فارس بضحكه قرب من ارياام .. كانت بتحاول تبعدو عنهاا .. ضربتو واتوجهت للباب حاولت تفتحو بس كان مقفول .. دموعها نزللت لما شافت فارس واقف قصاادهاا وبحاول يبوسهاا .. ضربتو كف .. بس ما سلمت من ايدو رجعلها الكف بقوة..
فارس: حتندمي على الكف دة
اريام بعدم تصديق: فارس انت واااعي انا ارياام 😭😭
فارس: ويين فؤاد اتصلي عليه خلي يجي وينقززك من الحعملو فيك
اريام: انا كان لازم افهم حقدك على فؤاد من الاول
فارس مسك ايدها بقوة .. اريام صررخت ودموعها نزلت بغزاارة
فارس: فارس هو الوقف في طريقي وانتي حتكوني الضحيه يا ريمو😊 ..فارس بحاول يمرر ايدو في خصرهاا .. اتلفت بسرعه لجهه الباب كان بيضررب بقووة .. اريام بدت تصررخ لما سمعت صوت الباب .. فارس استغرب منو الحيكون في الباب .. ساب اريام واتوجهه للباب .. قبل ما يصل انكسر كالون الباب .. باسم وماجد دخلو ووقعو في فارس ضررب .. اريام كانت بتبكي وبتقول خلوه حيموت .. باسم وقف وصرخ في وشها وبصوت عالي انتي اسكتي .. مسكها وقال لماجد يلااا .. اريام مكتفيه بالبكاء وباسم كان بعاين ليهاا نزلو من الشقه وطلعها معاهو العربيه .. اتحرك بالعربيه وماجد كان ورااهم .. اريام كانت بتعاين لباسم وساااكته وصلها البيت قبل ما تنزل
اريام: انت عرفت مكانا من وين
باسم:انتي تعبانه هسي انزلي وحاولي تكوني طبيعيه
اريام نززلت وفي علامة استفهام في راسها .. دخلت غرفتها وبكت بحررقه حست انها رخييصه .. بتتزكر فارس .. وبتقول في نفسها شنو الكان حيحصل لو باسم وصحبو ما وصلو في الوقت المناسب .. وليه فارس بكره فؤاد ؟؟رمت نفسها في السرير وناامت بعد التفكير الوجع راسهاا 💔
___________
في امريكا ..
نهى كانت نايمه في غرفتهاا .. فؤاد دخل عليها بعد ما رجع من شغلو .. زفر برااحه لماا شافها وهي نايمه .. ملامحها الحلوة كانت كفيلة بأنو يبتسم .. انحنى على جهتها ورسم قبلة في جبينهاا .. نهى قامت بسررعه لما حست بانفاس فؤاد
نهى: انت بتعمل في شنو
فؤاد: بست مرتي فيها شي؟!
نهى: ما تقرب مني تاني ما تحاول تلمسني ولا تحاول تبين انك متعاطف معاي
فؤاد: بدل ما تشكريني
نهى: اشكرك لانك سبب تعاستي !! ولا لأنك بعدتني عن فارس💔
فؤاد بصوت واطي: فارس ما بستاهلك
نهى: اممم وانت مصلح اجتمااعي صح؟؟ عشان شفت انو ما بستاهلني قلت تتزوجني
فؤاد: لأنك بتهميني
نهى: وانت ما بتهمني ياافؤاد .. حااولت تخلي يطلع من الغرفه .. فؤاد ما اتجاوب معاها مسكهاا من ايدها وجزبها عليهوو .. فتح تلفونو وراها صور لفارس مع بنات .. نهى كانت بتعاين للصور بدون ما تدي اي ملامح تدل على انها مصدومه
نهى بضحكه: اناواثقه في فارس اكتر من نفسي .. جايب شويه صور ومفبركها عشان تشوه صورتو قدامي صح
فؤاد: فارس ما بحبك يا نهى افهمي
نهى: وانت بتحبني؟؟؟!!!!
فؤاد: اكتر مما تتخيلي 💜
نهى ما كانت منتظرة الاجابه دي .. افتكرتو حيقولها شفقان عليك وبس .. رجعت منو خطوات لوراء .. فؤاد كان بقرب منها وهي بتبعد .. مسك ايدها الناعمه وختاها في صدرو ..
فؤاد: حبيتك من اول يوم شفتك فيه.. بتتزكري .. فارس بنفسو جابك عشان اعالج ايدك .. فؤاد ابتسم ومسك ايدها اليمين ..وبصوتو قال ليها لما مسكت ايدك اول مرة في المستشفى كنت حاسس بخوفك وبألمك .
#فلاش_باك
قبل ما فؤاد يتزوج نهى .. حتى قبل ما يعرفهاا .. لما كان دكتور في مستشفى في السودان .. شاف نهى اول مرة .. كانت ماسكه يدها وبتعاين لفارس .. فارس طلب من فؤاد يسعفهاا .. في الوقت داك فارس وفؤاد ما كانو اصحااب .. صحبتهم الحاليه كانت بناء على رغبه فؤاد .. فؤاد اسعف نهى وطلع من غرفه الفحص .. وبالصدفه سمع فارس وهو بتكلم مع واحد من اصحابو .. فارس كان بقول علي حظي البت انجرحت وما حقدر اجيبها الليله الشقه .. فارس علاقتو كلها اخرها السرير .. تفكيرو محدود عن الحب .. شايف انو لما يحب بنت لازم ينوم معاها .. لازم ياخد اهم شي عندها بإرادتها وغصبا عنها .. فؤاد حاول يتقربب من فارس بس عشان يحمي نهى .. بعدها سافر امريكاا وطلب من فيصل انو يخلي عيونو على نهى لما يرجع ..
ما كل واحد بقول ليك بحبك معناها هو صح !! ما دايماً لما يحلف بكون صادق ؟!.. الرجل ما مجرد شنب وعضلات وصوت .. الرجل المحمدي اتخلق عشان يكون قوة لكائن اتخلق من ايسرو 💜
