RAGRANOK SERIES : BEAUTIFUL SCANDAL ✅

Chapter 48

MULING dinala ni Jairuz sa bibig ang hawak na kopita at inubos ang laman. Hindi niya inalis ang paningin sa babaeng masayang nakikipag-usap sa iilang mga kamag-anak.

Mula ng dumating siya hanggang sa pormal na nag-umpisa ang party at ngayong halos patapos na ay tinutupak ang puso niya. Anumang buhos niya ng alak sa nag-aalburuto niyang dibdib, hindi man lang nababawasan ang inis na kanyang nararamdaman. Mas lalo pa yatang lumala habang lumalalim ang gabi at nakikita niyang nasa ibang mga bisig si Oshema. Binabakuran ng kanyang kapatid. Para walang makalapit, kabilang siya.

The dress she's wearing; it is exactly the one she wore in his dream. She stands out tonight. Her dark make-up brought out her elegant yet unpretentious personality. She can be very sweet at times but she can also be a fearsome huntress.

And he became one of her preys. Para siyang nahulog muli sa kanyang panaginip kahit gising. Ang kaibahan lamang, hindi siya kundi ibang lalaki ang sinusuyo nito ngayon.

He has to contain the anger building inside him and endure the pain even if it will have to tear him into pieces over and over.

Yzack came back after leaving her for few minutes. Natanaw niyang may binulong ang kapatid kay Oshema kasama ang damping halik sa pisngi ng babae. Umiwas siya ng tingin at kinagat ang dila.

"Are you okay?" Tanong ni Jin na tanging kasama niya sa kanilang mesa matapos silang iwan ng kanyang ina para puntahan si Kyruz.

Umiling siya. Tumayo. "This place is suffocating. Sa labas lang ako. Stay here and wait for my mother." Instruct niya sa bodyguard at naglakad palabas.

Nasa pinto na siya nang matanaw niyang nilapitan ni Gwendel Ongpauco si Oshema. May sinabi ito at tumango ang babae saka umalis. Hindi isinama si Yzack.

A chance for him.

Hindi siya tumuloy sa paglabas at hinabol ng tingin si Oshema. Tinungo nito ang pinto palabas ng garden. Bumuga siya ng hangin at nagpasyang sundan ang babae.

Nasulyapan niya si Gwendel na nakatingin sa kanya habang pabalik ito sa mesa kungsaan naroon ang mga kaibigan nito. Tinanguan siya nito. Gumanti din siya ng tango.

He remembered Gwendel Ongpauco. Schoolmate niya ito. Hindi niya lang matandaan kung nagkaroon sila ng pagkakataong maging magkaibigan. His only memory of the guy was a little vague. Popular ito sa school. A heartthrob. Minsan pasimuno din ng gulo gaya niya pero may sarili itong grupo habang siya ay nag-iisa lang kung makipagrambulan.

Ang mga kaibigan nitong sina Neil, Jayvee at Roven na pinakilala ni Yzack sa kanya kanina ay hindi niya matandaan. Mga ninong daw ni Kyruz. It's strange. Pakiramdam niya kilala niya ang tatlo pero wala siyang maalala. Maybe they're part of his lost memories. Gustuhin man niya, hindi niya pwedeng pilitin ang utak na makaalala.

Narating niya ang garden malapit sa pool at mabilis niyang nahanap si Oshema. Pero hindi ito nag-iisa. Kausap nito ang pamangkin na si Vanessa na lasing yata. Nagkubli siya sa pinakamalapit na puno.

"Nag-away ba kayo ni Gwendel?" Dinig niyang tanong ni Oshema.

"No, ate. I'm just having a good time. Wooohhh!" Sagot ni Vanessa na sinamahan pa ng hiyaw. Sumayaw ito kasabay ang mabilis na beat ng tugtugin mula sa loob ng bahay habang itinataas ang hawak na bote ng inumin.

"Tama na nga iyan. Akin na 'yang alak." Pilit inaagaw ni Oshema ang bote pero ayaw ibigay ni Vanessa.

"Ate naman, pati ba ito aagawin mo sa akin? Ang dami mo ng kinuha sa akin, ah!" Singhal ng dalaga at nagsimulang umiyak.