RAGRANOK SERIES : BEAUTIFUL SCANDAL ✅

Chapter 35

MATAMLAY na bumangon si Oshema at dumeretso sa banyo. Naghilamos. Sinipat niya ang sarili sa malaking wall mirror sa tapat niya. Namamaga ang mga mata niya. At masakit ang ulo niya. Wala pa yata sa kalahating oras ang naitulog niya pagkatapos niyang mapagod sa kaiiyak. Mula ng umalis si Joul sa suite nila ay hindi pa rin ito bumabalik. Sinubukan niyang maghintay rito pero nainip siya kaya nanood siya ng tv.

Sa kakalipat niya ng channel ay humantong siya sa isang international news kungsaan na-feature ang Filipina-Japanese model na si Mikah Jaruna. Naagaw agad ng balita ang atensiyon niya dahil namumukhaan niya ito.

Pero ang mas gumulantang sa kanya ay ang sinasabi sa balita tungkol sa boyfriend nito. Her boyfriend is Yzack Joul Gascon. Iilang picture footage ng dalawa ang ipinakita. Kung hindi magka-holding hands ang mga ito ay magkayakap at sa huling short video ay nasa isang dinner date ang mga ito at mapusok na naghahalikan.

Naalala din niyang sinabi ni Mikah sa kanya doon sa comfort room habang nasa pila sila na hinihintay nito ang boyfriend. Maaaring hindi siya ang pinuntahan ni Joul doon sa airport kundi ito. At nagkataon lang na nakita siya ng binata. Kaya pala nararamdaman niyang medyo hindi ito komportable na kasama siya. Siguro ay nangangamba ito na baka mahuli sila ni Mikah.

Kung girlfriend ni Joul ang dalagang iyon, ano pala siya sa buhay nito? Anong lugar niya? Palipasan ng oras? Pampawi ng inip at lumbay? Fling? Muling umagos ang mga luha sa mga mata ni Oshema na mabilis niyang pinalis sa likod ng palad.

No. Hindi ganoon ang kilala niyang Joul. Her Joul is a responsible and reliable boy. He would never do such terrible thing like hurting her this way. Something is wrong and she needs to confront it. Kahit hindi niya alam kung ano at papaano. Crying won't solve anything. Inayos niya ang sarili at lumabas ng banyo.

Saglit siyang nahinto nang madatnan sa loob ng suite si Joul. Nakaupo ito sa sofa at may tinitingnan sa cellphone na hawak nito. He's too focus and serious. Hindi man lang siya napansin. Doon siguro ito natulog kay Mikah. Huminga siya ng malalim at hinamig ang sarili. Nag-angat ito ng tingin sa gawi niya at agad tumayo. Sinalubong siya. A heart-melting smile is playing in the corner of his mouth as he strode with enough swag to let her know how confident he is.

"Morning, would you like to go down for breakfast?" Hinawakan nito ang kamay niya.

"Okay," matamlay niyang sagot. Mabilis niyang naiwasan ang halik nito sa paraang hindi nito mapapansin na sinasadya niya. Kunwari may inaayos siya sa hem ng suot niyang pantulog.

"What's wrong? Di ka ba nakatulog ng maayos?" Hinawakan nito ang baba niya at pilit hinahanap ang kanyang paningin. "Hey, your eyes are swollen. Are you crying?" Nahimigan niya ng pagkabahala ang tono nito.

Pero pinili niyang wag ng pansinin pa yon. "Okay lang ako. Kulang lang sa tulog kaya ganito." Kumawala siya rito at nagtungo sa kama. "Mauna ka ng kumain. Di pa ako gutom. Ipaakyat mo na lang rito ang pagkain ko." Binigyan niya ito ng tipid na ngiti.

Ang hirap magkunwari. Pakiramdam niya sasabog na ang puso niya sa sama ng loob. Habang ang utak niya ay ginagawa lahat ng paraan para pakalmahin ang kanyang kalooban.

"Oshema, anong problema?" Nakakunot ang noong tanong ng lalaki na lumapit sa kanya. "I'm sorry kung di ako nakabalik agad. May importante lang akong inasikaso."

"Alam ko, Joul. Di mo kailangang magpaliwanag." Pinilipit niya ang mga daliri. She's not good at lying. How can she ever convince him that everything is alright when it's really not.

Napaigtad siya ng tumabi sa kanya ang binata at ipinulupot sa kanya ang braso nito. "Bakit hindi ka sasabay sa akin sa breakfast?" Paanas nitong tanong. Kissing her bare shoulder.