فؤاد نزل من غرفه اريام بسررعه وطلع غرفتو .. شال تلفونو واتصل لفيصل
فيصل بضحكه: ما شايفني بخلط يااخ
فؤاد: انت وين
فيصل: في البيت صوتك مالو ؟؟
فؤاد: انا تمام بس عايز اسألك من فارس
فيصل: فارس؟
فؤاد: اييوة عايز اعرف الليله حيجي النادي
فيصل: فارس بقى ما بجي النادي خصوصا بعد الحصل
فؤاد: انت لازم تعرف لي مكانو يا فيصل
فيصل: تمام بس ليه بتسأل عنو
فؤاد حكا ليهو بالحصل باختصار بدون ما يقول ليهو انو حاول يعتدي على اريام ..
فيصل: طيب اديني وقت وحعرف من طارق هو وين؟!
فؤاد:حاول ما تحسس طارق انك عايز تعرف مكان فارس
فيصل: ما توصيني اتطمن
فؤاد: طيب انا حقفل
فيصل: عافيه
فؤاد: الله يعافيك
رمى تلفونو .. كان بفكر في كلام اريام .. فؤاد ربط الاحداث مع بعض ..غمض عيونو وحبس راسو بين ايديه ..
عددت الساعات بدون ماينزل تحت عشان ما يشوف اريام
الساعه كانت 6:00 مساء .. رفع تلفونو لما شاف اتصال فيصل
فيصل: انزل انا تحت
فؤاد: ثواني واكون عندك
نزل بسرررعه لقى ابوه طلع الشركه .. باس راس امو وطلب منها تخلي بالها من نفسها وطلع بإستعجال .. سلم على فيصل قبل ما يطلعو العربيه سوا ..
فؤاد: عرفت مكانو!؟
فيصل: ولحسن حظنا انو في شقتو .. عرفت انو عامل حفله مع شلتو البايظه ديك وانت عارف فارس لما يتلما مع اصحابو بيحصل شنو!؟
فؤاد سند راسو على الكرسي: وقع ومافي زول سمى عليه
اتحركو بسرررعه ووصلو شقة فارس .. نفس الشقه الكان فيها مع اريام .. فؤاد وفيصل وقفو بعيد شويه .. نزلو من العربيه وفؤاد طلب من فيصل يرجع بس فيصل اصر انو يجي معاه ..
في شقه فارس:
كميه من الشباب الكانو سكرانين وبتمايلو مع انغام الموسيقى .. كانو في عالمهم الاسود تتوسطهم المخدرات .. غرف مقرفه بتتعطر بالسجائر والكحول..البنات كانو بيرقصو ومسترخصين جسدهم لشويه كلاب ..فارس وقف لما سمع صوت الجرس افتكرها وحدة من البعرفهم .. فتح باب الشقه ووقف وهو سكران غمض عيونو وفتحهم عشان يحاول يتأكد انو فؤاد واقف قداامو ..
فارس وهو بترنح: اووو فؤاد حبيبنا يااخ
فؤاد ما ردا عليه
فارس: ادخل ادخل شاركنا اللحظه
فؤاد ما قدر يمسك اعصابو .. اداهو بنيه خلاهو يقع في الارض .. كل الفي الشقه بعاينو بزهول .. فارس رجع وقف وهو بضحك
فارس: رايك شنو تجيب نهى هنا مشتاق ليها والله
فيصل ضرب فارس خلاه يقع في الكرسي الوراه .. فؤاد مسكو من قميصو واداهو كف ولحقو ببونيه .. وقع فيه ضررب ..خلاهو ينزف دم .. فؤاد كان بضررب بكل قوتو وفارس شبه اغمى عليهو .. كل الفي الشقه بدو يجرو لما سمعو صوت عربات الشرطه ..الدخلو بسررعه وبدو يقبضو على الكل .. فيصل اشر للشرطي على فارس عشان يااخدوه معااهم ..فيصل شكر صحبو الشرطي لانو وصل في الوقت المناسب .. فؤاد كان بعاين بعيونو .. اتقدم خطوات لججهه فارس
فؤاد: خليك طول عمرك في الوسااخه الانت فيها.. خليك متزكر انو اريام وراها ضهر ..ولما تفكر تنتقم خليك راجل وواجهني.. فارس كان بعاين لفؤاد وما اداهو ملامح ..
فيصل طلب من فؤاد انو يرجع معااه .. وقفو مع بعض لما شافو عربيات الشرطه اتحركت ..
زفرو بضيق وطلعوو العربيه .. فيصل وصل فؤاد البيت.. بعد مافؤاد شكرو ..
دخل البيت وكان تفكيرو مع فارس الاتقبض عليه ..
وقف نادى امو ..
بدريه: كنت وين يافؤاد
فؤاد: في مشوار مع اصحابي
بدريه: وليه ما جبت نهى معاك
فؤاد: اتصلت علي وقالت حتقعد كمان يوم مع اهلها
بدريه: طيب
فؤاد: وين اريام
بدريه: البت دي حتجنني من الصباح ما راضيه تاكل وحتى من غرفتها ما طلعت ..
فؤاد عاين لاتجاه غرفتهاا لثواني وطلع شقتو بعد ما حضن امو وقالها حيطلع يرتاح وينزل يتعشى معاها..
_______
تاني يوم:
الساعه 9:00
نور وغياث كانو ضامين بعض .. فؤ بلكونه غرفتهم .. شعر نور كان بتمايل مع نسمات الهواء .. وغياث حاضنها عليهو
غياث: حشتاقلك💜
نور لفت عليه: وانا كمان💔
غياث: احلى شي بالموضوع اني حعرف انوم مرتاح
نور: اممم يعني انا مصدر ازعاج
غياث بضحكه: قلتيهاا براك🐸
نور مدت بوزها: افرح يلا حترتاح من وشي شهوور😒
غياث قرب منها: بحبك يا مجنونه
نور ختت ايدها ف لحيه غياث: حتجي وما تتعزرلي بشغلك صح ؟💔
غياث: ححاول اجي يوم والتاني بس انتي خلي بالك من نفسك
نور: حاضر 💜
غياث ضماها عليهو .. من جواهو اشتاق ليها قبل ما تمشي ..
