في غرفتها الاتملت بعطرهاا .. لبست فستان اسود ضيق من خصرهاا ومن تحت واسع .. كان بسيط بس حلاوتها اكبر حطت اكسسوارات بسيطه بالابيض .. سرحت شعرها الطويل جمايكه للنهايه وجابتها في كتفهاا .. لاول مرة بعد زواجها تعمل ميكب .. كانت مترددة بس في الاخر عملت روج لحمي وايشدو بسيط ..
وقفت لما فؤاد دخل الغرفه .. فؤاد اتلخبط لما شاف نهى الازدادت حلاوة قدامو .. اتقدم خطوات
فؤاد: جهزتي؟
نهى: ايوة
فؤاد: طيب يلا عشان نستناهم تحت
نهى: طيب
نزلو وبدريه كانت مجهزة ليهم الفطور .. فؤاد اتوجهه لاخوه وحضنو بشوق .. نور سلمت على نهى الراسمه ابتسامه في وشها .. فؤاد سلم على نور وباركلها الحمل .. قعدو مع بعض في الصالة الوااسعه .. رياض ابوهم جا طالع من غرفتو بوشو البشوش .. حضن اولادو بحب وسلم على نور .. اريام كانت في غرفتهاا قبل ما تنزل تسلم على غياث ونور .. الصاله للحظات كانت بتشع فرح 😻
رياض وهو بعاين لغياث:اذا فؤاد ما جا ما كنا حنشوفك
غياث:عارف اني مقصر يا ابوي بس اسوي شنو
فؤاد بضحكه: سيادة الرائد مشغول بدولة كامله 😂
غياث:اطلع منها يافؤاد
اريام:ياخي اشتقت للمة دي 😻
نور:ربي يخليكم لبعض 💜
غياث:ويخليك لي 💜
نهى كانت بتعاين لنور وغياث وانداجهم مع بعض ..
بعد دقائق طلعو يفطرو في حديقه البيت ..الجو كان مشمس وحلو ..
عدت ساعات وكلهم بتونسو بعفوويه ..
ممكن نقول انو رياض كان محظوظ بعيلتو البسيطه .. اولادو الكانو ليهو نعم السند .. ما كان خايف في يوم يقع لانو حيتسند .. زوجتو بدريه لعمر طويل كانت في ضهرو بتقيمو لما يميل .. ولما هي تميل هو بسندهاا .. غير انبساطتو بانبساطهم .. ولزمن طويل استنى يشوف احفادو .. دعى ربو في سرو انو ماا يحرمو من شوفتهم مبسوطين ..
نهى واريام ونور دخلو مع بعض المطبخ .. كان برتبو فيه وبيعملو في الحلو ..
اريام وهي بتعاين لنو: البيبي ما قرر يطلع
نور بابتسامه:لسه شويه فضل شهرين😭
نهى:ربنا يقومك بالسلامه
نور:امييين وعقبالك💜
نهى اكتفت بالابتسامه ..
اريام:ما لحقنا نقعد معاك يا نهى فؤاد ما صدق اخدك وسافر😂
نهى بضحكه: اييوة
نور: قدرتي تتأقلمي مع جو امريكا اعتقد كان صعب
نهى بدون ما تحس:فؤاد قدر يخليني اتأقلم بسرعه
نور: يخليكم لبعض
نهى بإبتسامه: انتي وغياث اتزوجتو عن حب؟
نور: لا تقليدي
نهى:في بيناتكم كيمياء حلوة ما شا الله
اريام ابتسمت وعاينت لنور:غياث قدر يبعد اي سالب ممكن يعيق علاقتهم 💜
نهى:حلو ربنا يحفظكم ويخلي البيبي الجاي كمان
نور: في احلى من كدة دعوة جمعا يرب💜
اريام:على الاقل اعملو حساب السنغل المعاكم دي😒
نهى ونور ضحكو ..وبعدها طلعو اول ما خلصو ..
اليوم كان حلو وبعد ساعات طويلة غياث ونور رجعو بيتهم .. ونهى زرات اهلها مع فؤاد ..ام نهى كانت بتبكي لما شافت نهى .. ونهى نفس الشي ما وقفت بكاا وهي بتحضن ابوها وامها .. كانت اول مرة تبعد عن امها وابوهاا ..
فؤاد انبسطت من تعااملهم الحلو معااهو كانو ولدهم .. فؤاد طلب من نهى تبيت وحيجي يسوقها تاني يوم .. نهى فرحت من جواها لكلام فؤاد .. عدت ساعات وهو رجع بيتو ونهى فضلت مع اهلها ..
_______
تاني يوم:
فؤاد نزل من شقتو وباس راس ابوه وامو الكانو بشربو في الشاي .. سألهم من اريام
بدريه: كالعادة نايمه
فؤاد: طيب حطلع اصحيهاا
رياض بضحكه: اعمل حسابك ما تضربك لانها بتنشن صاح
فؤاد بضحكه:عامله ليكم رعب وكدة😂.. طلع السلم وهو مبتسم
في غرفه اريام:
كانت مرميه في سريرها وبتبكي .. خاته ايدها في فمها عشان ما في زول يسمع شهقاتها .. مسحت دموعها بسرعه لما سمعت صوت الباب .. فؤاد دخل وكان مبتسم .. اتمحت ابتسامتو لما قرب من اريام وشاف عيونها المورمه ..
فؤاد: ارياام انتي بتبكي😳
اريام:لا بس صحيت يدوب
قرب منها اكتر ..
فؤاد رفعلها راسها:عاوزة تخبي علي دموعك ؟
اريام ما قدرت تكتم دموعها النززلت بغزاارة .. حضنت اخوها بقوة وكانت بتترتعش من الخوف الساكنهاا .. فؤاد ضماها عليهو وبيسأل فيهاا بس ما كانت بترد ..
فؤاد: في زول مزعلك؟!! في زول ضايقك في الجااامعه؟! قوولي!؟
فؤاد عاين لتلفونها الكان بررن بإستمرار .. اريام زحت من فؤاد وشالت تلفونهاا .. فؤاد قدر يشوف اسم فارس .. مسك منها التلفون بس فارس فصل .. فؤاد عاين لاريام وعيونو شرار
فؤاد:فارس! فارس صحبي!!!!؟
اريام كانت سااكته ودموعها بتنزل .. اتفزعت لما فؤاد علاا صوتو لاول مرة عليها.. ردت عليه:ايوة💔
فؤاد مسكها من ايدها:وليه بيتصل عليك؟
اريام:لانو هو السبب في دموعي يا فؤاد😭
فؤاد بعدم تصديق:فارس عملك شي؟!فارس لمسك يا اريام؟!
اريام فتحت تلفونها ورتو صورها مفبركه .. رسلهم فارس ليها بعين قويه عشان يهددها بيهم💔.. فؤاد عيونو احمرت وهي بتحكي ليهو بالحصل معاها ومحاولة فارس بانو يعتدي عليها .. رفع ايدو عشان يضربها .. اريام غطت وشها بإيديها .. نزلتهم لما سمعت صوت الباب انقفل وفؤاد مافيش .. نزلت على ركبها وبكت بصوت مكسور والعبرة خانقاها💔
