#عزيزتي
"ارفعي سقف أحلامك .. ما تطلبي اقل من معاملة ملكيه ..اياك تقبلي تكوني رقم "2" .. ما تقبلي تكوني خيار ثاني .. كوني نجمه في علاها ما بيصلها إلا الشخص البيستاهل يكون جنبها .. كوني ارجوانيه لايحبك إلا صاحب الذوق الفريد .. انتي اكبر من من مجرد كائن روتيني في حياة ذكر"
_
فؤاد وقف على حيلو قبل ماينزل تحت ..كان مبتسم اخد عصير من المبرد .. ووقف شويه في بلكونه الصاله وهو لسه مبتسم .. نهى خللت شعرها بإيدهاا .. وقفت بفززعه وقالت بصوت واطي انا شنو المنومني هناا؟؟.. اتزكرت انها جات عشان ترتب غرفه فؤاد ونامت .. استنشقت عطرو الاتحبس في الغرفه .. نزلت بسررعه على الصاله وبتسأل في نفسها معقولة جا ولقاني نايمه في غرفتو؟! غبيه ياا نهى 😭 .. مشت برااحه لجهه التلفزيون كانت بتعاين بعيونهاا .. شافتو واقف في البلكونه .. اتقدمت خطوات .
نهى: فؤاد!؟
فؤاد: اهلين كيفك
نهى: بخير انت جيت متين!
فؤاد بابتسامه: يادوب دخلت .. ليه في شي؟
نهى زفرت براحه وبتطمن ف نفسها انو ماحيكون طلع غرفت : لا ولاشي
فؤاد اتقدم خطوات: اعملي حسابك حنسافر االسودان الاسبوع دة
نهى بإستغراب: ليه!!
فؤاد بابتسامه: افهم انك اتعودتي على القعدة هنا
نهى: لا .. بس المفروض نرجع بعد سنه
فؤاد: اتمنحت اجازة كم شهر
نهى:حنسافر متين
فؤاد: يوم الخميس
نهى: يمكن السفرة جات في وقتها لاني اشتقت لماما وبابا💔
فؤاد: اسف لاني بخليك تشتاقي ليهم غصبا عني
نهى اكتفت بالابتسامه وقفت معاه ف البلكونه .. الجو كان بارد ..
______________
في عربيه غياث..
نور: غياث
غياث: نعم
نور: احنا رايحين وين؟!
غياث: مشوار وبعدين نمشي نتعشى
نور: مشوار!! وين
غياث عاين لنور بابتسامه بدون مايرد .. نور اتغاظت منو لانو عارف انها ما حتصبر لما يصلو!.. مرت دقائق .. غياث وقف العربيه
غياث: يلا انزلي
نور نزلت بدون ما تتكلم ..كانت بتمرر عيونهاا .. وقفت قصااد بوابه كبية .. دخلت وراء غياث لمكان واسع كلو اشجار وزررع وشكلو منظم ..القمر كان عاكس ضوو في البحر .. نور ابتسمت بعفويه وهي بتسمع صوت الموج الهادئ .. غياث جا من وراها وضماها عليهو .. وبصوت واطي في اذنها
غياث: دي المزرعه الحلمتي بيها 💜
نور: مزرعه !؟
غياث: ايييوة
نور: عرفت كيف اني بتمنى مزرعه .. لفت لجهه غياث .. اتقدمت خطوات من المزرعه كانت بنفس الشكل الكانت بتوصفو لريفال لما كانو صغار بكل تفاصيلهاا .. الدواجن والابقار .. الارانب والكلاب .. حتى الاحصنه .. الحصائر الواسعه.. والبيت الخشبي ..بتاعين للبيت الخشبي وبتضحك ..رجعت لغياث الكان مبتسم
نور: ريفال! ريفال هي الورتك صح
غياث اتقدم منها بإبتسامه طلع من جيبو مزكرة امنيات ورديه قديمه .. بس كانت مغلفه كانها جديدة ..
نور كانت بتعاين للمزكرة بإستغراب ..
نور: مزكرتي 😳
غياث: ايييوة
نور: يعني ماا ضااعت ذي ما كنت مفتكرة😭
غياث: لا انتي فعلا ضيعتيها وانا لقيتهاا ..
نور: يعني قريت المكتوب فيها
غياث: حياتك كلها في المزكرة دي ..قدرت اعرف انو كان نفسك في بيت خشبي في مزررعه وحوليهاا كميه حيوانات وبتطل على البحر .. غياث مسكها من ايدهاا وفرجها على المزرعه .. رغم انو الوقت متأخر بس ماكانو حاسيين حتى بالبرد .. بعدهاا دخلو مع بعض البيت الخشبي .. كان معمول بطريقه حلوة .. ذي البيوت الاسبانيه ..في غرفتين تحت وغرفه فوق وغرفه استقبال ومطبخ كلو من الخشب .. نور كانت بتمرر عيونهاا .. الشموع الكانت ماليه المكان ..شويه ورود بنفسجيه .. اتلفتت على غياث لما قالها كل عام وانتي "نوري"💜
نور شهقت لما اتزكرت عيد ميلادها .. حضنت غيااث بقوة .. قبل ما تنزل دموعهاا الكانت ملياانه فرح 😭💜 .. غياث احتواها بكل ماا تحمل الكلمه من معنى .. ضمها عليهو كانها طفلة .. نور كانت مندسه جواه وحاسه بامان جديد اتملك قلبها .. رفعت راسها لعيون غياث البتلمع فرح .. غياث ابتسم ابتسامه كفيلة تخليهاا تحبو من جديد .. طبعت قبلة على لحيتوو .. 💜
قضو ليلتهم في البيت الصغير الكان ذي القصر بالنسبه لنور"..
ورجعو..
"معظمنا بيحتج الشعور البخلينا نحس إننا جوهرة في ايد الشخص القدامنا ،الشعور دة كفيل انو يقويك من جديد، كفيل انو يرجع انفاسك بعد عام موت"
