عدت الايام وفؤاد ونهى رجعو السودان ..
نزلو في شقه فؤاد الكانت في الطابق التاني من بيت رياض .. بدريه كانت مبسوطه بالمفاجاءة العملها فؤاد .. واريام اتزكرت اي شي حصل معاها اول ما شافت فؤاد قدامها ..اتزكرت فارس لما حاول يعتدي عليها .. بكت بوجع في حضن فؤاد الكان مستغرب من بكاها .. هو الوحيد الحسا بشئ غلط .. بدريه انبساطها بولدها ومرتو كان عامي ليها عيونها بالفرحه .. اريام كانت ماسكه ايد فؤاد بقوة ..
بدريه: كنتو تقولو جاايين
فؤاد: وكيف تكون مفاجاءة لعيونك الحلوة دي 😻
بدريه بضحكه: حبيبي ..كيف شغلك ان شا الله ما بتتعب
فؤاد: والله متعب يا امي بس على الله دعواتك يا غاليه
بدريه: بدعيلك حبيبي💜
اريام: انتو حترجعو تاني يعني😭
فؤاد باس اريام في خدها: لو علي ما عايز ارجع بس اعمل شنو
اريام: ربي يقويك يعمري 💜
فؤاد: امين
بدريه وهي بتعاين لنهى: قومي حبيبتي ارتاحو فوق
نهى عاينت لفؤاد الابتسم وضماها عليهو .. نهى بتعاين ليهو بزهول بس ما حاولت تبعدو ومنها
فؤاد بعاين لنهى:طيب
نهى ميلت راسها وبتعاين لفؤاد ..
طلعو وبدريه بتمرر عيونها بحب وهي شايفه ولدها مبسوط .. اريام كانت مبتسمه وابتسامتها اتمحت وبسرعه طلعت غرفتهاا ..
..
________
نور صحت قبل غياث .. دخلت اخدت دش .. ابتمست لما اتزكرت الحصل بالليل في المزرعه ..طلعت من الحمام وهي لافه نفسها ببشكير .. قعدت جنبو في السرير
نور: حبيبي
غياث بنعاس: اممم
نور: غياااث!!!
غياث مارد عليهاا خصوصا انو اليوم اجازة .. جات عليهو وانسدت في حضنو .. شعرها المبلول خلى غياث يفتح عيونو ..
نور باستو ف خدو: بريدك💜
غياث: انا كمان وهسي عاوز انوم يلا اطلعي
نور: ماااحزرت 😈الليله اليوم الوحيد الانت بتكون مأجز فيه وفاضي عشان احبك براحتي .. كانت بتتكلم بسرعه لدقائق طويلة بدون ما تسكت .. فجاءة سكتت لما حست بغياث رجع نام ..
نور بصوت عالي: غيااااث😒
غيااث كان صاحي بس بحاول يغيظهاا .. ضمهاا عليهو قبل ما يسد فمها بإيدوو ويغطيها معاهو .. نور كانت بتضحك وهو بحاول يسكتها .. غياث قعد في سريرو لما سمع تلفونو .. ابتسم لما شاف رقم فؤاد السوداني متصل عليه..
غياث: دكتوورنا😻
فؤاد: جناابو 💜
غياث: حمدلله ع السلامه يااخي
فؤاد: عرفت كيف اني جيت؟
غياث بضحكه: انت متأكد انك دكتور .. انت متصل برقمك السوداني ياذكي
فؤاد: اي صااح😂
غياث بضحكه: نزلتو متين ؟
فؤاد: صبااح الليله والله
غياث: ما حنطول شويه وحنكون عندكم 💜
فؤاد: إن شالله منتظرك
غياث: ان شا الله 💜
غياث قفل مبسوط من اتصال فؤاد .. اتلفت على نور الكانت .. لافه ايدها في عنقو .. لفاهاا لحجرو وختا ايدو في بطنها البتكبر كل يوم ..
غياث: طمنيني على بتي
نور ختت ايدها في ايد غياث: شكلها حتجي مشاغبه
غياث: لا ما حقدر استحمل نور تانيه في البيت
نور: يعني انا مشاغبه
غياث بضحكه: يعني انتي احلى وحدة خلقها ربي
نور: اكل بعقلي حلاوة .. ما قلت لي فؤاد جاا!؟
غياث: ايوة يلا عشان ما نتأخر عليهم
نور: طيب
غياث باسهاا وقامو عشان يجهززو .
______
في شقه فؤاد
فؤاد بعد مكالمتو مع غياث .. انتبه لنهى الكانت واقفه في بلكونه الغرفه .. دخل اخد دش وطلع الهول قبل ما يقول لنهى تجهز عشان غياث ونور حيجو ..
________
نور كانت وااقفه في التسريحه وبتخلص في لمساتها الاخيرة .. رفعت راسها لما شافت سلسلة ذهبيه مكتوب عليها "جناني" .. غياث جا من وراهاا ولبسهاا ليهاا ..
غياث: ما في احلى من حظ السلسله الاتلفت في عنقك💜
نور: ما في حظ بيوصف حظي بيك .. مسكت غياث من ايدو قبل ما تطبع قبلة في عنقو .. غياث بادلها بوحدة على عيونهاا الغمضتهم وهي حاضناه💜
غياث: نمشي
نور بابتسامه: يلاا
(نور كانت لابسه اوفرول جنزيه (العفريته) وبلوزة اكمامها طويلة بالابيض وجزمه ارجوانيه وطرحه ارجوانيه ..مع بطنها البارزة /غياث لبس قميص رمادي وجكت اسود وسااعه سوداء .. مع جسمو المعضل )
