نور كانت حاسه انها عايشه ف حلم .. بتحرك ايديها ف شاشه الموبايل وبتتمنى انها لو بتتخيل .. شافت صور لغيااث وهو مع وحدة تانيه .. في مطعم وفي صور وهو حاضنها .. وصور ماسك ايدها وقفت وشههقت بس حاولت تكتم صوتها .. قفلت التلفون بسرعه .. اتوترت شديد وبدت تعرق .. غياث طلع من الحمام وهو بدندن .. وقفت بسرعه وكانت حتعلي صوتها وتصرخ في وشو بس ما قدرت .. يمكن ما اتوقعت دة كلو .. ويمكن خايفه تخسر غياث .. دخلت الحمام وغسلت وشهاا .. وكل ما تغمض تجيهاا الصور والرقم الرسل ليها الصور .. اخدت نفس مليان ضيق ووجع وكانت من جواها بتتقطع .. طلعت وشالت تلفونهاا حاولت ترسل للرقم بس حظرهاا .. قالت في نفسها ما تستعجل .. طلعت عملت العشاء كانو مافي شي حصل ..
____
خلود كانت في غرفتهاا وماسكه تلفونها ومندمجه معااه .. راسمه في وشها ابتسااممه خبيثه كانها انتصرت .. انجزت وعملت الفي راسها .. رقدت ف سريرها وكانت بتضحك ..
__
الجو كان هادئي بين اصوات نباح كلاب .. نهى كانت قاعدة ف الهول قدام التلفزيون .. فؤاد اول ما جه من الشغل طلع غرفتو وقعد في البلوكنه وشغال في اللابتوب .. فجاءة الكهربه قطعت .. نهى بطبعها بتخاف من الظلام فتحت فلاش تلفون بعد الخوف الاتمالكها .. قامت بدون تردد وطلعت لغرفه فؤاد دخلت بدون سابق انزار وبقت بتنادي
نهى بخوف: فؤاد ؟؟
فؤاد جا عليها بس ما كان مضوي شي .. نهى اتفززعت من ضلو ورمت التلفون وصررخت .. فؤاد مسك ايدها وقال ليها اهدي انا فؤاد .. سحبت ايدها من ايدو قبل م تشيل تلفونها ..
نهى: الكهرباء عادي بتقطع هنا
فؤاد سمع صوتها بعد زمن كان من جواهو ما عايزها تسكت ردة عليها: لا م بتقطع بس شكلو ف زول جاب معاه النحس
نهى حاولت م ترد عليهو ..
فؤاد: تعالي حشوف ادارة الكهرباء
نزل وهي كانت ف ضهرو .. وقف قدام الكبلات وهزا راسو اتلفت عليها : ف سلك مقطوع وم حقدر اصلحو صعب
نهى: ليه م بتقدر انا حصلحو
فؤاد وقف قدامها :انتي قايلاها اي شي وخلاص ذي مافي السودان ..
نهى باستسلام: والحل ؟؟
فؤاد: عادي حننوم والصباح حجيب واحد يصلحها
نهى: انا ما .. "وسكتت
فؤاد : تعالي حنطلع فوق
نهى طلعت معاه لسطوح البيت الكان مزروع بزهوور كتيرة وشكلو حلو .. ضوء القمر كان مظهر اي شي .. نهى رغم انها قاعدة اسابيع ف البيت بس م جا على بالها تطلع سطوح البيت .. كان في سرير شمسي وف كراسي شمسيه مظظللة .. متلفى حولينها الشجر البتلف ..
فؤاد: كنتا بنوم هنا لما تقطع اتلفت عليها وقال حتخافي هنا كمان؟؟
نهى: لا
فؤاد وهو عايز ينزل تحت .. نهى وقفت: انت حتنزل تحت ؟؟
فؤاد: عايزة شي
نهى بتردد: لا خلاص .. نزلت معاه جابت حاجه عشان ترقد فيها
جات ترقد بس حست بخوف .. بقت تتقلب .. كانت حتبكي بس م بتسمح لنفسها تطلب من فؤاد يكون معاها ..
بعد دقائق .. فرحت من جواها لمن شافت فؤاد جا وقعد ف المظظلة الشمسيه .. كانت بتعاين ليهو وهو ماسك اللابتوب وشغال .. اندست جوا البطانيه من الجوء البارد وغمضت عيونها ..
"اسمه الامان"
_____
عدت الساعات عاادي .. نور ما تحاول تسألو عن الصور .. لما جو ينامو ما رقدت في حضنو ذي ما متعودة .. كان اول يوم تنوم وهي مقبلة على جهه التانيه .. نزلت منها دمعه " بسموها الخزلان ومرات الأسي" .. غياث استغرب منهاا بس ما اتكلم .. غمض عيونو بدون ما يسألها ..
هل دة كان اول بعد بيناتهم ؟؟ ولا نور حتخت عقلها ف راسها وتحاول تعرف مصدر الصور ؟؟ غياث حيقدر يفهم نور والجواها ولا حيقيف بعيد؟؟
حنعرف كلنا قدااام💔
