نزلت من غرفتها ..حست بشعور الملل المتملكها.. عملت اندومي وشالت شوكلت وعصاير وكميه من الاكل .. وقعدت بيهم قدام التلفزيون علت الصوت وبعدين رجعت وطتو .. كررت الحركه اكتر من مرة .. نفخت بضجرر .. بعدها فتحت تلفونها وشغلت غنيه وبدت ترقص بهبااله .. كانت بتضحك على نفسها في المرايه الكبيرة الموجودة في الصالة .. قربت من المرايه وبدت تعمل حركات بوشهاا كانت مندمجه مع تصرفها الطفولي 😂..
قلبها وقف لما شافت فؤاد عاكسااه المرايه .. واقف في السلم وميت بالضحك .. نزل من السلم وجا قصادها وهو لسه بضحك .. نهى انكمشت على نفسها من الخجل .. ما كان قدامها غير تضحككك 😂 .. بس ما قدرت تكمل ضحك لما شافت فؤاد وقف ضحك وبعاين ليها 😂 .. سكتو للحظه وكانو بعاينو لبعض .. ضحكو ف نفس اللحظه لفترة طويلة..
نهى: انت كنت هنا من متين
فؤاد كاتم ضحكتو: من لما شلتي نص المطبخ معاك الصالة
نهى كانت خجلانه من نفسهاا .. غطت وشها وكانت حتدخل غرفتهاا .. اتقدمت خطوات .. حست بإيدو ماسكه ايدهاا .. قرب منها بدون ما يشعر
فؤاد: ليه عايزة تخربي اللحظه دي
نهى كانت ملخبطه وبتعاين لأيدو .. ما اول مرة يمسك ايدها بس حست بشئ تاني لأول مرة 💜
"بسموها البدايات الجميلة"
.. ما كان قدامها غير تبتسم سحبت ايدها برااحه وقعدت ف الكرسي .. قبل ما يجي يقعد جنبهاا .. شالت الريموت وشغلت قناة اطفال ما كانت منتبه هي بتعمل في شنو .. كانت مركزة مع فؤاد وبتشم في عطرو ..
فؤاد بضحكه: يعني ما لقيتي غير القناة دي
نهى: بحب احضرها
___________
في غرفه اريام:
شافت مسج باسم الكان online ردت عليه
اريام: "ولما نستهلك ثقتنا كلها بيسموه شنو!"
باسم شاف المسج ودخل الشات بتاعها قبل ما يرد عليها
باسم: "حماقه"
اريام: "حماقه!؟"
باسم: "ايوا حماقه .. لما تختي ثقتك كلها لنفس الجهه الخزلان حيكون بنفس القدر "
اريام: " لما نور قالت عنك فيلسوف ما كانت بتكذب"
باسم: " ههههه شبه كدة"
باسم رد على اتصالات مؤيد وماجد الكانو واقفين ليهو تحت عشان يطلعو مشوار مع بعض .. قفل تلفونو ونزل ..
اريام كانت بتضحك لما تتزكر اللايف بتاعو .. يمكن كانو اصحاب من زمان بس اول مرة تشوف فيه جانب جديد ..شافت كل فيديوهاتو وكانت بتضحك بدموعهاا ..
وقفت على حيلها لما اتزكرت طلعتها مع صحباتها .. قاامت بسرعه عشان تجهز ..
______
في عربيه ضياء:
خلود: ضياء ممكن تسمعني !
ضياء بابتسامه: احكي 💜
خلود: انا خاينه 💔
ضياء بضحك: دة مقطع من مسلسل ؟؟؟
خلود: افتكرتني بهظر !؟ لا ما بهظر يا ضياء انا خاينه انا زباله وحساله انا مجرد لعبه وخلاص .. صررخت بصوت عالي وقف العربيه يا ضيااء
ضياء داس فراامل وكان بعاين ليها بزهول ..
ضياء: خلود انتي مجنونه
خلود ودموعها بتنزل بغزارة: ايوة مجنونه 💔 ومختله عقليا .. ضياء انا بنصب عليك .. انا مجرد رصاصه عشان تصيبك انا ما بحبك بس كنت عاوزة قروشك عاوزة انصب عليك ياا ضياء
ضياء: انتي وااعيه للبتهببي بتقولي فيه؟!
خلود: ايوة انت صح؟! انا اول مرة احس اني وااعيه اول مرة احس اني عزيزة ولو شويه .. ساامحني عارفه انك بتحبني بس انا ما بستاهل الحب دة !! ما بتساهل منك الاحترام دة يا ضياء .. نزلت من العربيه بس ما كانت عارفه انو ضياء حيلحقها ويسلمهاا كف تشهد عليه كل الناس الفي الشارع 💔 .. خلود وقعت وهي بتنزف .. قومها وكان حيموتها في ايدو .. قبل ما الحشد الحولينهم يتدخل ..
خلود: زعلان لاني قلت ليك الحقيقه
ضياء: زعلان لانك طلعتي وااطيه
خلود بضحك: ما حزعل لاني متعودة على الكلمه دي .
ضياء ما حاول يرد عليها طلع عربيتوو وكان حينفجرر ..خلود وقفت بصعوبه قبل ما تمسح الدم .. كانت ماشه في الشارع وبتبكي .. حلفت انها ما حترجع للبتعمل فيه 💔
بس ليه خلود فجاءة اتغيرت !! الدافع الفتحها عيونها على البتعمل فيه؟؟💔 حنعرف قدام
