بعد يوم مرهق تتزاحمو ابتسامات مليانه فرح .. رجع البيت .. دخل غرفتو بعد ما اخد دش .. كان نعسان ..
اتصل عليهاا ..ردت في اخر جرس
دانيا: ايوة ياباسم
باسم: كيفك
دانيا: حمدلله
باسم: انتي برة البيت
دانيا: ايوة انا في المستشفى
باسم بخوف: انتي تعبتي تاني💔
دانيا: لا بس شويه فحوصات
باسم: فحوصات!! بس الدكتور قال انك بقيتي كويسه
دانيا: انا كويسه حبيبي بس قال لازم اعمل عمليه بعد كم شهر
باسم: عمليه!! دانيا انتي داسه مني شي؟ انتي كويسه ؟
دانيا بضحك: كويسه لما اسمع صوتك .. امم كمان ما حقدر اتواصل معاك كتير لانهم منعوني الموبايل
باسم: انتي اقوى من مجرد عمليه وان شا الله حتنجح💜
دانيا بإبتسامه: تنجح!!! نسبة نجاحها 30% يا باسم
باسم: نسبة نجاحها بيد ربنا.. انا قلبي مرتبط بقلبك حموت اذا حصلك شئ 💔
دانيا: حتكون بخير اذا حصلي شي
باسم: دانياا
دانيا: اممم
باسم: بحبك 💜
دانيا بتوتر: انا حقفل لأني حدخل للفحص .. قفلت بدون ما تستناه يرد .. نزلت على خدودها دمعه مسحتها بوجع قبل ما تدخل مع ابوها لغرفه الفحص
باسم اخد انفاسو بصوت عالي .. قلبو كان واجعو على دانيا ..
دانيا مريضه بـ "القلب" 💔
________
نور كانت في المطبخ خلصت البيتزا ودخلتها الفرن .. كانت بتغسل في ايدهاا .. إستنشقت عطرو الملا البيت .. ابتسمت قبل ما تطلع .. حضنتو ..
غياث: مساء النور💜
نور: مساء النور يعمريي💜
غياث: كيف كان يومك
نور بابتسامه: تمام وانت حلو كدة 😍
غياث: جابت ليها معاكسات🌚
نور بضحك: راجلي حبيبي انا حرة😌
غياث ابتسم لكلمها الطفولها ..مسكها من خصرها ..وقرب منها عشان يبوسهاا ..
نور : البيتزا 😳
غياث:مالا
نور:حتحرق
غياث:خليها تحرق ..💜
رجعت خطوات وجرت على المطبخ
غياث بضحك: طيب ماا تجرري
نور من المطبخ: انا تمام حبيبي
غياث دخل اخد حمام وشال اللابتوب وقعد في الصالة .. خلص كم مسج ورسلهم .. ابتسم لما شاف نور ماسكه قطعه بيتزا .. جات وقعدت في رجلو .. حضنها عليهو وبإبتسامه
غياث: كانو ما حنتعشي
نور: كانك نسيت انك قلت نطلع نتعشى برا
غياث: لا ما نسيت بس انتي حتاكلي هسا وكمان بعدين؟
نور بضحكه: اممم في اعتراض
غياث: حتسمني وما حقدر اشيلك
نور: عاملة حسابي بعدين انت لك زمن ماشلتني😏
غياث: جيبي حته عشان اشيلك
نور: لا ماافي
غياث: كدة
نور: ايييوة😌
رماهاا في الكرسي وبدا يدغدغهاا وهي بتضحك بصوت عالي .. شال منها قطعه البيتزاا ورجع خطوات
غياث وهوا بياكل في البيتزا: ما تحاولي مع سيادة الرائد
.. نور وقفت عشان تجريي وراه .. اتعترت بالكرسي واصتدمت بالتربيزة .. كانت حتقع .. غياث مسكهاا بسرعه .. حضنهاا عليهو بخوف .. مرر ايدو على بطنهاا
غياث بصوت عالي: مليون مرة منعتك تجري يانور
نور كانت بتعاين للتربيزة الاتكسرت .. اتخيلت انها تقع على بطنهاا .. غمضت عيونها قبل ما تترعش . مسكت بطنهاا بخوف
نور: ما كنت قاصدة 💔
غياث: انتي كويسه؟!
نور: ايوة
غياث قعدهاا في الكرسي وختا ايده في بطنهاا .. نور كانت بتعاين لعيونو المليانه خوف ..
نور بضحك: عيونك بتلمع من الخوف
غياث: انتي بتضحكي!!؟ افترضي حصلك شي بعد الشر
نور: طول ما انت جنبي بعد ربنا م حيحصلي شي وبعدين انت خايف علي ولا على البيبي
غياث: خايف على نفسي .. انتو نفسي يامجنونه 💜
نور بإبتسامه باست غياث في خدودو
نور: ما حتعشيني
غياث: طيب قومي برااحه اجهزي وانا حألبس
نور: حااضر 💜
___________
فؤاد جاا من شغلو ..
دخل البيت مبسووط .. كان بنادي على نهى.. ما حاول يدخلها في غرفتهاا .. طلع غرفتو بسرعه عشان يعمل اتصال ..دخل غرفتو وملامحو اتغيرت لما شاف نهى نايمه وحاضنه الجكت بتاعو .. وقف لثواني قبل ما يبتسم .. كان عاوز يحضنهاا للحظه .. قررب منهاا وقعد قصادهاا .. مرر بإيدو في شعرها الناعم .. كان مفتكر انها حتصحى بس نهى ابتسمت وحضنت الجكت بتاعو اكتر .. وقف على حيلو قبل ما ينزل تحت ..
