اريام كانت في غرفتها خلصت كم صورة واستندت على الكرسي بتعب .. عاينت لتلفونها .. شالتو قبل ما ابتسامه عريضه تملا وشها ..
اريام: اهلين😒
باسم بضحكه: اسسسف
اريام: لا ما حقبل بأسفك لازم تعوضها
باسم: ودة السبب الخلاني اتصل يلا اجهزي عشان حنطلع الكورنيش
اريام: لاااا😻
باسم: والله
اريام: طيب ثواني واجهز
باسم: ارياام!!
اريام: امممم
باسم: اتصلي على ريم خليها تجي
اريام: ماجد هو الطلب منك صح
باسم: زااني على راسي ياخ
اريام: مشكلتهم بتشاكلو وبرجعو بتصالحو
باسم: وبيمعطونا احنا
اريام بضحكه: طيب حجيبها
باسم: وما حتقوليلا ماجد معاي
اريام: اكيدانا ما غبيه😒
باسم بضحكه: طيب يلا
اريام: اوكي
قفل منها .. وعاين لخلفيه تلفونو قبل ما يبتسم ..
عدت الساعات وباسم وماجد التقو مع ريم واريام .. ع اساس بالصدفه😂
باسم: حافظ على توازنك العقلي فاهم
ماجد: توازني العقلي!!؟ قصدك انا متخلف!
باسم: اي ..واهم شي ما تظهر ليها انك عايز تراضيها
ماجد: ما توصي حريص ..
باسم رسل لاريام مكانهم وبعد دقايق جات عليهم هي وريم الكانت عابسه ملامحها اول ما شافت ماجد( ريم بت سمراء ومتوسطه عكس ماجد الطويل لونها الناعم بخليها تجذب كل الحولينها شعرها الاسود النازل على اكتافهم وابتسامتها الحلوة هادئه بطبعها)
باسم بمثل: انتو كمان هنا
اريام: جينا نشم هواء وانتو
ماجد بعاين لريم: لو عارفين انكم هنا ما فكرنا نجي 😏
باسم قرص ماجد وبصوت خافت: ما للدرجه دي
ماجد: اوفر صح ؟؟
باسم: ما تتكلم اسكت خالص .. وعاين لاريام الكانت بتضحك
اريام: صوتكم عالي على فكرة
ريم بابتسامه: انا حمشي يا ريمو شكلو جينا في يوم غلط .. اتقدمت خطوات
اريام اشرت لماجد: الحقهااا
ماجد عمل ذي ما اريام وباسم قالولو ..
باسم بضحك: ماجد بفقد قدراتو في المواقف دي
اريام: وريم نفس الشي حمقا جدا رغم الطيبه الجواها ..
قعدو في كراسي جنب البحر الجو كان مغيم وباارد
باسم: كنتي حلوة في الفيديو
اريام: اهم شي المحتوى عجبك؟
باسم: اكييد
اريام بابتسامه: يسلمو
باسم: طيب انا عندي فكرة
اريام: يلي هي شنو!
باسم: انا ومؤيد بدينا نعمل برنامج اسم ..
اريام: اسمو كراكتير تايم
باسم: شفتيه
اريام: عييب انا متاابعه اعمالك ومؤيد كمان عندو موهبه اما ماجد ..
باسم بضحكه: زول جكس
اريام ضحكت: ايوة بالضبط
باسم رد على اتصال جاهو وختا التلفون في التربيزة القدامهم وسرح شويه ..
اريام عاينت لشاشه تلفون باسم شافت صورة دانيا وهي بتضحك وخاته ايدها في فمها: دي دانيا!!
باسم رجع عاين لاريام الاشرت ليهو على جهه تلفونو: ربنا يرحمها
اريام: امين يارب
سسكتت مسافه قبل ماترجع تسألو
اريام: شفت زعل الناس عليها اول ما ماتت
باسم بابتسامه: كانت محبوبه
اريام: للان بتحبها
باسم بابتسامه: للان ما قدرت انساها كانت حياتي .. عيونو لمعت لما اتزكر كلامها وضحكتها وهظارها معاه ..
اريام حست بشئ وجعهاا للحظه اتناست لما شافت باسم بعاين ليها .. عاينت لجهه ماجد وريم الكانو جاايين من بعيد
اريام: خلاص نقدر نقول تم الصلح بينهم
ماجد: سمعتك
باسم: ممكن ما تتشاكلو تاني او اتشكالو كل شهرين ما مشكلة بس ما يومي ياخ
ريم ضحكت:اشوف انكم غيرانين صح
اريام: غيرانين انتو اخرتكم سااعه بالكتير وتتخانقوا تاني
باسم: طيب انا حمشي انتو كملو
ماجد: سوق معاك اريام بالله عايزين ناخد راحتنا
اريام: خلاص قنعتو مني😒
باسم بضحك: طيب يلا
__
في صباح جديد بعد ضغوط مرت على نور كأنها جبل انهد على احلامهاا .. خللت شعرها وشدت ايدهاا عاينت لغياث الكان واقف في التسريحه وبجهز عشان يطلع .. وقفت قبل ما تمشي عليهو وتحضنو من وراء .. ابتسم ولفا عليها باستو بحب ..
غياث: صباح الخير
نور: صباح النور
غياث لمس جبينها: كانو الحمى نزلت
نور:حمى؟!
غياث بابتسامه: كل الليل بتهلوسي بكلام ما مفهوم
نور: يمكن من التعب
غياث ببوسها واتقدم خطوات: طيب حاولي ما تجهدي نفسك
نور: انت حتطلع
غياث: مشغول الليله واحتمال اتاخر
نور: طيب حتاخد جنان ولا اسوقها معاي
غياث: اخديها معاك لاني متاخر ربع سااعه كمان .. باسها تاني قبل ما يطلع ..نور طلعت وراه الصاله واستندت على باب الغرفه وبتعاين لغياث الرسم قبلة في خدود جنان وغمز ليها قبل ما يطلع .. نور ابتسمت وشالت جنان الكانت بتلعب ..دخلت حمتها وعملت ليهم فطور وقعدت معاها في الصاله بعد ما لبستها .. شالت تلفونها الكان برن وابتسمت لما شافت نهى متصلة عليها ..
نور: بشريني 😻
نهى: ام جنان الحلوة💜
نور: كيف حالك
نهى: عال حمدلله انتي كيف وجنان
نور: كويسين بس طمنيني حصل شنو في اخر ميتنغ؟
نهى: الحمدلله كل خير حيتقالي ماما يانور💜
نور بفرح: صبرتي ونولتي والله فرحت ليك
نهى: ونعم بالله
نور: فؤاد كمان يستااهل 😻
نهى بضحك: اذا شفتيه وهو حينشق من الفرحه كانو انولد من جديد
نور ضحكت لما سمعت فؤاد رداا على نهى وقالها انولدت لما دخلتي حياتي💜
نور بضحكه: ياااسلام شكلي حقفل لما تخلصو رومانسيه
نهى بضحكه: بسلم عليك
نور: سلمي عليه كمان
نهى: وصل ..
اتونسو لدقائق وبعدها نهى قفلت .. نور عاينت لساعه تلفونها .. قالت لجنان خليك هنا لما البس يعمري اياك تتحركي .. جنان كانت مدخلة اصبعها في فمها ومبتسمه .. نور باستهاا ودخلت اخدت حمام ولبست عشان تمشي المجللة ..
