فؤاد كان بحكي لنهى وعيونو ما فارقت عيونهاا .. نهى كانت بتعاين بزهول ..
نهى: انت بتكذب صح؟💔
فؤاد : ياريت لو بكذب ياريت لو فارس كان بحبك
.. نهى كانت بتعاين لفؤاد وبتبكي منتظراه يقول ليها انا بكذب .. قالت بصوتها المكسور عاوزة اقعد براي يا فؤاد 😭💔 .. فؤاد ماا اتردد طلع بدون ما يتكلم .. خلل ايدو في شعروو .. قعد في الكرسي واخد نفس ..وختا راسو وسط ايديه ..
___
بدايه الجزء
#كانسر26
في بيت ناصر ابو نور
الساعه 7:00 صباحاً
نور كانت قاعدة هي وباسم نايمين في الهول بعد ما خلصو 4 افلام اكشن.. نور كانت ممدة على الكنبه وباسم جنبها ورجلو في الارض ..صحو بصوت امهم
شمس: نور !؟
نور: نعم ياماما
شمس: انتو المنومكم هنا شنو؟!
باسم: إحناا!!
شمس: اوماال انا .. عاينت لنور الكانت بتتثأب .. انتي ناسيه انك حامل ما مكفيك السهر كمان نايمه بالمنظر دة؟؟!
نور: انا تمام يا ماما
باسم: انهاا العنصرريه💔🌚
نور بضحك: لا انت وشك حرام الواحد يعاين ليهو مرتين اساسا
باسم هو ببوس اختو: شكرا ياا اسخف اختت .. وقف خلل شعرو بايدو قبل ما يطلع غرفتو
شمس: قومي اخدي دش وتعالي اشربي الشاي
نور:حااضر ياا احلى شمس 😻
نور دخلت غرفتهاا واخدت حمام .. شالت تلفونها وعقدت حواجبهاا لمن شافت نفس الرقم الرسل ليها الصور متصل عليها .. قال ف نفسها خلود ؟! ردت
نور: الو
خلود: نور صح؟
نور: ياها
خلود: انا ..
قاطعتها نور: خلود 😊
خلود بضحكه: اممم .. نبيهه غياث اختار صح
نور: اختار غلط برضو 😊
خلود:ماا عاوزة اتكلم معاك في التلفون ممكن اشوفك ؟؟!
نور بإستغراب: مفروض حركاتك تكون اذكى من كدة
خلود: اعتبر دة خوف
نور: اعتبري موااقفه لطلبك 😊
خلود: حلو اشوفك في ***
نور قفلت الخط وعاينت لرقمها الاتحفظ في زاكرتهاا ..عبست ملامحها وغيرت ملابسها وطلعت لامهاا ..
الساعه8:00 صباحا
طلعت من غرفتهاا ليها زمن من سطوح البيت وشكل الزهور .. كانت لافه نفسها بشال قطني ابيض من البرد .. طلعت وقفت بجهه الشمس .. صغرت عيونها الحلوة من اشعه الشمس القويه .. ما انتبهت لفؤاد الكان واقف بالجهه التانيه .. اتلفت لما سمعت صوتو
فؤاد: صباح الخير
نهى: صباح النور
سكتو لدقائق بدون ما يتكلمو مع بعض ..
نهى: ممكن سؤال؟!
فؤاد: اتفضلي
نهى:ليه ما قلت لي بأي شي انت عارفو
فؤاد: كنت عايز تكوني جنبي بس .. احميك بدون ما تعرفي شي .. تنسي فارس بدون ما اتدخل
نهى: فارس بكرهك
فؤاد: حتى صحبتي ليهو كانت كذب
نهى: ودة كلو عشاني!؟
فؤاد ابتسم بدون مايرد .. ابتسامتو كانت حلوة .. نهى ماقدرت تشيل عيونها منو .. انتبهت لنفسها بعد ثواني ورجعت تعاين لإتجاه الشمس ..
وقفو شويه
فؤاد: نطلع نشرب قهوة؟!
نهى: ما عندي نفس
فؤاد طيب انا حطلع اشربها في الكافي خلي بالك من نفسك .. نهى ماردت .. قبل ما ينزل قالت ليهو طيب يلا 😊
________
الساعه 8:00
نور طلعت عربيتها .. كانت لابسه فستان واسع وانيق .. ما كلمت زول بمشوارها ولا ريفال .. كانت بتفكر في كلام خلود !! .. وقفت العربيه في مطعم فااخر نزلت .. صلحت طرحتهاا ودخلت المطعم .. بتمرر عيونها على الطاولات .. وقفت لما شافت نفس الملامح الشافتها في الصور .. خلود كانت قاعدة وبتعاين لساعتها .. نور اتقدمت خطوات ووقفت قصاد خلود .. خلود وقفت بإبتسامه .. مدت ايدها لنور .. نور كانت متوترة بس مبينه ثقه في وشها سلمت عليها وقعدت معاها
خلود بضحكه: اتنين بيكرهو بعض قاعدين مع بعض ف نفس الطاولة😊
نور بابتسامه: بس انا ما بكنلك اي كره
خلود: بصرااحه ولا انا 😊
نور: عاوزة توصلي لشنو؟
خلود: ل غياث
نور: اعتبرها بجاحه
خلود: نور .. انتي ما عدوتي بس عايزاك تبعدي عن غياث ..
نور: انتي وااعيه لكلامك
خلود: اعتقد انك عارفه انو كنا مخطوبين .. نور قاطعتها
نور: وعارفه بالعملتيهو مع غياث
خلود: الانتي ماا عارفاهو اني بحب غياث .. والله بحبو ايوة كان مجرد واحد اختارو حظو عشان يقع في ايد باابا بس انا ما عندي ذنب ..
نور: خلود .. انتي نفسك ماعارفه عايزة شنو؟؟ ما بعرف عنك شي بس الانانيه متملكه قلبك
خلود:انانيه!!؟ انتي ناسيه انو انتي الدخلتي على حياتنا
نور: حياتكم انتهت قبل ما ادخلها .. نور وقفت وطلعت بدون ما تتلفت لخلود .. بدت تعرق وكانت حتطلع عربيتها .. بس خلود جات من وراها ومسكتهاا .. نور عاينت لخلود الكانت بتبكي
خلود: نور عشان خاطر الفي بطنك خلي غياث .. والله انا بحبو انا حبيتو وهو عارف كدة اسأليه .. هو كمان بحبني يا نور .. نور سيبي غياث قبل ما يسيبك 😭😭
نور كانت بتعاين وهي مستغربه من كلام خلود الغريب ..كيف عرفت انها حامل ؟! طلعت عربيها ومسحت على وشهاا بتوتر واتحركت ..
خلود وقفت وبكت بحرقه .. كل الناس الفي الطريق بعاينو ليهاا .. كانت بتقول بحبو والله ما ذنبي 💔😭
