الساعه9:00
نور طلعوها من المستشفى .. شمس كانت مبسووطه ب بت نور الخلت الكل مبسووط .. باسم دايما مقابلهاا وبيلعب معاها .. ناصر لما يشيلها كانو بشيل نور لتاني مرة .. نهى وفؤاد جو وباركو ليهم .. وكمان بدريه ورياض .. اول ما دخلو بدريه كانت بتصلي على الرسول .. رياض شال جنان بين ايديه وبسمل باسها في جبينها حسا بشعور قديم قبل 28 سنه 💜
"تعالو نقنع نفسنا انو لما تتولد البنوته بتجيب معاها كل الايجابيه .. بتشيل ملامح امها دايما وطبع ابوهاا .. خلونا نتفق انو البت بتقدر تصلح اي شي انكسر .. البت دايماً مصدر سعادة للحوليها بتكتم وجعها عشان غيرها بتشيل الهم اكتر من الولد .. ادوها مسااحه في المجتمع العقيم .. اعترفوا انها ام البشريه وانها سيدة الحنان"
عددت الايام وجنان تمت شهر ..
في يوم الظهر نور كانت شايلة جنان البتكي بدون مبرر ..
شمس: يمكن جعانه
نور: رضعت قبل شويه
باسم وقف على حيلو .. شالها ونومها على كتفو .. بدا يحسس على ضهرها وبغني ليهاا .. وقف لما سكتت ..
نور: ناامت 😭
باسم بابتسامه:تشبهني العفريته😻
نور: ايواا زناااانه😒
باسم: هشش حتصحى
نور: هاتها
باسم: خليها مرتاحه ..
جِنان كانت ماسكه ف قميصو بايدها الصغار ..كل شويه كان ببوسها في خدودها النااعمين ..
____
في الجامعه
جيهان بخبث: اعترفي انك مهزومه اعترفي انو نور قدرت تاخد غياث منك وتكسرك جايه وبكل عين تتهميني اني حرضت زياد عليك
خلود: ايوة انتي الحرضيتهو علي كنتي اكتر من اخت وثقت فيك وطعنتيني
جيهان بابتسامه: لما تكون الحياة بذات نفسها غدارة ليه احنا ما نغدر
خلود: وااااطيه وعمرك ما حساامحك
جيهان: زيااد حاليا راجلي وحلالي اياك تحاولي تلعبي معاي فااهمه
خلود: زياد اخر وااحد افكر فيه يا جيهان عارفه ليه؟ لانو مجرد وسيلة مستخدمه بيني وبينك
جيهان ضربتها كف واتقدمت خطوات قبل ما تقلها "اتزكري انو ابوكي جايبك من الشوراع وما تفرحي بوشك الحلو لانك مجرد نكرة" .. خلود غمضت عيونهاا بس ما نزلت دمعه .. كلمات جيهان كانت ذي السكين في قلبها .. طلعت من الجاامعه وركبت عربيتها .. ختت ايدها في وشها وما قدرت تحبس شهقاتها ..
#فلاش_باك
خلود كانت مبسوطه بأي شي في حياتها للحظه العرفت فيها الحقيقه .. في يوم قبل ما تشوف نور .. خلود صحت من نومها .. اخدت حمام قبل ما تنزل لامها وابوها تحت .. كانت حاطه سماعات ومتكاسلة في مشيهاا شالت السماعات من اذنها وياريتها ما شالتهم .. سمعت الحوار الدار بين ابوها وامها
سهيلة امها: كفااايه ياا عبدالمنعم تتهمني بحاجات انا مالي دخل فيها
عبدالمنعم ابوها: انا ما بتهمك انا متاكد انك كنتي السبب في فشل اخر صفقه
سهيلة: وانا حستفيد شنو لما اخررب عليك شغلك
عبدالمنعم: الهجوم افضل وسيلة للدفاع خفتي اني اخسرك شغللك واخدد قروشك صح؟
سهيلة: دايما بتتهمني وكل يوم بنفس الشي قررفت انا من الحياة العايشها معاك
عبد المنعم: مفتكرة اني ححنسك ذي كل مرة
سهيلة: لا ما متوقعه شي منك ودة اخر جزاي اني ربيت بتك المصونه
عبدالمنعم: وطي صوتك
سهيلة: خليها تسمع وتعرف الحقيقه الحقيقه المرة خليها تعرف انهاا لقيطه وانك جبتها من الشارع
عبد المنعم ضرب مرتو كف وبصوت عالي: اخرسسي
سهيلة: الليله انا ما حسكت وحعلي صوتي .. حس على دمك وكفايه تستغل خلود لمصالحك المقررفه .. سهيلة طلعت من البيت وهي زعلانه .. خلود كانت وااقفه بصدمه رجعت خطوات لوراء .. ما كانت حاسه برجولها شايلاهاا .. دخلت غرفتهاا وقفلتهاا واترمت في الارض قبل ما تصرخ صررخه وجع ..
دة الحصل مع خلود .. ودة السبب الخلاها تقابل نور .. خلود من بين كل الشخصيات المرو في حياتها ماقدرت تحب غير غياث .. ودة نفس السبب الخلاها تعترف لضياء انهاا كانت حتسرق اموالو ..
اما بالنسبه لقصتهاا مع جيهاان .. انو زياد وخلود كانو مخطوبين .. جيهان كانت بتحب زياد بس ما حاولت تظهر حبها ليهو ولا لخلود استغلت الصحبه البينهم عشان تفرق بيناتهم .. كانت شيطانه ونحجت في اي شي خططت ليهوو .. شغللت خلود بنور وغياث .. من جهه تانيه قدرت توقع زيااد في حبهاا .. والمجهول الكانت بتتكلم معا وطلعو لمطعم مع بعض هو زياد.."
حاجات كتير ، تفاصيل صغيرة ، بتكسر جوانا امال كبيرة ، برجع اقول الانكسار الحقيقي لما تقع وما تعافر عشان تقوم"💔
