay.

"Ang lagay kasi, inlove ako kay coach, eh. Kung pagsasamahin nyo pa kami sa umaga hanggang sa hapon baka mabaliw na ako sa kanya ng tuluyan." Bulalas nitong nakabungisngis. Malinaw na nagloloko na naman.