ما في علاقة، أيًا كان شكلها ونوعها، بتستمر بنفس القوة والاستقرار. لازم يجي الوقت التهتز وتتغير. والاصحاب ، الكانو امس قراب غير قابلين للانفصال، ينفصلوا ويبعدوا وياخدوا مسافه من بعض.
ودي قاعدة ما ليها أي استثناء أبدًا.💔🖤
_________
في احدى مستشفيات امريكاا .. فؤاد دخل عيادتو اخد تلفونو وشويه فايلز .. مسح على وشو الباين فيهو التعب اتصل على رقمهاا .. ردت عليه بصوتها النااعم
نهى: الو
فؤاد: انتي كويسه
نهى:ايوة
فؤاد:انا حرجع شويه كدا معليش لأني اتأخرت
نهى:انا بخير
قفل الخط واخد نفس بعد ما اطمن عليهاا .. نزل من المستشفى وركب عربيتو .. رفع تلفونو قبل ماا ملامحو تتلخبط .. رداا بصوتو الرجولي
فؤاد: انجززز ..
فارس بضحكه: واخيرا رديت اشتقت لصوتك تصدق
فؤاد: وتاني؟؟؟
فارس: شايفك مستعجل لخراب بيتك
فؤاد بضحكه مستفزة: ياا راجل
فارس: لا عايز اطمن بس ما تزعل نهى لي وحتبقى لي 😊
فؤاد: كنتاا اخدتها برجولتك وجيت بالباب
فارس: لا جيه الباب دي خليناها ليك يا حبيبنا
فؤاد بضحكه: بغض النظر عن الانت بتقول فيه عارفك حاسي بشنو يااخ اني اخدتا نهى من قدام عيونك وانا بتتفرج ومااقادر تنطق بكلمه فااهم شعورك قداام نفسك الاتهزت بعد ماا سلبتك حبيبتك او البتمثل عليها انك بتحبها
فارس: نهى لسه بتحبني خليك متزكر
فؤاد: حخليها تنساك ،ولو سمحت يا استاذ فارس حاليا اسمها حرم فؤاد ريااض ياريت تتعود على الاسم دة وانت خليك متزكر انها مرتي،اتجاوز نهى ياافارس عشان تتجاوز الحيحصل معاك .. قفل الخط ورمى التلفون .. ضغط على ايدو .. حاول يسوق بس كلمات فارس كانت واقفه قصادو .. فؤاد رغم حبو لنهى كان حاسس انو ظلمهاا .. ظلم رأيها ووجودها .. مااعارف هو عمل كدة ليه ؟؟ بس عشان حبو ليها ..؟؟
__________
الساعه 10:00 مساء
نور كانت قاعدة قصاد التسريحه جففت شعرها بعد الدش الاخدتو .. غيرت ملابسهاا وحاولت تنوم بس ماقدرت غياث قال ليها حيتأخر في الشغل .. كان كل تفكيرهاا في الصور ..تعاملهاا اتغير بكل الطرق مع غيااث .. حاسه بشلل .. وقفت بخوف بعد ما سمعت صوت الباب .. طلعت برااحه .. ززفرت برااحه بعد ما شافت غياث داخل.. استغربت لانو قال حيتأخر ..
غياث ماا جاا عليهاا بس كاان شايف ملامحها العابسه ليها ايام .. عيونها المورمه .. طريقه كلامها معااهو .. غياث سأل نفسو شويه اسأله .. وقف شويه وجاا عليهاا حاول يبوسها ف خدهاا .. بس نور رجعت خطوات وملامحها عاكسه الضيق الجواها ..
غياث بإصرار قررب عليهاا .. مسك ايدها وضغط عليهاا .. نور كانت حتبكي للحظه .. شهقت بعد ما سمعت صوت غيات وهو بقول ليها نوور؟؟
نور عاينت في عيونو حاولت تبعد ايدهاا منو بس هو ماسكها بقوة ..
نور بصوت مبحوح: عايز تثبت شنو ؟؟
غياث: انا العاوز اسألك السؤال دة.. تصرفااتك اتغيرت ياانور
نور: تعباانه عاوزة انوم يااغياث سيب ايدي 💔 غياااث سمع كلاامهاا .. بس نور كانت عايزاهو يضمها عليهو ويسألها تاني .. رجعت خطوات عشان تدخل الغرفه .. رجع مسكهاا ايدها وانحنى لجهته وبصوت واطي : من اول يوم دخلتي فيه حياتي ماشفت في عيونك الوجع دة .. ما تحاولي تخبي عني ما حتقدري
نور: خلود!!!!
غياث: كنت متأكد انو خلود هي سبب عيونك الباهته .. كنت مستنيك تجي وتعلي صوتك وتطلعي الجواك في وشي ..ما عارف خلود هببت شنو بس كنت متأكد تماما انها وراء تعااملك الاتغير معااي
نور: يعني ما بتنكر وجوداا في حياتك
غياث:إنتي الحقيقه الوحيدة الحصلت لي في حياتي💜
نور ودموعها نازلة: غياااث!! ليه سبتهاا ؟؟ ليه خليتني مجرد تناسي؟؟ اتزوجتني عشان تنساهاا صح!؟ انا!! انا وحدة عشان تنسى بيها الماضي بتاعك ؟!
غياث كان سااكت بسمع في كلام نور الكان بدخل في قلبو .. وااقف وبتزكر خلود .. اتزكر اي شي بتعلق بيهم لمن كانو مع بعض ..
نور رفعت تلفونها ورتو الصور وبصوت عالي قالت انت ماا عارف انا حسيت بشنو لما شفتك وانت حاضنها ؟؟ ليه ماا قلت لي انو انت وخلود كنتو مخطوبين ؟💔💔 ليه ماا وعيتني على الحاصل ؟ ليه ختيتني ف خط انا ماا فاهمه فيهو شي؟!
