RAGRANOK SERIES : BEAUTIFUL SCANDAL ✅

Chapter 19

SUMAGLIT sa ladies room si Oshema para silipin ang sarili. Naglagay siya ng pressed powder sa mukha, kunting blush on at pink lipstick. Inayos din niya ang suot na drop earring na muntikan ng matanggal kanina at nilagyan ng ipit na may maliliit na bato ang buhok na pinagsama niya sa iisang parte sa gilid ng kanyang tainga habang ang natitira ay inilugay lamang.

Whole dress ang suot niya ngayon, sidefeel off shoulder . Kulay peach at hanggang sa ibaba ng tuhod ang haba. May belt na kulay brown na gawa sa abacca fiber. Tenernuhan niya iyon ng puting blazer at ankle strap heels.

Magkasama silang lumabas ni Miriam ng faculty room at naghiwalay pagdating sa unang eskina ng pasilyo. Kinansela ang klase sa umaga pero magkakaroon ng homeroom meeting para ipaalam ang nangyari kay Mrs. Alferez at ang gagawing tribute para sa namayapang professor.

" Goodmorning, Miss Salcedo." Bati ng buong klase pagkapasok niya ng classroom.

" Goodmorning, class!" Dumako ang paningin niya sa bakanteng upuan ni Joul sa bandang likuran. Marahil nagpaiwan sa ibaba ang binata para tumulong sa paglilinis.

"Miss, totoo bang may namatay na professor?" Tanong ni Darren.

"Oo, si Mrs. Alferez. Ang English professor." Tinungo niya ang kanyang desk nang bigla na lamang bumukas ng pabalya ang pinto at pumasok si Trisha na maputlang-maputla at umiiyak.

"Miss, si Vanessa po!" Nanginginig ang boses nito. Hindi malaman kung anong idudugtong sa sasabihin.

" Bakit?" Alarmed. She turned towards Trisha. "What happened to Vanessa?" Kinuyog ng kaba ang dibdib niya. May nangyari ba sa pamangkin niya?

"Sumama po kayo sa akin." Pumihit si Trisha.

Sumunod siya sa dalaga. Lakad-takbong nilandas nila ang hallway at muntikan na siyang mahulog sa hagdan pababa ng ikatlong palapag kungsaan matatagpuan ang block ni Vanessa.

Hiningal siya ng sapitin ang classroom. Maraming estudyanteng nakakalat sa may hallway sa labas ng silid at ang iba ay nagsisisiksikan sa may pinto. Nasaan ba ang mga guro? Parang mawawasak na ang dibdib niya sa sobrang kaba at pangangapos ng hangin na maihihinga.

"Padaanin nyo kami, please!" Sigaw ni Trisha sa mga estudyanteng nakaharang sa pintuan.

Ang iba ay tumabi at binigyan sila ng daan pero ang iba ay matigas at ayaw umalis kaya itinulak na niya ang mga ito. Wala namang umangal sa mga natabig niya nang makitang siya ang nagpupumilit na makapasok.

Tumambad sa kanya pagdating sa loob si Vanessa. Nakasampa sa barandilya ng nakabukas na bintana at anyong tatalon. Nag-iiyakan sa isang tabi ang iilan sa mga kaklase nitong babae habang ang mga lalaki ay tuliro at di malaman kung anong gagawin. Gustong lumapit pero di magawa.

"My God, Vanessa! What are you doing? Get down, please!" Humakbang siya para lapitan ang dalaga.

"Ate, diyan ka lang! Wag kang lalapit kundi tatalon ako!" Banta nito na nagpahinto sa kanya.

"Van, ano bang problema? Please, pag-usapan natin. Wag ganito, okay? You're scaring everyone here." Malumanay niyang sabi na natutuliro na rin. Halos manginig ang laman niya habang pinagmamasdan ang marupok na kapit ng mga kamay ni Vanessa sa magkabilang hamba ng bintana. Ano bang nangyari? Can anybody tell her?

"Bring Joul to me! I said, bring him to me, damn it!" Sigaw nito sa mga kaklase.

Nanigas siya sa kinatatayuan. Of course, si Joul nga pala. Si Joul lang naman ang pwedeng maging dahilan para magkaganito ang dalaga. Bakit ba hindi niya agad naisip iyon? Pinilipit niya ang mga daliri at mariing kinagat ang labi para pigilan ang pagtulo ng luha. Ano bang nangyayari sa kanila ng pamangkin niya? Isa ba itong sumpa? Bakit sa dinami-rami ng pwede nilang mahalin ay sa iisang lalaki pa sila nahulog?