الهدية بعتبار مايكون وبإعتبار الشكل الماخدنو عنها .. انها لازم تكون واو ومزخرفه وشكلها حلو ولازم تكون شئ ملموس وفخك .. عطر مفضل .. ساعه بسعر فلاني؟؟! .. بس المفهموم الحقيقي للهديه .. البسااطه ف إختيارها .. الهديه مهما كانت بتعتمد على معناها .. وعمقهاا .. الهديه حتى لو كانت بسيطه بتفرق مليون مرة .. الهديه مرات كلمة حلوة .. ومرات إبتسامه💜
ف غرفه بعيد عن الكرة الارضيه .. غرفه من عالم تاني .. حيطانها بالاسود .. بتشع ظلام .. تعطرهاا السجائر والبنقو .. بتزينها المخدراات ..شااب ف عمر ال 25 ملامحو الوسيمه قدرت المخدرات تسيطر عليهاا .. عيونو الباهته .. بتتكلم عن اي شي رغم انو عايش احسن عيشه .. شايل سيجارة البنقو وبطلس بكلام م مفهوم .. دموعو النازلة بدون مبرر .. مين الشخص دة علاقتو شنو ب غياث و نور ؟؟ علاقتو بمنو اصلا من الشخصيات الزكرتها
___
جيهان: حبيبي انت ليه م بترد
مجهول: كنتا ف اجتمااع واول م خلصت اتصلت عليك
جيهان : مشتاقة نقعد مع بعض انت دايما مشغول وف دوشه حوليك
مجهول: حااضر اجهزي وحأجي اسوقك نتعشى برة تمام يعمري 😻
جيهان: حاضر يعمر عمرك 😻
قاامت بسرررعه وجهزت نفسهاا ف غضون دقاايق جاا وطلعو اتعشو ف احدث وافخم المطااعم .. رجعها البيت بعربيتو .. وقف بعيد من بيتهم و اداها هديه ونزلت ..
مين الشخصيه المجهولة دي ؟؟حتعرفو قداام
_____________
الساعه 6:00 مساء
في بيت رياض :
فؤاد قاعد مع امو ف الهول
فؤاد وهو بعدل ف ساعتو: يلا ي امي اتأخرنا
بدريه طلعت من غرفتها وكلها انبساط: يلاا عشان بجد اتأخرنا عليهم
.. وصلو بيت معتصم .. بيت عاادي .. هادي.. العفه باينه ف حيطانو .. حديقه كلها ورود ف باب الشارع .. فؤاد وقف جنب امو قبل م يبتسم .. ضربو الباب .. فتح ليهم حاج معتصم
معتصم: اهلين ي مرررحب .. سلم عليهم بحرارة ودخلو .. جات فريدة مرت حاج معتصم وسلمت عليهم .. قعدو اتونسو شويه واطمنو على احوال بعض .. مندمجين وام فؤاد كانت مبسوطه م عدا فؤاد الكان بسرق النظر كأنو منتظر زول ..
جات دااخلة بملامحها الجميلة عيونها البتتكلم عن جمالها ..حواجبها الغزيرة فمها الوردي طولها المتوسط .. بتعاين ف الارض .. كانت خجلانه؟؟ ولا مكسورة؟؟ سلمت عليهم بهدوء بدون م تبتسم .. قعدت جنب امهاا البتاشر ليها عشان تفرد وشها قدام الضيوف ..
بدريه: كيفك ي نهى
نهى: بخير انتي كيفك
بدريه: الحمد لله ي بتي
فؤاد الكان بمرر عيونو بدون م يتكلم .. سكتو كلهم فجأءة كأنهم اتكهربو .. فؤاد اتكلم بصوت واثق: جينا وبإذن الله عشان عايزين نتم العرس نهايه الشهر دة 😊
معتصم : مع انو ف استعجال بس خير البر عاجله
فؤاد: لا م استعجال بس انا برضو عندي شغل ولازم اسافر بدايه الشهر الجاي
بدريه: لو م شغل فؤاد كنا عملناهو برواقه 😊
فريدة: تمام الوقت م معصور شديد ان شا الله بننجز 😊
فؤاد من جواهو عايز يقول م عاوز حفلات وجع راس .. اتراجع بعد م شاف اهل نهى وفرحتهم بيها وامو المبسوطه بولدها ..
نهى المنزلة راسها ف الارض ودمعتها كانت حتنزل .. بس فؤاد وامو طلعو من عندهم ف اخر لحظه .. اتمالكت نفسهاا لحدي م ودعوهم ودخلت غرفتها ورجعت تبكي 💔 ( تبكي لي انا زاتي م عارفه واحد ذي فؤاد دة بترفض 😂)______________
يوم الجمعه الساعه 10:00 صباحا
عدو اسبوعين ونور خلصت من امتحاناتهاا .. ف نفس الوقت مررضت شديد .. غياث كان مهتمي بيها من جهه وشغلو ف راسو من جهه تانيه ..
غياث وهو منيمها على حضنو: حبيبي عشان خاطري خلينا نمشي الدكتور
نور بصوت مبحوح: م عايزة بكره المستشفيات وجوها
غياث: حنمشي عيادة وحدة صحبتي يعني ف غنى عن المستشفى
نور: غيااث💔
غياث: بدون كلمه يلاا حوالي اتمالكي
قومهاا ولبسهاا ورجع هو كمان لبس .. رااحو عيادة دكتورة شيماء دكتورة معروفه وزميلة قديمه ل غياث .. دخلو وم انتظرو كتير .. نور ملامحها كانت باهته عيونها مورمه .. ماسكه ف ايد غياث وغياث م سابها لحظظه كانها بتو وخايف عليها .. احساس عميق جداا انك تلقى انسان بفهم كل خلية في جسمك .. مهما حصل عليك هو قادر يميزك ألمك وحزنك .. قادر يفهم ويحفظ قلبك شارع وناصيه .. الانسان البخاف عليك حتى من انفاسو!!!💔 .. دكتورة شيماء اول م شافت غياث وقفت وضحكت قالت جناابو بنفسو ف عيادتي 😻 غياث ضحك وسلم عليها بحرارة 💜شيماء سلمت على نور وحاولت تقعدها مع غياث ف غرفه الكشف .. كشفت على نور وسألتها شويه اسئله قبل م تبتسم .. شيماء: ارتاحي هنا حتكلم مع غياث تمام😊
نور هزت راسها: طيب
شيماء جاات لغياث الكان ضامي ايديهو وبهزز ف رجلو بتوتر ..وهي بتقلع ف السماعه ..قعدت ف الكرسي القصادو وبإبتسامه: اقول ليك مبروك ولا حتبقى اب ولا حتديني حلاوة الخبر الحلو دة 😌
#يتبع
