كانسر

١٨

في نفس الغرفه السوداء .. كان قاعد وكأنو مبسوط .. شايل سيجارتو وبيأخد نفس .. رجع راسو لوراء مع تمريرة يدو في شعرو .. رمى التلفون بعيد .. واخد نفس تاني وبصوت مخيف قال حندمهم .. حندمهم

_______
غياث مدخل ايديه ف جيبو وبصفر .. دخل الصاله ومتعود يشوف نور مستنياه .. رفع حاجبو وبدا ينادي عليها .. طلع الطابق التاني والسطوح ما لقاها .. بدأ يسأل نفسو راحت وين ؟؟
نور فتحت باب البيت .. دخلت بدون ما تعمل صوت .. غياث كان واقف .. وقفت عاينت ليهو قبل ما تمشي عليهو وبتحاول تبين انها كويسه
نور: كيفك
غياث: بخير بعدك
غياث: جيت يدوب ادخل غير ملابسك وحعملك العشاء
غياث: م تتعبي اكلي انتي وانا عندي شغل حخلصو ..باسها ف راسها ودخل غرفتهم
_____

الساعه 9:00 مساء
نهى كانت واقفه ف المطبخ .. مركبه سماعات وبتدندن مع الاغاني .. صررخت بصوت عالي بعد ما جرحت كف ايدها .. دمها كان بنزف وهي بتبكي .. فؤاد كان داخل البيت بعد دوامو الطويل ما قدر يقيف لما سمعها وهي بتبكي ..
وقف قداامها وبدأ يتكلم معاها
فؤاد: حبيب .. سكت ولاحظ لنفسو رجع قال ليها : انتي بتنزفي؟ 💔
نهى: انجرحت يعني ما شايف ؟؟😭
فؤاد: انتي طفله ما بتعرفي تمسكي سكين؟؟
نهى: ما تتكلم معاي زح مني بعيد😭
فؤاد مسكها من ايدهاا ودخلها الحمام غسلها ليها وجاب صندوق الاسعافات .. نهى ذي البيبي ما وقفت بكاا ..
فؤاد: بس خلاص 😒
حاول يعقم ليها الجرح بس هي بتصرخ كل ما يلمسها
فؤاد بنرفزة: دمك حيخلص قدامك وانتي بتصرخي اسكتي خليني اعرف اسعفك
نهى: ما تعلي صوتك علي
نهى شالت ايدها بعد ما لفاهاا ليها
فؤاد: ارتاحي واسف لاني رفعت صوتي
نهى بدون ما تحس على نفسها: اقيف ماشي وين
فؤاد: ممكن ادخل اخد دش لو سمحتي😊
نهى ما ردت عليه .. وهو طلع .. سندت راسها على السرير وبتعاين لأيدها الشبه اتورمت 💔
فؤاد طلع غرفتو ما كان عارف يضحك ولا يتوجع لوجعها .. يضحك عشان اتكلمت معاه بعد زمن طويل .. ولا يتوجع لجرحها .. وقف مساافه وعاين لأيدو واتزكر لما مسك ايدها اول مرة قبل ما يتزوجو .. حساا بنفس الشعور حاليا لما مسك ايديها .. ضحك بصوت خافت وقال شكلو مصيري اعالجك مصيري اداوي اوجاعك 💜 .. قبل ما يدخل يااخد حمام
_________
في محاضرة تتملكها كميه من الملل .. في اخر البنشات بااسم كان قاعد وشبه نايم .. ماجد كان نايم جنبو .. باسم رفع رااسو من صوت شخرة ماجد
باسم بصوت واطي: ابو شخرة قوم البروف بحمر ليك 🌚
ماجد ما جايب خبر ..
باسم : ماااجد قوم البروف جااي علينا الله ياخدك حتورطنا 🌚
مااجد رفع راسو وبصوت عالي: ما يجي يعني ارقص ليهو مثلا .. ورجع نام .. القاعه كلها ضحكت 😂
باسم عمل ميت من كلام ماجد وزحاا منو بعيد وعمل نفسو منتبه لمن شاف البروف جااي على ماجد
البروف: اتفضل ياا مااجد اطلع برة لمن نشوف موضوع الرقيص دة
ماجد قام وعيونو محمرة: يا بروف ..
البروف قاطعو: جاي بعثه نوم ؟؟
ماجد وقف عشان يطلع كان حيضحك بس كتمها وفكاها اول ما وصل نهايه القاعه .. القاعه كلها ضحكت معاهو..
البروف اتلفت هلى باسم الكان كاتم ضحكتو: وانت عاوز كرت دعوة 😊؟؟ اتفضل اطلع وراهو
باسم قام طلع وراء ماجد .. طلعو وكانو
ميتين بالضحك
باسم وهو بحاكي ف البروف: وانت عاوز كرت دعوة .. يااخ البروف دة وهمي
ماجد: وقايل روحو ظريف هو وشنبو الما عرفنا ليهو درب دة 😂😂
باسم:يلا جلينا منو ارح عازمك
ماجد: لا ما ماشي معاك😒
باسم: حدفع المرة دي يلا😂
ماجد: خلاص يلا
طلعو مع بعض ف عربيه ماجد
_________
في استراحه الجاامعه :
جيهان: ياا مجنونه عملتيها 😳😳
خلود: عشان تعرفي صحبتك 😌
جيهان: لقيتي الصور كيف اظن كانو مع غياث
خلود: جبتهم وخلاص .. بعدين انا امس بتصل عليك وتلفونك ساعتين مشغول ليه؟؟
جيهان بتوتر: كنتا بتكلم مع ابوي
خلود بضحك: ابوكي؟؟ ف تطورات
جيهان: كان بتكلم مع ماارد ما معاي 😊
خلود: انتي مارد لسه بيحب البت الاسمها ريفال دي
جيهان: نفسي اخنقها .. بتهددني بيهو تخيلي 😒
خلود: يا حسرة 😂
جيهان اكتفت بالابتسامه ...