RAGRANOK SERIES : BEAUTIFUL SCANDAL ✅

Chapter 39

SAGLIT na tiningala ni Oshema ang higanteng ferris wheel sa Cosmo World habang nakaupo sa bench at dinidilaan ang hawak na ice-cream. Nasa tabi niya si Yzack at pinagmamasdan siya. Nakangisi ito na para bang may iniisip na namang kabalbalan. Nakatayo sa gawing likod nito si Kazu at seryosong nagbabantay. Halos matakot na rito ang mga dumadaan sa tapat nila dahil kung makatingin ito para bang isang linggong hindi pinapakain.

Ibinaba niya ang paningin at pinalo ang kamay ni Yzack na gumapang sa kanyang baywang. Ang halay talaga ng lalaking ito. Humalakhak ito dahil sa ginawa niya. He bent closer and took a big bite with her ice cream. Nanlaki ang mga mata niya. Cone na lang ang natira sa kanya.

"Bakit ba di ka bumili ng sa iyo? Gusto mo palang kumain." Sikmat niya rito at nginatngat ang natirang cone. Pinagtawanan lang ulit siya nito.

Buti na lang tapos na ang klase ng mga bata kanina nang sunduin siya ni Kazu. Pinapasundo raw siya ni Yzack. Hindi tuloy siya nakatulong sa paglilinis doon sa classroom. Ayaw niya sanang sumama pero hirap siyang ipaliwanag iyon dito sa bodyguard. Kunti pa lang ang natututunan niya sa Nihongo at si Kazu naman ay hindi makaintindi ng english kaya ang ending nandito siya sa amusement park.

Tumingala siya sa ferris wheel. Ang ganda siguro pagmasdan ng buong siyudad mula roon sa pinakatuktok. Kaya lang nahihilo siya pag nasa masyadong mataas na.

"What are you staring at?" Pagtataray niya kay Yzack na nahuli na naman niyang nakatitig sa kanya ng mariin. "Magnanakaw ka na naman ng halik?" Irap niya rito.

"Why are you so beautiful?" Seryoso ang mukhang tanong nito.

"Because I'm human." Hypothetical niyang sagot at sumimangot. Basang-basa niya ang kalokohan na iniisip nito. Bobolahin pa siya.Kung anu-ano talaga ang pumapasok sa utak.

"Gusto mong sumakay doon?" Turo nito sa ferris wheel.

Muling lumipad roon ang kanyang paningin. Natutukso na siya. Kunting push na lang. Ang totoo'y gusto niyang subukan lahat ng rides dito. Pero doon sa ferris wheel talaga siya mas na-e-excite. Paborito niyang sumakay doon noong bata pa siya pag pumunta sila ni Nancy ng amusement park.

"Gusto mo no?" Panunukso ni Yzack sa kanya. "Tara, sakay tayo!" He grabbed her hand and they went to the entrance fast. Si Kazu tuloy ay nagkukumahog sa paghabol sa kanila na akala mo'y tatakasan ng mga bihag.

There are students lining up at the entrance waiting for their turn. The girls are smiling sweetly at Yzack, giggling like fans meeting their idol and the boys are checking on her but a bit careful and hesitant. Takot mahuli ng lalaking kasama niya. There were hints of recognition in their eyes. Clearly aware who is Yzack Jewel in this place. Inirapan niya ang binata na nakangisi sa kanya. Ang yabang.

Habang naghihintay ay tumunog ang cellphone nito. Matapos nitong silipin kung sinong tumawag ay nagpaalam ito sa kanya.

"Oh, it's you?" Sabi nito habang papalayo.

"Toilet," baling niya kay Kazu na nasa likuran niya.

Tumango ito at akmang susunod sa kanya.

"No, you stay." Sinamahan niya ng senyas ang pagsasalita para maintindihan nito.

Pero di yata nito nakuha. Nagsabong ang mga kilay nito.

"Stay." Ulit niya. Para siyang nag-uutos ng tuta.

"Hai, ojou-sama." Napakamot ito sa batok.

Ngumiti na lang siya at umalis para magbanyo.

PAGKABABA mula sa ferris wheel ay isinuot ni Jairuz ang hood ng jacket nito at ibinaba ng husto ang cap. Hindering the clear view of his face from the crowd ogling at them.