في بيت فؤاد..
دخل البيت .. قفل الباب وهو سامع صوت التلفزيون .. دخل براحه وبدأ يسمع في صوت نهى وهي بتضحك .. قررب من المكان الهي فيهو وابتسم لضحكها .. نهى كتمت ضحكاتها المتعااليه بعد ما شافت فؤاد .. فؤاد كان حيسألها كيفك ؟ بس هي سبقتو وبإبتسامه : كيفك فؤاد
فؤاد: الحمدلله
قعد شويه وكل واحد سررح ف عاالم تاني .. فؤاد طلع غرفتو الكانت مقلوبه استغرب من منظرهااا .. ختا ايدوو ف وشو من المنظرر ..
فؤاد بصوت عالي: نهى ؟؟
بس ماارديت عليه نزل تحت لقاها مندمجه مع تلفونها
فؤاد: نهى؟
نهى: ايوة
فؤاد: الغرفه ليه شكلها كدة ؟.. اقصد انتي دخلتيها؟؟
نهى: ايوة دخلتها
فؤاد: يعني انتي الخلا منظرها كدة
نهى: كنت برتب وجات معاي كدة حعمل شنو يعني
فؤاد بإستغراب: انتي شايفه دة ترتيب ؟
نهى وقفت : اي
فؤاد قرب منها وبصوت عالي: اياك تدخلي غرفتي مرة تانيه
.. نهى رجعت خطوات .. اتغاظت منو وحاولت تسكت .. قعدت بدون ماترد عليهو .. وفؤاد شبه انفجر من ردة فعلها.. طلع رتب غرفتو واخد دش .. وناام
نهى كانت صاحيه للفجر بعدها صلت ودخلت ناامت ..
_________
الساعه 7:00 صباحاً
كانت حاسه انها مكتفه من ضمتو القويه ليها .. صحت بصوتو وهو بقول النعمه الحقيقيه اني اصحى واشوف ملامح جواها طمأنينه ذي ملامحك.. غمضت عيونها وفتحتهم قدرت تميز عيونو الكانت مبحلقه فيها .. ابتمست وقربت من خدو وباستو .. بااادلها بوحدة على خدهاا ..
نور: صباح الخير
غياث: يسعد لي ايامك💜
نور: غياث
غياث: حياة غياث
نور بضحك: قوم عشان ما تتأخر
غياث: على شنو؟؟
نور: على شغلك
غياث: لا ماا حامش الليله قاعد على قلبك😊
نور: وانا لاقيه 💜
كان بحاول يبوسها بس هي بتندس تحت البطانيه .. ضحكت لماا شال البطانيه وقف على حيلو وشالها ..
نور: نزلني
غياث: ما نفسك ناخد دش 🌚
نور مدت بوزها: ما عايزة😌
غياث: انا ماعارف بستاذنك ليه 😌
دخلها الحمام وهي بتصررخ .. نزلت منو وكانت حتطلع بس مسكها من ايدها وسختو بالمعجون وملت ليهو وشو بجل الحلاقه .. بس كان ماسكهاا وبقول ليها عاملة فيها عنيدة اعملي العايزاه ما حسيبك .. 😂😂💜
__________
في غرفه باسم
كان بتكلم مع دانيا .. امو دخلت بعد م دقت الباب
شمس: اكييد ماسك الموبايل وما بتقرا
باسم زحا الموبايل: والله بقرا بس رديت على التلفون المهم دة 🌚
شمس: للدرجه دي مهم الاتصال دة لمن سايب ليهو قرايتك
باسم: والله يا شموس اهم من قرايتي
شمس بضحكه: سلم لي عليها الشااغلاك دي وخلص بسرعه
باسم: سمح 😂
رجع رفع التلفون
دانيا بضحك: ياامهرووش😂
باسم: لو سمحتي احترمي باقي الكرامه العندي
دانيا: خلاص حقفل زاتو
باسم: بحبك بصوتك الحلو دة 💜
دانيا: ياابعدي😂💜
باسم رماا تلفونو بعيد بعد الفزززعه الدخلها فيهو مااجد ..
باسم: ياخ انت ولا عزرائل بتجي من وين فجاءة كدة🌚💔
ماجد بضحك:بتتكلم مع منو هساا لمن كنت حتكسر التلفون؟؟
باسم: ديلر🌚
ماجد: بتبيع من وراي 😳
باسم: الجاابك شنو؟؟
ماجد بصوت طفولي: قلتا لامي ماشي اقرا مع باسم 🌚
باسم: ما قالتلك تعال قبل المغرب😂😂
ماجد بضحك: لالا .. اخبارك شنو مع دانيا
باسم:ماشي حالا
ماجد: ما اتكلمت مع امك؟؟
باسم: ماعارف ما قادر اخطي اي خطوة 💔
ماجد: انجزز عشان نخطب سواا😌
باسم: تخطب من وين ي روحي انا من عرفتك وانت سنغل 🌚
ماجد: انت مالك بس انجزز 😌
ضحكاااتهم اتعاالت بعد ونسسه طويلة بعدهاا قررو يقرو بإلحاح من باسم ..
شمس كانت سامعه كلامهم .. ابتسمت لكلام باسم .. وبعدها نزلت
